«Պատերազմով վախեցնելը այսօր չի աշխատում. ընդդիմությունը լարվածության մեջ է գցել իշխող թիմին»

Ինչպես հայտնեցին ընդդիմադիրները, ապրիլի 25-ից սկսելու է իրենց բողոքի նոր փուլը, հանդես են գալու անհնազանդության բողոքի ակցիաներով: Նշենք, որ այսօր արդեն «Հայաստան» դաշինքն Իջևանից երթով գալիս է Երևան՝ մարզերի բնակիչներին կոչ անելու՝ միանան իրենց պայքարին:

Հասարակության որոշ զանգվածի կողմից քննարկվեց այն, որ կարծես թե, ընդդիմությունը այն նույն ճանապարհով է գնում, ինչով ժամանակին Նիկոլ Փաշինյանը եկավ իշխանության, քանի որ նա էլ իր հեղափոխությունը սկսեց Իջևանից և անհնազանդության բողոքի ակցիաներով:

Ներկայիս իշխանության՝ ժամանակին գործելաոճի կրկնությունը ընդդիմության կողմից, վերջինիս հաջողելու շանսերի, իշխանության տրամադրությունների և այլնի շուրջ ԼՈՒՐԵՐ.com -ը զրուցեց քաղտեխնոլոգ Արմեն Բադալյանի հետ, որը բնական համարեց ընդդիմության ներկայիս գործողությունները.

«Ընդդիմության կողմից տեխնոլոգիաների կրկնությունը աշխարհում տարածված երևույթ է, ուղղակի պետք է հասկանալ, որ տեխնոլոգիայի մեխանիկական կրկնությունը, ոչինչ չի տա, այսինքն՝ եթե դու մեխանիկորեն կրկնես այն ամենը, ինչը 2018 թվականին եղավ, հաջողություն չի բերելու, միանշանակ: Այն ժամանակ լրիվ ուրիշ իրավիճակ էր, հիմա՝ ուրիշ»,- նշեց քաղտեխնոլոգը՝ հավելելով, որ հստակ գնահատական կկարողանա տալ միայն որոշ ժամանակ անց, երբ պարզ կլինի ընդդիմության անցած ուղին:

Ըստ Արմեն Բադալյանի՝ բնական էր, որ առաջին փուլին պետք է հաջորդեր երկրորդը, քանի որ սկզբնական փուլի նպատակը իրենց վրա ուշադրություն հրավիրելն էր.

«Ուշադրություն գրավելու շրջանը, կարծում եմ, հաջողվեց, ուղղակի պետք է շատ բաներ հաշվի առնել, օրինակ՝ ինչպիսին է հասարակության տրամադրությունը, ինչպես են ընդունում մարդիկ ընդդիմադիրների գործողությունները... շատ բաներ հաշվի առնելուց հետո նոր հաջողության կհասնեն, նաև պետք է հասկանալ, թե որն է նրանց համար հաջողությունը»,- նշեց նա:

Անդրադառնալով ԱՆ նախկին նախարար Արսեն Թորոսյանի այսօրվա ֆեյսբուքյան գրառմանը՝ որում նշել էր, որ ընդդիմությունն ուզում է նոր պատերազմ՝ նոր զոհերով և պարտությունով, որպեսզի պարտության փլատակների վրա բռնազավթի ազատ ընտրություններով ձևավորված իշխանությունը, քաղտեխնոլոգն ասաց, որ իշխանական թևը վտանգ է զգում. «Իշխող թիմի ցանկացած ներկայացուցչի համար որտեղ վտանգ կա, սկսում է անմիջապես բացասական պիտակավորել, որը ևս նորմալ երևույթ է: Ընդդիմադիրների ներկայիս գործողությունները լարվածության մեջ են գցել իշխող թևի ներկայացուցիչներին: Իշխանական պատգամավորների ֆեյսբուքյան գրառումները վտանգի զգացողության վերաբերյալ առաջին ազդանշաներն են, որովհետև գիտեն, որ պատասխան են տալու շատ հարցերի համար, եթե, իհարկե, մնացին Հայաստանում: Ինչ վերաբերում է նրա նշած ազատ ընտրություններին, ապա կարող եմ ասել, որ Հայաստանում ընտրությունները միշտ կեղծվել են, կեղծվում են և երկար ժամանակ դեռ կկեղծվեն: Եթե ընտրության արդյունքները չեն բողոքարկվում, դա դեռ չի նշանակում, որ կեղծիք չի եղել: 2017 թվականին էլ այն ժամանակվա ընդդիմությունը, որի ղեկավարը այսօր վարչապետ է, չբողոքարկեց ընտրությունների արդյունքները, համարեցին լեգիտիմ, բայց դե գիտեինք, որ այն ամբողջովին կեղծել են»,- ընդգծեց Արմեն Բադալյանը՝ հավելելով, որ պատերազմով վախեցնելը մտնում է ներկայիս իշխանության տեխնոլոգիաների մեջ, ինչն այսօր արդեն չի աշխատում: 

Հարցին՝ իշխանափոխություն կլինի, մեր զրուցակիցն ասաց, որ դժվար է կռահել. «Դա նույնն է, որ գուշակենք երկու օր հետո Հայաստանում անձրև կտեղա՞, թե՞ ոչ»:

Զվարթ Պետրոսյան

Այս թեմայով Պետք է հեռանա Փաշինյանը, չի կարող լինել այսպիսի իշխանություն. Տավուշի թեմի առաջնորդ Ամենաշատը կարող եք հաչալ, ձեր ականջները կտեսնեք՝ իշխանություն չեք տեսնի. Ավինյանը ափերից դուրս եկավ ԱԺ-ում չկա ընդդիմություն, երկուսն էլ իշխանություն են՝ մեկը մեծամասնություն, մյուսը՝ փոքրամասնություն ՀՀ-ում իշխանություն չկա, այստեղ հակաժողովրդավարական ռեժիմ է, 1 անձի իշխանություն. Շարմազանով Հայ ժողովուրդը պատերազմից չի վախենում, բայց հայ ժողովրդին վախեցնող իշխանություն պետք չէ․ Օհանյան Կառավարությունը որոշել է, որ ՀՀ-ում գիտության լեզուն այլևս հայերենը չէ. քաղաքական ընդդիմություն ասելիք չունե՞ս. Արմեն Այվազյան Ինչու՞ Բաքուն Տավուշի գյուղերի հարցը 15 տարի առաջ չէր ներկայացնում, գիտի` ինչ իշխանություն է իր առջև Այ մարդ, իշխանություն եք ուզում, գնացեք քվե ստացեք, մեզնից ի՞նչ եք ուզում. Միրզոյանը՝ Խաչատրյանին Այն, որ մենք Փաշինյանին հարմար ընդդիմություն չենք, ես բազմիցս եմ իմ վրա զգացել․ Աննա Մկրտչյան Ձևավորելու ենք նոր իշխանություն, որը կանի էն, ինչ ասում էր 2018-ին․ ճանապարհին ենք․ Մարության