Եթե դեսպան Լին Թրեյսին չվերանայի Բաքու մեկնելու ծրագրերը, ապա պետք է վտարվի երկրից․ Էդգար Ղազարյան

ՍԴ աշխատակազմի նախկին ղեկավար Էդգար Ղազարյանը ֆեյսբուքյան իր էջում գրել է.

«Հայաստանում ԱՄՆ դեսպանը պետք է վտարվի երկրից։ Պաշտոնապես հաստատվել է այն տեղեկությունը, համաձայն որի՝ Հայաստանում ԱՄՆ արտակարգ և լիազոր դեսպան տիկին Լին Թրեյսին կմեկնի Բաքու՝ մասնակցելու համար 2022 թվականի ապրիլի 27-ից 28-ը կայանալիք ԱՄՆ-ի տարածաշրջանային առաքելությունների ղեկավարների համաժողովին։ Դեսպանությունից հայտնել են, որ նման համաժողովների անցկացումը կրում է պարբերական բնույթ, իսկ հյուրընկալող երկիրը փոխվում է ռոտացիոն սկզբունքով։

Այդ մեկնաբանությունը որևէ կերպ չի կարող հիմնավոր համարվել, քանզի կազմակերպիչները պարտավոր էին հանդիպման վայրն ընտրելուց հաշվի առնել տարածաշրջանի պետությունների միջև առկա փոխհարաբերությունները։ Հայաստանում հավատարմագրված դիվանագիտական առաքելության ղեկավարը, առաքելության ընթացքում պարտավոր է հաշվի նստել դեսպանընկալ երկրում տիրող իրավիճակի հետ՝ հարգել նրա շահերը։ Դեսպանն իր առաքելության բերումով ընդունելության է արժանացել Հայաստանի բարձրաստիճան բազմաթիվ պաշտոնյաների կողմից, այցելություններ է ունեցել երկրով մեկ, այդ թվում սահմանամերձ տարածաշրջաններ, հետևաբար նրա այցելությունը թշնամական երկիր իր մեջ մեծ ռիսկեր է պարունակում։

Դիվանագետների ռիսկային և դեսպանընկալ երկրի շահերին հակառակ գործունեությունը «անցանկալի անձ» (Persona non grata) ճանաչելու հիմք են հանդիսանում։

Եթե դեսպան Լին Թրեյին չվերանայի Բաքու մեկնելու իր ծրագրերը, ապա վերադարձից հետո նա պետք է Հայաստանի կողմից «անցանկալի անձ» (Persona non grata) ճանաչվի և առավելագույնը 72 ժամ ժամանակ տրամադրվի՝ երկիրը լքելու համար։

P.S. 2021 թվականի մարտի 9-ին դիվանագիտական սկանդալի մեջ էր հայտնվել UNISEF-ի Հայաստանի ներկայացուցիչ Մարիան Քլարկ-Հաթթինգը «ոչ համագործակցային գործելաոճ»-ի պատճառաբանությամբ»։

Այս թեմայով Հայաստանը պետք է լինի առանց Նիկոլի. ակցիայի մասնակից Կոտայքի ոստիկանապետի դեմ իրավական գործընթաց պետք է սկսել․ պատգամավոր Տանը խելոք չենք նստելու ու մորթվենք, զենքերը վայր դնել պետք չէ, պայքար է պետք. բողոքի ակցիա (տեսանյութ) ՀՀ ֆինանսների նախարարն ընդունել է ԵՄ դեսպան Վասիլիս Մարագոսին Էդգար Ղազարյանն ազատ արձակվեց Մեր բանակն լավ էլ կռվել ա, նիկոլականներն եկել, ասել են` էդ իրանց հողն ա, պետք ա հետ նահանջենք. ակցիա (տեսանյութ) Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան Հայաստանը պետք է փոխի Սահմանադրությունը, Արարատով զինանշանը. Ալիև Հայոց ցեղասպանության ժխտումը հանգեցրել է աշխարհում նոր ոճրագործությունների. Շվեդիայում ՀՀ դեսպան Վարչապետը պետք է հասկանա` հերիք եղավ, բոլ եղավ, ինչքա՞ն կտոր-կտոր տանք. գեներալ-լեյտենանտ (տեսանյութ)