Սասուն Խաչատրյան, ինչո՞ւ ես թաքցնում, որ քեզ աշխատանքի չեմ ընդունել, դրա համար ես լարված ինձ հետ. Աղվան Հովսեփյան

Երբ Սասուն Խաչատրյանին ազատեցին Դատախազությունից, եկավ ինձ մոտ, հանձնեց քննություններ, որ ընդունվի Քննչական կոմիտե՝ աշխատանքի, հանձնեց քննությունը, բայց ես նրան չընդունեցի։ Այս մասին այսօր՝ մայիսի 5-ին, Երեւանի ընդհանուր իրավասության դատարանում իր գործով դատական նիստին հայտարարեց ՀՀ նախկին գլխավոր դատախազ, ՔԿ նախկին նախագահ Աղվան Հովսեփյանը՝ անդրադառնալով Հակակոռուպցիոն կոմիտեի նախագահ Սասուն Խաչատրյանի այն հայտարարությանը, թե Աղվան Հովսեփյանն իր պարգեւատրել է, սակայն դա իրեն չի խանգարում, որ Հովսեփյանին կալանավորի եւ գործը քննի։

«Իմ բարեկամ Մհեր Խաչատրյանը, որը նրա հայրն է, որի հետ այժմ էլ ես մտերիմ հարաբերություններ ունեմ, նա նույնպես եկավ ինձ մոտ, խնդրելու, որ տղային ընդունեմ աշխատանքի, ես չընդունեցի նրան աշխատանքի։ Բացատրեցի, թե ինչու չեմ ընդունում աշխատանքի, որովհետեւ դատախազ աշխատած ժամանակ միջնորդագրեր էր ուղարկում ամենաշատը երեւի դատախազներից, քննիչներին կարգապահական պատասխանատվության ենթարկելու համար։ Այդ միջնորդագրերի 90 տոկոսը մերժվում էր որպես անհիմն եւ անօրինական։ Այդ ընթացքում աշխատակիցները նույնպես գալիս ու ասում էին՝ պարոն Հովսեփյան, հանկարծ չընդունեք աշխատանքի։ Ինչո՞ւ ես հանրությունից թաքցնում, որ Հովսեփյանը քեզ աշխատանքի չի ընդունել, դրա համար էլ դու լարված հարաբերություններ ունես Հովսեփյանի հետ»,- հայտարարեց Աղվան Հովսեփյանը։

Նշենք, որ այս պահին պաշտպանները դատարանին միջնորդում են Հովսեփյանի նկատմամբ ընտրված խափանման միջոցը փոփոխել։

Հիշեցնենք, որ նախորդ նիստին Հովսեփյանի պաշտպանները դատավոր Մարտիրոսյանին ինքնաբացարկի միջնորդություն էին ներկայացրել, ինչը մերժվել էր։

Ըստ մեղադրանքի՝ քրեական գործով ձեռք բերված ապացույցների համակցությամբ հիմնավորվել է, որ Աղվան Հովսեփյանը, 2004-2013թթ. զբաղեցնելով ՀՀ գլխավոր դատախազի, իսկ 2014-2018թթ.՝ ՀՀ քննչական կոմիտեի նախագահի պաշտոնները, չնայած օրենքով սահմանված արգելքին, 2007-2015թթ. մասնակցել է իր հետ մտերիմ հարաբերությունների մեջ գտնվող Ա. Ս.-ի հիմնադրած կազմակերպությունների կառավարմանը, ինչը կապված է եղել այդ կազմակերպություններին արտոնություններ եւ առավելություններ տրամադրելու եւ այլ ձեւով հովանավորելու հետ: Նշված ապօրինի գործունեության արդյունքում Աղվան Հովսեփյանը հանցավոր ճանապարհով ստացված առանձնապես խոշոր չափերով գույքն օրինականացրել է:

Հակակոռուպցիոն կոմիտեի փոխանցմամբ՝ 2008թ.-ից Աղվան Հովսեփյանն Ա. Ս.-ի միջոցով նույն կերպ մասնակցել է ավտոմեքենաների անվադողերի ներմուծմամբ եւ վաճառքով զբաղվող ընկերությունների կառավարմանը: Աղվան Հովսեփյանը, օգտագործելով պաշտոնից բխող կապերն ու ազդեցությունը, «Զանգեզուրի պղնձամոլիբդենային կոմբինատ» ՓԲ ընկերության տնօրենի հետ պայմանավորվածություն է ձեռք բերել, որպեսզի հիշյալ ընկերության բեռնատար ավտոմեքենաների համար անհրաժեշտ անվադողերը գնվեն իր ներկայացրած անձանցից ու ընկերություններից: Արդյունքում` 2008-2015թթ. ընթացքում «Զանգեզուրի պղնձամոլիբդենային կոմբինատ» ՓԲ ընկերությանը մատակարարվել են ընդհանուր շուրջ 7 մլրդ դրամի անվադողեր:

Նախաքննությամբ պարզվել է նաեւ, որ նույն ժամանակաշրջանում Աղվան Հովսեփյանը ապօրինի մասնակցել է Ա. Ս.-ի կողմից հիմնադրված եւս երկու ընկերության կառավարմանը, վերահսկել դրանց ֆինանսական գործունեությունը: Մասնավորապես` նշված ընկերություններին պատկանող «Վարդահովիտ» եւ «Վայոց» փոքր հիդրոէլեկտրակայաններին ջրօգտագործման թույլտվություններ անխոչընդոտ տրամադրելու համար Աղվան Հովսեփյանը, օգտագործելով պաշտոնեական դիրքը, դիմել է ոլորտում քաղաքականություն մշակող եւ իրականացնող լիազոր մարմնի բարձրաստիճան պաշտոնատար անձանց, ինչի արդյունքում հիշյալ ընկերություններին տրամադրվել են փոքր հէկերի կառուցման եւ շահագործման համար ջրօգտագործման թույլտվություններ: Հովսեփյանին վերագրվում է նաեւ այլ ենթադրյալ հանցավոր արարքների կատարում:

Նշենք, որ Աղվան Հովսեփյանը մեղադրանքը չի ընդունում: Նրա պաշտպանները պնդում են, որ Հովսեփյանն ակնհայտ ապօրինի պահվել է կալանքի տակ եւ պահանջում են այդ առիթով քրեական գործ հարուցել:

Այս թեմայով Մեծ մարդիկ չարիք չեն բերում, չարիք բերում են ոչնչությունները, ովքեր իրենց մեծ մարդկանց տեղ են դնում․ Աղվան Վարդանյան Դատարանի որոշմամբ և ԴԱՀԿ–ի միջոցով՝ Մարիամ Հովսեփյանը ներողություն է խնդրել Նարինե Դավթյանից Հրդեհել են Արիանա Հովսեփյանի ավտոմեքենան (տեսանյութ) Սա էլ մյուս փաստը, որ Արտակ Գալստյանի տղան բանակից թռած է. Հովսեփյան Փաշինյանը նորից ստում է՝ իբրև թե արդարության համար են փակել դատարանների դռները. Աղվան Վարդանյան 65-ամյա Աղվան Պողոսյանը որոնվում է որպես անհետ կորած Կդադարեցվի Նորքի՝ Գ. Հովսեփյան փողոցի ջրամատակարարումը «Անհայրենիք, անսրբություն, անաղուհաց». Աղվան Վարդանյանն իր բանաստեղծությունը կարդաց «Անհայրենիք, պնակալեզ, պատեհապաշտ». Աղվան Վարդանյանի բանաստեղծությունը՝ ՔՊ-ի մասին Նախկին գլխավոր դատախազի եղբոր՝ Ռուբեն Հովսեփյանի նկատմամբ քրեական հետապնդումը դադարեցվել է․ փաստաբան