Զարեհ Սինանյանն ավարտել է այցը Սիրիա և Լիբանան

ՀՀ սփյուռքի գործերի գլխավոր հանձնակատար Զարեհ Սինանյանն աշխատանքային այցով գտնվում էր Սիրիայում և Լիբանանում: Այդ մասին հայտնում են Հայաստանի Հանրապետության սփյուռքի գործերի գլխավոր հանձնակատարի գրասենյակից:

Սիրիայում Գլխավոր հանձնակատարը հանդիպումներ է ունեցել Դամասկոսում և Հալեպում: Հայ համայնքի հետ հանդիպումներին ներկա են եղել համայնքային ակտիվ անդամներ, Հայ առաքելական, կաթոլիկ և ավետարանական եկեղեցիների առաջնորդները, ՍԴՀԿ, ՌԱԿ և ՀՅԴ կուսակցությունների, Ջինիշյան և Կարագյոզյան հիմնադրամների, ՀԲԸՄ, ՀՄԸՄ, Հայ կաթողիկե միության, գործարար շրջանակների ներկայացուցիչներ:

Զարեհ Սինանյանը հանդիպել է նաև Սիրիայի խորհրդարանի Հայաստան-Սիրիա պատգամավորական բարեկամական խմբի նախագահ Լյուսի Իսկենյանի, Սիրիայի խորհրդարանի պատգամավոր Նորա Արիսյանի, Քեսապի քաղաքապետ Վազգեն Չափարյանի հետ:
Հանդիպումների և այցերի ընթացքում ներկայացվել են գրասենյակի ծրագրերը և նախաձեռնությունները, այնուհետ Զարեհ Սինանյանը պատասխանել է Հայաստանի և Արցախի խնդիրներին, հայրենադարձությանը, հայապահպանությանն առնչվող հարցերի:

Լիբանանյան մեկօրյա այցի ընթացքում Գլխավոր հանձնակատարը հանդիպել է Ն.Ս.Օ.Տ.Տ. Արամ Ա. Վեհափառ Հայրապետին, Տանն Կիլիկիոյ Կաթողիկե Հայոց կաթողիկոս-պատրիարք Ռաֆայել Պետրոս ԻԱ Մինասյանին, Մերձավոր Արևելքի Հայ Ավետարանական եկեղեցիների միության նախագահի տեղապահ և Հայկազյան համալսարանի նախագահ Փոլ Հայդոսթյանին:

Հանդիպումների ընթացքում քննարկվել են Հայաստան-Սփյուռք գործակցությանն առնչվող հարցեր և ծրագրեր։

Այս թեմայով Ակտիվացել են ապազգային այնպիսի տարրեր, որոնք սուտ և կեղծիք են տարծում․ Տեր Զարեհ Աշուրյան ԱՄՆ-ի, Իրանի, Լիբանանի, Սիրիայի նման ավանդական կարևոր ու խոշոր համայնքների դռները շարունակում են փակ մնալ Նիկոլի ու Սինանյան Զարեհի դիմաց․ քաղաքագետ Սփյուռքի գործերի գլխավոր հանձնակատարը կգործուղվի Իտալիա Մենք այսօր էլ շարունակում ենք բախվել ցեղասպանության տարբեր դրսևորումների. Սինանյան Զարեհ Սինանյանի գրասենյակի կայքէջից հեռացվել է «Արցախ» բաժինը Զարեհ Սինանյանն ու Արա Գոչունյանը խոսել են Թուրքիայի հայ համայնքի ներկայիս իրավիճակի և խնդիրների մասին Զարեհ Սինանյանն ընդունել է Մարտին Վասալի գլխավորած պատվիրակությանը Կորել է Զարեհ Սինանյանը «Սփյուռքը քանդեցիք»․ վիճաբանություն՝ Զարեհ Սինանյանի և Արցախի դրոշը բերած սփյուռքահայի միջև (տեսանյութ) Սինանյանը գործուղվում է Շվեյցարիա