Նախկին ու ներկա ՔՊ-ական նախարարները միմյանց վրա «բոչկա՞ են գլորում»

Կորոնավիրուսի տարածումը կանխելուն և բուժմանն ուղղված միջոցները նպատակային և արդյունավետ չեն օգտագործվել, բացահայտվել են մի շարք խախտումներ: Սա Հաշվեքննիչ պալատի եզրակացությունն է բյուջետային ծախսերի իրականացման վերաբերյալ: Եզրակացության հրապարակումից հետո ուշագրավ միտումներ են նկատվում առողջապահության նախկին և ներկա նախարարների մոտ: Տպավորություն է, որ երկուսն էլ փորձում են պաշտպանվել և մեղքը գցել հակառակ կողմի վրա: Թեև, ըստ եզրակացության, պոտենցիալ խախտումները գրանցվել են Արսեն Թորոսյանի նախարար եղած ժամանակահատվածում, սակայն, եթե դրանք հետագայում վեր չեն հանվել, նշանակում է նրա հաջորդը նույնպես թաթախված է եղել այդ խախտումները առնվազն՝ կոծկելու մեջ:

Առողջապահության նախկին նախարար, այժմ իշխող ՔՊ խմբակցության պատգամավոր Արսեն Թորոսյանն ասում է՝ կորոնավիրուսն անակնկալ էր ամբողջ աշխարհի համար և, ըստ այդմ, հնարավոր չէր նախապես պլանավորել, թե ինչ ծավալի ու տեսակի աշխատանք է անհրաժեշտ իրականացնել։ Թորոսյանի խոսքով՝ հաշվեքննության մեջ ընդգծված բացասական վերաբերմունք կա և տպավորություն է, որ նախարարությունը տապալել է ամեն ինչ, ինչպես նաև ակնհայտ նեղսրտվածություն, որ չգիտես ինչու թիրախավորվել են հենց իր ղեկավարման ընթացքում եղած պոտենիցալ խախտումները:

ՀՀ առողջապահության նախարարությունն էլ ի պատասխան «Հետք» լրատվական կայքում մայիսի 2-ի՝ «COVID-19-ի բուժման նպատակով հատկացված ֆինանսական միջոցները նպատակային չեն օգտագործվել» վերտառությամբ հրապարակմանը, պարզաբանում է տարածել։ «Առողջապահության նախարարությունը տեղեկացնում է, որ կատարողական հաշվեքննության վերաբերյալ պաշտոնապես, կետ առ կետ դիրքորոշում է ներկայացվել հաշվեքննիչ պալատ: Ըստ էության` նախարարությունը արտահայտելով իր կարծիքը, այնուամենայնիվ, չի պատրաստվում վիճարկել այն հանգամանքը, որ Արսեն Թորոսյանի ղեկավարման տարիներին ինչ-ինչ խախտումներ են եղել, չնայած, դիցուք՝ ՊՊԾ-ն արդեն ուսումնասիրություն է սկսել հենց Անահիտ Ավանեսյանի ղեկավարման ընթացքում արձանագրված հնարավոր խախտումների մասով:

Սա ընդամենը մի դրվագ է, թե ինչպես է ՔՊ-ում վերանում թիմային լոյալությունը, երբ անհրաժեշտ է լինում գտնել մեղավորների և պատասխանատուների, դրա փոխարեն հրապարակավ սկսվում է «բոչկա գլորելու»  սուրբ պրոցեսը...:

Այս թեմայով Հանձնաժողովը դրական եզրակացություն է տվել «Հաշվեքննիչ պալատի մասին» օրենքում փոփոխություններ եւ լրացումներ նախատեսող օրենքի նախագծին «Պլյոնկան» ստուգող սարքերը շուկայում 44 հազար են, իսկ ՆԳՆ-ն տրամադրել է 285 հազար. հաշվեքննիչ պալատ Արարատ Միրզոյանն այցելել է Խաղաղության պալատ Առաջարկվել է Հաշվեքննիչ պալատում ծառայություն ներդնել՝ որպես պետական ծառայության նոր տեսակ. նախագիծ Ովքեր և ինչ պատճառով են հայտնվել Հաշվեքննիչ պալատի թիրախում Քննարկվել է Հաշվեքննիչ պալատի՝ «ՀՀ թվային փոխակերպման գործընթացի հաշվեքննության արդյունքների վերաբերյալ» եզրակացությունը Հակոբ Միհրանյանն ընտրվեց Հաշվեքննիչ պալատի անդամ ԱԺ հանձնաժողովը դրական եզրակացություն է տվել Հաշվեքննիչ պալատի անդամի թափուր տեղի համար Հակոբ Միհրանյանի թեկնածությանը Ինչ ունեցվածք են հայտարարագրել Հաշվեքննիչ պալատի նախագահն ու անդամները Քրհետապնդում է հարուցվել Երևանի նախկին քաղաքապետի նկատմամբ. «Երիտասարդական պալատ»-ի հողամասն օտարվել է օրենքի խախտմամբ