Խաղաղ ակցիաների շրջանակում ավտոերթի մասնակիցներին բերման ենթարկելը բացարձակ ապօրինի է

ԱԺ «Հայաստան» դաշինքի պատգամավոր Էլինար Վարդանյանը գրում է․

«Առավոտից սկսվել է իշխանության՝ ի դեմս իր կատարածու Ոստիկանության, հիստերիան։ Բողոքի խաղաղ ակցիաներ իրականացնողներին, ավտոերթի մասնակիցներին տասնյակներով բերման են ենթարկում Ոստիկանության բաժիններ։

1. Իշխանության նյարդերը տեղի են տալիս։ Տասնյակ մարդկանց բերման երթարկելը, ձերբակալությունները, քրեական գործերն ու կալանքները դրա վառ ապացույցն են։ Բայց ինչպես բազմիցս նշել եմ, մեկ անգամ ևս կրկնեմ՝ սա որևէ արդյունք չի տալու։ Դժգոհության ալիքը դրանով չի ճնշվելու, ճիշտ հակառակը, նոր թափ է ստանալու։
2. Խաղաղ ակցիաների շրջանակներում ավտոերթի մասնակիցներին բերման ենթարկելը բացարձակ ապօրինի է: Հայաստանում սահմանված չէ նվազագույն արագության սահմանափակում, և ոստիկանի կողմից ներկայացվող արագ քշելու պահանջը օրինական չէ։ Ավելին նման պահանջն առերևույթ հանցանքի տարրեր է պարունակում։
3. Ձերբակալելիս քաղաքացիների նկատմամբ անհամաչափ ուժ, բռնություն է կիրառվում։ Մեքենաներն ապօրինի տեղափոխվում են տուգանային հրապարակ։ Սա անհապաղ պետք է դառնա ծառայողական քննության առարկա։
4. Իրավազանց ոստիկանների մասին տվյալները փաստագրվում են։ Եվ եթե այս իշխանության օրոք նրանք իշխանությունների բարեհաճությամբ պատասխանատվության չենթարկվեն, շատ կարճ ժամանակ անց յուրաքանչյուրը պատասխան է տալու։ Մենք հետևողական ենք լինելու այդ հարցում։
5. Ոստիկանության բաժիններում մեր հայրենակիցները մենակ չեն։ Նրանց անհրաժեշտ օգնություն են ցուցաբերում լավագույն փաստաբանները։ Բաժիններ են այցելում պատգամավորները։ Բերման ենթարկված բոլոր քաղաքացիները ուշադրության կենտրոնում են։ Ես քիչ առաջ դուրս եկա Ոստիկանության բաժնից, և պետք է կրկին փաստեմ, որ բերման ենթարկվածների ոգին անկոտրում է, նրանք ավելի մոտիվացված են և վճռական»։

Այս թեմայով ՄԻՊ արագ արձագանքման խումբը մեկնել է Նոյեմբերյանում բերման ենթարկված անձանց տեսակցելու Երևանում և Նոյեմբերյանում բողոքի ակցիայի 29 մասնակից է բերման ենթարկվել Ոստիկանները կնոջը քաշքշելով իջեցրին մեքենայից և բերման ենթարկեցին. նա ակցիային միացել էր մեքենայի ազդանշանով Ոստիկանությունը անհամաչափ ուժ կիրառելով բերման ենթարկեց Չարենցի փողոցը փակած քաղաքացիներին (տեսանյութ) Ցուցարարները փակել են ոստիկանական մեքենայի ճամփան, չեն թողնում բերման ենթարկել Գերասիմ Վարդանյանին (տեսանյութ) «Արա, խի՞ ես խփում». Տիգրանաշենի ճանապարհին ակցիայի մասնակիցներին բերման ենթարկեցին (տեսանյութ) Բերման են ենթարկվել Գարեգին Չուգասզյանը, Վոլոդյա Ավետիսյանը. ընդհանուր՝ բողոքի ակցիայի 96 մասնակից Լարված իրավիճակ՝ Կենտրոնում․ կան բերման ենթարկվածներ (տեսանյութ) Ինչպես են գիշերը բերման ենթարկել տավուշցիներին (տեսանյութ) Բերման են ենթարկում մի մարդու, ով այս շարժման ամենաակնառու ոգեշնչողներից և նախաձեռնողներից է