Աշխարհում չկան այնպիսի առաջնորդներ, որոնք կարող են Ռուսաստանի հետ բանակցել Ուկրաինայի հարցով․ Բեռլուսկոնի

Եվրոպայում կամ աշխարհում չկան առաջնորդներ, ովքեր կարող են բանակցել Ռուսաստանի հետ Ուկրաինայի շուրջ ստեղծված իրավիճակի շուրջ, Fanpage-ի փոխանցմամբ՝ ասել է Իտալիայի նախկին վարչապետ Սիլվիո Բեռլուսկոնիին։

«Մենք աշխարհում առաջնորդ չունենք, Եվրոպայում ևս: Համաշխարհային առաջնորդներից մեկը, ով պետք է Ռուսաստանի նախագահ Վլադիմիր Պուտինին բանակցությունների սեղանի շուրջ բերեր, նրան անվանեց ռազմական հանցագործ։ Մեկ ուրիշը՝ ՆԱՏՕ-ի գլխավոր քարտուղարը՝ Յենս Ստոլտենբերգն ասել է, որ «Դոնբասի անկախությունը երբեք չի ճանաչվի»,- ասել է Բեռլուսկոնին։

Ինչպես հայտնի է, ԱՄՆ նախագահ Ջո Բայդենը Պուտինին անվանել էր ռազմական հանցագործ։ Մարտի 17-ին նա Ռուսաստանի նախագահին անվանել է «մահացու բռնապետ» և «սովորական ավազակ»։ Ամսվա վերջին Վարշավա կատարած այցի ժամանակ Բայդենը Պուտինին համեմատել էր «մսավաճառի» հետ և ասել, որ նա «չի կարող մնալ իշխանության ղեկին»։

Փետրվարի 22-ին Ստոլտենբերգը դատապարտել է Պուտինի որոշումը՝ ճանաչելու ԴԺՀ-ն և ԼԺՀ-ն՝ ասելով, որ դա խաթարում է երկրի հարավ-արևելքում հակամարտությունը կարգավորելու ջանքերը: Նա հիշեցրել է, որ 2015 թվականին ՄԱԿ-ի Անվտանգության խորհուրդը, որը ներառում է Ռուսաստանը, «հաստատել է Ուկրաինայի ինքնիշխանության, անկախության և տարածքային ամբողջականության լիակատար հարգանքը»։ Դաշինքի ղեկավարն այնուհետեւ ընդգծել է, որ Դոնեցկն ու Լուգանսկը դեռևս Ուկրաինայի մաս են։

Ուկրաինայում Ռուսաստանի ռազմական հատուկ գործողության մեկնարկից հետո Մոսկվան և Կիևը բանակցությունների մի քանի փուլ են անցկացրել Բելառուսում և Թուրքիայում։ Մարտի 29-ին Կիևը Մոսկվային ներկայացրեց ապագա խաղաղության համաձայնագրի գրավոր առաջարկներ և առաջարկեց երկրի համար հաստատել չեզոք և «ոչ միջուկային կարգավիճակ»՝ անվտանգության միջազգային երաշխիքների դիմաց։ Մայիսի 13-ին ՌԴ նախագահի խոսնակ Դմիտրի Պեսկովը հայտարարեց, որ Ուկրաինայի և Ռուսաստանի միջև խաղաղ համաձայնագրի շուրջ որևէ տեղաշարժ չկա, և Ռուսաստանը պատասխան չի ստացել իր առաջարկներին։

Այս թեմայով «Կրոկուսում» տեղի ունեցածի հետքերը տանում են դեպի Ուկրաինա. Շոյգու Միգրանտները Ռուսաստանին չեն օգնի, այլ մոտեցումներ են պետք․ Պուտին «Կրոկուսում» տեղի ունեցածի բոլոր պատասխանատուները պետք է պատժվեն. Պուտին Հայտնի է՝ երբ տեղի կունենա Պուտինի երդմնակալությունը Շատ բան է կախված մեր երկրների փոխգործակցությունից․ Ալիևը՝ Պուտինին Ադրբեջանը և Ռուսաստանը համատեղ մասնակցում են Հյուսիս-Հարավ տրանսպորտային միջանցքի ռեալիզացիային․ Պուտին Քաղաքացիական պատերազմ են հրահրում․ արշավ Եկեղեցու և Կիրանցում ակցիայի մասնակիցների դեմ ԱՄՆ Կոնգրեսի Ներկայացուցիչների պալատը հավանություն է տվել Ուկրաինային օգնելու օրինագծին Բանակցողը պետք է փոխվի, հակառակ դեպքում սա պատերազմ է ժողովրդի դեմ, Ալիևն իր մարդուն է նշանակել Փաշինյանը Ալիևի դեսպանի կարգավիճակով սպառնում է հայ ժողովրդին, եթե չանենք կլինի պատերազմ. Սուրենյանց