Սասուն Խաչատրյանի ազգականները անձեռնմխելի՞ են Նոր Հայաստանում

Վերջին օրերին մամուլը գրել էր, որ Դատապարտյալների հիվանդանոց ՔԿՀ նախկին պետի գործը դատարանում է, սակայն ուշագրավն այն է, որ նրան այս դեպքից հետո ոչ թե ազատեցին, այլ ՔԿ ծառայությունում շտաբի պետի պաշտոնում նշանակեցին: Իսկ թե ինչու այդպես ստացվեց, իրականում շան գլուխը թաղված է այլ տեղ: ArmLur.am-ը գրել էր, որ իրենց տեղեկություններով ՀՀ գլխավոր դատախազությունը ստացել է ՀՀ վերաքննիչ քրեական դատարանի որոշումը, որով դատարանը հրաժարվեց կալանավորել Հակակոռուպցիոն կոմիտեի նախագահ Սասուն Խաչատրյանի հորաքրոջ որդուն, որը դատապարտյալների հիվանդանոցի բանտապետն է: Արդյունքում ՀՀ գլխավոր դատախազության հանրային կապերի բաժնից հայտնեցին, որ ՀՀ Վերաքննիչ դատարանի որոշման դեմ բողոք են ներկայացրել Վճռաբեկ դատարան, որն էլ դեռ օդում կախված է մնացել: Ասել է թե՝ Սասուն Խաչատրյանի հորաքրոջ որդին կարողացավ ջրից չոր դուրս գալ:

Ընդհանրապես, տպավորություն է, որ Սասուն Խաչատրյանի ազգականները վատ չեն տեղավորվել Նոր Հայաստանում: Նրա դուստրերից մեկն աշխատում է Տարածքային կառավարման եւ ենթակառուցվածքների նախարարությանը ենթակա «Ճանապարհային դեպարտամենտ» ՊՈԱԿ-ում: Թե որքանով է նրա աշխատանքի տեղավորմանը նպաստել Սասուն Խաչատրյանի զբաղեցրած պաշտոնը` կարելի է միայն ենթադրել:

Բացի դա, Սասուն Խաչատրյանի հայրը 2016 թվականին ստեղծել է «Մհեր Խաչատրյան և ընկերներ» ՍՊԸ-ն, որտեղ 2016-17 թվականներին ինքն աշխատել է որպես տնօրեն, իսկ 2017 թվականի հուլիսից Դատախուզությունում աշխատանքի ընդունվելուց հետո դադարեցրել է իր գործունեությունը։ Սակայն հարցն այն է, որ «Զինծառայողների ապահովագրության հիմնադրամին» վճարումներ անելու որոնումը որևէ տվյալ չգտավ «Մհեր Խաչատրյան և ընկերներ» ՍՊԸ-ի վճարումների մասով: Այս հարցը Խաչատրյանի առջև բարձրացրել էին, սակայն նա պատասխանել էր, որ թերևս այդ շրջանում  նշված ընկերության կողմից վճարովի ծառայություններ չեն իրականացվել: Պատկան մարմինները, անշուշտ, որևէ ստուգում չիրականացրին՝ պարզելու համար Խաչատրյանի ասած հիմնավորումը համապատասխանում է իրականությանը, թե ոչ:

Սա էլ դեռ բավարար չէ, պարզվել էր, որ Սասուն Խաչատրյանի աղջկա հարսանիքի նվիրատուների մեջ էր նաև Տիգրան Գևորգյանը, ում Խաչատրյանի կինը 2018 թվականին նվիրել է «Գործավարական գրասենյակ համար մեկ» ՍՊԸ-ի 100 տոկոս բաժնեմասը: Այս գործարքը, ինչպես նաև պաշտոնյային դրանից հետո արված նվիրատվությունը, նույնպես վրիպեց պատկան մարմինների ուշադրությունից:

Տպավորություն է ստեղծվում, որ Սասուն Խաչատրյանի ազգականները Նոր Հայաստանում պարզապես անձեռնմխելի են և դա է պատճառը, որ չնայած ակնհայտ փաստերի՝ նրանցից և ոչ մեկը, այդ թվում ինքը` Խաչատրյանը, չեն հայտնվում համապատասխան կառույցների խոշորացույցների տակ, իսկ հայտնվելու դեպքում էլ՝ արագ այդտեղից դուրս են գալիս...

Այս թեմայով Փաշինյանի գլխավորությամբ խորհրդակցություն է տեղի ունեցել կառավարությունում Փաշինյանը ՔՊ նախաձեռնող խմբի նիստին հանդես է եկել սահմանազատման գործընթացի մեկնարկի մասին զեկույցով ԱՄՆ նախազգուշացնող «մեսիջը»՝ Փաշինյանին, թե լավ բեմադրված շոու 10-15 տարվա ազատազրկում. ի՞նչ պատիժ է նախատեսված ՀՀ տարածքային ամբողջականությունը խախտելու համար Իշխանությունների 20 քայլն՝ ընդդեմ Հայ Դատի Նիկոլ Փաշինյանը լուսանկար է հրապարակել տիկնոջ հետ Երկու քարի արանքում. ո՞ւմ ի վերջո «կքցի» Փաշինյանը Գազի գինը կարող է բարձրանալ. Փաշինյանի միակողմանի զիջումների հետևանքը Փաշինյանը և ՀՀ-Ֆրանսիա բարեկամական խմբի ղեկավարը քննարկել են Տավուշում սահմանազատման գործընթացը Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ)