Ո՞ւմ է խանգարում Հայկ Բաբայանի աճող հեղինակությունը ոստիկանության համակարգում

Այսօր հայաստանյան կայքերից մեկը, հղում անելով իր աղբյուներին, տեղեկություն էր տարածել առ այն, որ վերջին օրերին Երևանում տեղի ունեցող բողոքի զանգվածային ակցիաների ընթացքում ոստիկանության կիրառած բիրտ ուժի հրահանգը իջեցրել է ոչ թե ոստիկանապետ Վահե Ղազարյանը, այլ ոստիկանության զորքերի հրամանատար, ոստիկանապետի տեղակալ Հայկ Բաբայանը:

Խոսելով ոստիկանների կողմից ցուցարարների հանդեպ դրսևորած պահվածքի մասին պետք է փաստենք, որ որքան էլ ընդդիմադիր քաղաքական գործիչների և շարքային քաղաքացիների տեսանկյունից այն դիտարկվի իբրև կիրառված անհամաչափ ուժ՝ որոշ փորձագետներ այն կարծիքին են, որ ՀՀ ոստիկանությունը մինչ այս պահը ընդհանուր առմամբ գործում է օրենքի տառին համապատասխան: Ավելորդ է նշել, որ բազմաթիվ ժողովրդավարական երկրներում կարող ենք ականատես լինել՝ ուժայինների կողմից ցուցարարների հանդեպ կիրառվող անգամներ ավել բիրտ ուժի, քան այսօր արձանագրվում է Երևանի փողոցներում: Սակայն, ոչ համաչափ ուժի կիրառման առանձին դեպքեր, իհարկե, առկա են: Դրանցից կարելի է առանձնացնել հատկապես բողոքի ակցիաների մասնակից իգական սեռի ներկայացուցիչների հանդեպ դրսևորվող բիրտ ուժը, ինչը, իհարկե, անընդունելի է:

Բացի այդ, ընդամենը օրեր առաջ անհամաչափ ուժի կիրառմամբ ոստիկանները փորձում էին բերման ենթարկել ԱԺ Հայաստան դաշինքի պատգամավոր Արծվիկ Մինասյանին: Հասկանալով, որ պատգամավորի հանդեպ բռնությունը կարող է ունենալ բացասական հետևանքներ ոստիկանության համար՝ այդ նույն իսկ օրը ոստիկանապետ Վահե Ղազարյանը ընդունեց բողոքի ակցիայի լիդերներին՝ խոստանալով պատժել կարգազանց ոստիկաններին: Ժամանակը ցույց կտա՝ կկատարի ոստիկանապետը իր խոստումը, թե ոչ:

Իսկ մինչ այդ, վերադառնալով մամուլում այսօր հայտնված նյութին փաստենք, որ եթե անգամ մի պահ ենթադրենք, թե ոստիկանապետի տեղակալ Հայկ Բաբայանի կողմից եղել են ինչ-ինչ թերացումներ կամ բացթողումներ, ապա գաղտնիք բացահայտած չենք լինի եթե ասենք, որ թիվ մեկ պատասխանատուն տվյալ գերատեսչության ղեկավարն է, ով էլ կարող էր նման իրավիճակումներում օպերատիվ կերպով կանխել դրանք, քանի որ խոսքը գնում է իր անմիջական ենթակայության տակ գտնող ստորաբաժանումների մասին:  

Նշվածից կարելի է ենթադրել, որ Հայկ Բաբայանի մեծացող հեղինակությունը ոստիկանության համակարգում ոմանց իսկապես խանգարում է և նրանք «պղտոր ջրում ձուկ որսալու» փորձ են անում:

Այս թեմայով Ռուս կանայք դիմել են ոստիկանություն և հայտնել, որ «Հաղթանակ» այգու տնօրենը ձեռքով հարվածել և թքել է իրենցից մեկի դեմքին Լարված իրավիճակ՝ Երևանի կենտրոնում (տեսանյութ) «Տարեք սրան, արա՛». ինչպես են բերման ենթարկում խաղաղ ակցիայի մասնակիցներին (տեսանյութ) Ոստիկանները Բագրատաշեն-Այրում ճանապարհին բիրտ ուժ կիրառելով՝ ցուցարարների են բերման ենթարկում (տեսանյութ) Այրում-Բագրատաշեն հատվածում շարունակում են կարմիրբերետավորներ ու ոստիկաններ ժամանել (տեսանյութ) Սուրեն Շահվերդյանը դիմել է ոստիկանություն. ֆեյսբուքում իր հասցեին սպառնալիքներ են հնչեցրել ՆԳՆ–ից արձագանքել են ոստիկանությունում մոբիլիզացիա հայտարարելու մասին տեղեկությանը Քաղաքացին դիմել է ոստիկանություն և հայտնել, որ «Արթմեդ» բժշկական կենտրոնում բուժվող իր եղբոր մահվան մեղավորը բժիշկն է Ոստիկանություն տեղափոխված 2 քաղաքացիներից մեկի մոտ, ով անչափահաս է, հայտնաբերվել են թմրամիջոցներ Վնասազերծվել և բաժին է տեղափոխվել նռնակով զինված երրորդ անձը․ ոստիկանություն