Անկարան հայ-թուրքական գործընթացը սինխրոնիզացնում է հայ-ադրբեջանական հարաբերությունների հետ. Արարատ Միրզոյան

Անկարան հայ-թուրքական գործընթացը սինխրոնիզացնում է հայ-ադրբեջանական հարաբերությունների հետ: Այս մասին մայիսի 25-ին ԱԺ նիստին կառավարության ժամին,  պատասխանելով իշխող «Քաղաքացիական պայմանագիր» կուսակցության պատգամավորների հարցերին, հայտարարեց ՀՀ արտգործնախարար Արարատ Միրզոյանը:

Պատգամավորների՝ Հայաստանի եւ Թուրքիայի ներկայացուցիչների հանդիպման անցկացման վայրերի դերի մասին հարցին ի պատասխան՝ նախարարը նշեց, որ դա այդքան էլ կարեւոր չէ։ Նա չբացառեց, որ հետագայում այդ հանդիպումները կանցկացվեն ինչպես Երեւանում, այնպես էլ Անկարայում։

«Այս պահին կարող եմ միայն ասել, որ, ցավոք, որքան էլ խոսվի առանց նախապայմանների գործընթացի մասին, մեր թուրք գործընկերներն այն սինխրոնիզացնում են Հայաստանի եւ Ադրբեջանի միջեւ զարգացող հարաբերությունների հետ։ Նրանք դա իրենց նարատիվի մի մասն են դարձնում»,- ասաց Միրզոյանը:

Նրանք, ըստ Միրզոյանի, դա նախապայմանի չեն վերածում, սակայն այդ մոտեցումը գործընթացն ու մթնոլորտն ավելի կառուցողական չի դարձնում:

Այնուամենայնիվ, քննարկումները շարունակվում են։ «Բայց, ցավոք, շոշափելի առաջընթաց դեռ չկա։ Հայաստանի դիրքորոշումը մնում է նույնը. Հայաստանը ցանկանում է եւ պատրաստ է կարգավորել հարաբերությունները եւ բացել սահմանները: Նույնը կցանկանայինք տեսնել Թուրքիայից։ Ես արդեն ասացի ադրբեջանական նարատիվի եւ Թուրքիայի ԱԳՆ ղեկավարի տարբեր ժեստերի մասին»,- ընդգծեց արտգործնախարարը։

Հիշեցնենք, որ Թուրքիան փակել է սահմանը՝ որպես Ադրբեջանին աջակցության նշան:

Այս թեմայով Հայաստանի և Ուկրաինայի ԱԳ նախարարները քննարկել են տարածաշրջանային հարցեր Արարատ Միրզոյանն աշխատանքային քննարկում է ունեցել Դոհայում ՀՀ դեսպանության անձնակազմի հետ Միրզոյան-Բայրամով հանդիպումը կնպաստի Հարավային Կովկասում ամուր և երկարաժամկետ խաղաղության շուտափույթ հաստատմանը. Տոկաև Միրզոյանը և Կուպմանը քննարկել են տարածաշրջանային ծրագրերը (տեսանյութ) Մեր հարևանները դեռ դժկամություն են ցուցաբերում Ալմա Աթայի հռչակագրին հստակ հղում անելու խաղաղության պայմանագրի նախագծում. Միրզոյան Միրզոյան-Բայրամով բանակցություններում մենք, որպես միջնորդ, հանդես չենք գալու. Ղազախստանի ԱԳՆ Մեկնարկել է Արարատ Միրզոյանի պաշտոնական այցը Կատար Արարատ Միրզոյանը պաշտոնական այցով կմեկնի Կատար Եթե Արարատ Միրզոյանը չլիներ, դատախազությունն իրեն այլ կերպ կպահեր, տեսանյութում դեմք չի երևում (տեսանյութ) Միրզոյանը և Սերբիայի ԱԳ նախարարը քննարկել են տարածաշրջանային հարցեր