Սյունիքը բզկտելու ճարտարապետները․ «Հրապարակ»

«Հրապարակ» թերթը գրում է. «ՀՀ-ում ԱՄՆ դեսպան Լին Թրեյսին մայիսի 24-ին հերթական այցով եղել է Սյունիքում։ Այս այցերը, բնականաբար, պայմանավորված են հատկապես ճանապարհների ապաշրջափակման գործընթացի նկատմամբ վերահսկողություն իրականացնելու, ավելի ճիշտ՝ գործընթացն արագացնելու միտումով: Հընթացս` դեսպանությունը սոցիալական  աջակցության ծրագրերով փորձում է Արեւմուտքի նկատմամբ դրական մթնոլորտ ձեւավորել մարզում։ ԱՄՆ դեսպանը մարզի ղեկավարներից հետաքրքրվել է Մեղրիի երկաթգծի վերակառուցման աշխատանքներով, որի մասով պայմանավորվածություն էր ձեռք բերվել դեկտեմբերի 14-ին, Բրյուսելում եռակողմ հանդիպման ժամանակ։

Կողմերը պայմանավորվել էին վերագործարկել Երասխ-Ջուլֆա-Մեղրի-Հորադիզ երկաթգիծը։ Իսկ Մեղրիի հատվածում 45 կիլոմետրանոց երկաթգծի կառուցումը կարժենա մոտ 200 միլիոն դոլար, շինարարությունը կտեւի 3 տարի, ծախսերը պետք է հոգա հայկական կողմը, սակայն մինչ օրս որեւէ աշխատանք չի իրականացվել։

Ուշագրավ է, որ դեսպանի իրական հետաքրքրությունները պաշտոնական հաղորդագրության մեջ չեն արտացոլվել կամ հպանցիկ են նշվել։ Սյունիքի մարզպետ՝ կալավանցի Ռոբերտ Ղուկասյանի հետ հանդիպման մասին հաղորդագրությունից տեղեկանում ենք․ «Բարձրաստիճան դիվանագետն ու մարզի ղեկավարը մի շարք հարցեր են քննարկել՝ ուղղված մարզի սոցիալ-տնտեսական, ճանապարհաշինական, գյուղատնտեսական, տնտեսության դիվերսիֆիկացման, կրթական, երիտասարդական հարցերին, Սյունիքի զարգացման ուղղություններին։

Դեսպանը կարեւորել է հատկապես Սյունիքում զբոսաշրջության զարգացումը՝ նշելով, որ այս առումով մարզը մեծ ներուժ ունի, ու դա պետք է ներկայացնել մարդկանց»։ Հատկանշական է, որ ԱՄՆ դեսպանի այցի օրը Սյունիք են այցելել նաեւ Հայաստանում ՌԴ դեսպան Կոպիրկինը եւ ԵՄ դեսպան Անդրեա Վիկտորինը»:

Այս թեմայով Չեմ ընդունում, որ Սյունիքը կամ Մեղրին անջատում են որպես խոցելի գոտի. Փաշինյան Նիկոլն ա ասել՝ 2020-ին ռուսներն են պահել Սյունիքը, հիմա ո՞նց ռազմաբազայի առավելությունը չի տեսնում Արցախը սրի քաշելով՝ թուրքը կանգ չի առնի, վտանգված է Սյունիքը, Փաշինյանի հետ պայմանավորվել են Սյունիքը, թվում է՝ ամենահարուստ մարզն է, բայց երբ շրջում ես համայնքներով, հասկանում ես՝ այդպես չէ Փառք Աստծո, Սյունիքի մարզից արտագաղթ չկա. Սյունիքը շատ լավ օրինակ ցույց տվեց. մարզպետ Պատերազմի պատճառը ոչ թե Արցախն է կամ Սյունիքը, այլ Նիկոլը․ Արտակ Զաքարյան «Հրապարակ». Սյունիքը նախապատրաստում են նոր աղետին ընդառա՞ջ Եթե Արցախի համար չգործենք և չպայքարենք, հաջորդը նման վիճակում կլինեն Սյունիքը, Վայոց Ձորը, Տավուշը, Գեղարքունիքը, Երևանը․ Էլբակյան Այդ հայտնի անձն ունի պայմանավորվածություն հանձնել Արցախը, հետո Սյունիքը. քաղաքագետ Կկորցնենք Սյունիքը, քանի որ ուզում ենք մոռանալ Արցախի մասին. Վահրամ Միրաքյան