Իրանը երկու հունական լցանավ է կալանավորել

Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանումներ) ուժերը կալանավորել են հունական երկու լցանավ։ Այս մասին ուրբաթ հայտնել է IRNA գործակալությունը՝ հղում անելով կառույցի մամուլի ծառայությանը։ Նշվում է, որ ձերբակալությունը տեղի է ունեցել Պարսից ծոցի ջրերում, հաղորդում է ՏԱՍՍ-ը։

Հունաստանի արտաքին գործերի նախարարությունը խստորեն դատապարտել է երկու նավերի առգրավումն Իրանի կողմից, ասվում է Հունաստանի արտաքին գործերի նախարարության մամուլի ծառայության ուրբաթ օրը տարածած հայտարարության մեջ։

«Հունաստանի արտաքին գործերի նախարար Նիկոս Դենդիասի ցուցումով ԱԳ նախարար գեներալ Թեմիստոկլիս Դեմիրիսը հենց նոր կտրուկ բողոքեց Աթենքում Իրանի դեսպանին Պարսից ծոցում հունական դրոշով երկու նավերի բռնի զավթման կապակցությամբ: Վերոնշյալ գործողությունները, ըստ էության, համարժեք են ծովահենության գործողություններին»,- ասվում է հայտարարության մեջ։

«Այսօր ավելի վաղ Իրանի ռազմածովային ուժերի ուղղաթիռը վայրէջք է կատարել Հունաստանի դրոշը կրող Delta Poseidon նավի վրա, որը գտնվում էր միջազգային ջրերում (Իրանի ափից 22 ծովային մղոն հեռավորության վրա) Պարսից ծոցում։ Այնուհետև զինված մարդիկ բերման են ենթարկել նավի անձնակազմին, այդ թվում՝ Հունաստանի երկու քաղաքացու»,- ասվում է հաղորդագրությունում։

Նշվում է, որ նմանատիպ միջադեպ տեղի է ունեցել նաև Հունաստանի դրոշով մեկ այլ նավի վրա, որը տեղափոխում էր յոթ հույն քաղաքացիներ և նավարկում էր Իրանի ափերի մոտ։ Այդ նավի անունը չի նշվում:

ԱԳՆ-ն արդեն տեղեկացրել է Եվրոպական արտաքին գործողությունների ծառայությանը, Միջազգային ծովային կազմակերպությանը, ինչպես նաև Հունաստանի դաշնակիցներին ու գործընկերներին։ «Վերոնշյալի լույսի ներքո արտաքին գործերի նախարարությունը Հունաստանի քաղաքացիներին խորհուրդ է տալիս ձեռնպահ մնալ Իրան մեկնելուց»,- եզրափակել է նախարարությունը։

Ավելի վաղ ուրբաթ օրը Nournews-ը հայտնել էր, որ Իրանի իշխանությունները որոշել են պատասխան «պատժիչ միջոցներ» ձեռնարկել Հունաստանի նկատմամբ իրանական նավթ տեղափոխող լցանավերի կալանավորման համար։

Այս թեմայով Հյուսիսային Կորեան պատվիրակություն է ուղարկել Իրան Իրանի դեսպանն անդրադարձել է Ադրբեջանում իսրայելական բազաների առկայության մասին տեղեկությանը (տեսանյութ) Հայաստանի տարածքային ամբողջականությունը պետք է հարգվի, Իրանը դեմ է սահմանների փոփոխությանը․ դեսպան (տեսանյութ) Իրանը ցանկանում է ամրապնդել ռազմական համագործակցությունը Ռուսաստանի հետ ՄԱԿ-ի գլխավոր քարտուղարը դիմել է Իրանին և Իսրայելին ԱՄՆ-ն և Մեծ Բրիտանիան ընդլայնել են Իրանի դեմ պատժամիջոցները Իրանում հայտարարել են, որ պատրաստ են հարվածել Իսրայելի միջուկային կենտրոններին Իրանը Սիրիայից դուրս է բերում ԻՀՊԿ սպաների մի մասին՝ Իսրայելի հնարավոր հարվածի պատճառով Ի՞նչ է սպասվում Հայաստանին՝ Իրան-Իսրայել լայնածավալ պատերազմի դեպքում Իրանում հրապարակել են Իսրայելի վրա հարձակման ժամանակ ԱԹՍ–ների և հրթիռների արձակման կադրերը (տեսանյութ)