«Դիմադրություն» շարժման անհնազանդության ակցիան՝ Երեւանում. երթը մեկնարկեց. ՈՒՂԻՂ

«Դիմադրության» շարժման մասնակիցներն այսօր՝ մայիսի 30ճ-ի առավոտյան իրենց հերթական անհնազանդության ակցիան են իրականացնում Երեւանում: Նրանք հավաքվել են Ֆրանսիայի հրապարակում եւ երթ սկսել:

ԱԺ փոխխոսնակ, «Հայաստան» խմբակցության պատգամավոր Իշխան Սաղաթելյանը հայտարարեց. «Այսօրվանից սկսում ենք այցերը տարբեր պետական, գիտական, կրթական հաստատություններ շատ հստակ եւ ուղիղ պահանջով. Այն հայտարարության տեքսը, որ ընդունվել է այս հրապարակում, առաջիկա 4 օրերի ընթացքում, պետք է շատ թիրախավորված ու հասցեական այցելենք տարբեր պետական հիմնարկներ եւ բոլորը պարտավոր են այս փաստաթղթի վերաբերյալ հայտնեն իրենց դիրքորոշումը: Սա հստակ հնարավորություն է, որ բոլորը պետք է իրենց դիրքորոշումը հայտնեն այդ հայանպաստ փաստաթղթի եւ նվազագույն պահանջների մասին, որն այսօր դրված է սեղանին:

Հիմա երթով շարժվում ենք, կայցելենք տարբեր նախարարություններ, պետական գերատեսչություններ եւ մեր պատգամավորները հստակ կդնեն խնդիրը,  կհասկանան՝ ով ով է, ով է կիսում այս պատասխանատվությունը ու ով ինչ դիրքորոշում ունի: Սա լավ հնարավորություն է շատ քաղաքական պաշտոններ զբաղեցնող անձանց տարանջատվելու Նիկոլից եւ չկրելու երկրի կործանման պատասխանատվությունը»:

Նշենք, որ նախօրեին ԱԺ փոխխոսնակ, «Հայաստան» խմբակցության պտգամավոր Իշխան Սաղաթելյանը նախօրեին հայտարարել էր. «Բոլոր քաղաքական ուժերը պետք է կողմնորոշվեն եւ դիրքորոշում հայտնեն, պետք է դիրքորոշում հայտնեն հասարակական կազմակերպությունները եւ մտավորականությունը, բուհերը: Սա ջրբաժան է, ով ուզում է` ունենանք պետություն, ինքն այս փաստաթղթին դեմ չի կարող լինի, սա նվազագույն պահանջներն է հայ մնալու, պետություն ունենալու: Երկուշաբթի օրվանից համախմբելու ենքն  ուժերը եւ գնալու ենք դռնեդուռ, վիճակը օրհասական է, ով փաստաթղթին դեմ է, դեմ է ժողովրդին, որովհետեւ այլ հնարավորություն, այլ ելք, այլ ճանապարհ չկա: Երկուշաբթի օրվանից ժամը 11:00-ից բոլորիդ հրավիրում ենք հրապարակ, մի քանի հասցեներով գնում ենք, հերթով բոլորը պետք է պատասխան տան,մենք պետք է հասկանանք` ով է ժողովրդին կողմ, ով է դեմ»:

Նշենք, որ շարժումը Նիկոլ Փաշինյանի հրաժարականի պահանջով անհնազանդության ակցիաները սկսել էր մայիսի 2-ից:

Այս թեմայով ՀԻՄԱ․ 2024 թ.-ի 1-ին եռամսյակում տնտեսական աճի դանդաղման ռիսկերը պահպանվել են. ԿԲ նախագահի ասուլիսը ՈՒՂԻՂ․ ՀՀ ԱԺ ութերորդ գումարման յոթերորդ նստաշրջանի հերթական նիստ ՈՒՂԻՂ. Տավուշում իրավիճակը շարունակում է լարված մնալ ՈւՂԻՂ. Արմավիր-Գյումրի միջպետական ճանապարհը փակ է ՈւՂԻՂ. Հանրահավաք Ազնավուրի հրապարակում Փաշինյանի հեռացման պահանջով Երեւանում ընթանում է «Ընդհանուր հաղթանակ, ընդհանուր ճակատագիր» խորագրով համաժողովը ՈւՂԻՂ. Նիկոլ Փաշինյանը Գավառում է. հանդես է գալիս դասախոսությամբ ՈւՂԻՂ․ Բողոքի ակցիա Հրազդանում ՈՒՂԻՂ․ Ակցիաները շարունակվում են․ իրավիճակը լարված է ՈՒՂԻՂ. Բողոքի ակցիա ԱԺ-ի դիմաց. պահանջում են Փաշինյանի հրաժարականը