Հուսով ենք՝ Հայաստան-Ադրբեջան բանակցությունները հաջողությամբ կշարունակվեն․ Սալոմե Զուրաբիշվիլի

Հայաստանի նախագահ Վահագն Խաչատուրյանն իր արտասահմանյան առաջին այցը կատարում է Վրաստան, ինչը խոսում է այն մասին, թե ինչ սերտ հարաբերություններ ունեն մեր երկրները, այս մասին Հայաստանի նախագահի հետ հանդիպումից հետո ճեպազրույցում հայտարարել է Վրաստանի նախագահ Սալոմե Զուրաբիշվիլին։

Վրաստանի նախագահը նշել է, որ Հայաստանն ու Վրաստանը այս տարի նշում են դիվանագիտական հարաբերությունների 30-ամյակը։ «Սա մեր երկու երկրների համար բավական բարդ ժամանակաշրջան է եղել, մեր հարաբերությունները միշտ եղել են բարիդրացիական և դա արտացոլվում է մեր բազմադարյա պատմությամբ, և դա կշարունակվի դարերով»,– ասել է նա։

Սալոմե Զուրաբիշվիլին նշել է, որ մեր տարածաշրջանը կանգնած է նոր մարտահրավերների և նոր հնարավորությունների առջև։ Որպես ասածի օրինակ նա նշել է նաև Ուկրաինայում պատերազմը։ Նախագահը նշել է, որ Վրաստանը կանգնած է Ուկրաինայի կողքին և իր համերաշխությունն է հայտնում ուկրաինացիներին։

«Ռուսաստանի կողմից Վրաստանից բռնազավթված տարածքներում իրավիճակը մնում է ծանրագույն»,– ասել է նա՝ հավելելով, որ անտեսվում է Վրաստանի ինքնիշխանությունը, իսկ մարդու իրավունքների կապտագույն խախտումները էլ ավելի են ծանրանում։

Վրաստանի նախագահը նաև նշել է, որ Վրաստանին նոր հնարավորություններ են ընձեռվում Եվրոպային ինտեգրվելու հարցում, ինչը նոր հնարավորություն է նաև տարածաշրջանի համար։

«Մեր տարածաշրջանի ապագան միևնույն ժամանակ սերտորեն կախված է խաղաղ միջավայրից, և հուսով ենք, որ Հայաստանի և Ադրբեջանի բանակցությունները հաջողությամբ կշարունակվեն։ Ողջունում ենք ԵՄ ներգրավվածությունն այս հարցում ֏ գիտենք, որ այս բանակցությունների արդյունքներից է կախված այս տարածաշրջանում լիակատար խաղաղության հաստատումը և դրանից է կախված տնտեսական զարգացումը, բոլոր նոր ծրագրերը, որոնք վերաբերում են այս տարածաշրջանին ֏ որոնք ստեղծում են ապագայի մեծ հեռանկարներ»,– ասել է նա։

Սալոմե Զուրաբիշվիլին նաև նշել է, որ էներգետիկայի ոլորտը մեծ հետաքրքրություն է ներկայացնում երկու երկրների համար, և Հայաստանն ու Վրաստանը համատեղ պետք է աշխատեն այս ուղղությամբ։ Նա նաև նշել է, որ Վրաստանը ինչպես հիմա, այնպես էլ հետագայում նույն կերպ ջանքեր կգործադրի, որպեսզի այնտեղ ապրող հայերը կարողանան պահել իրենց լեզուն, մշակույթը և ակտիվ մասնակցություն ունենան երկրի զարգացմանը։

Այս թեմայով Ժաննա Անդրեասյանը պարգևատրել է «Սալոմե»-ն վերականգնող վարպետներին Վարդգես Սուրենյանցի «Սալոմե»-ն վերականգնված կվերադառնա Հայաստանի ազգային պատկերասրահ Վրաստանի նախագահը մեկնել է Ադրբեջան ՀՀ և Վրաստանի նախագահները քննարկել են Պարսից ծոց-Սեւ ծոց տարանցիկ միջանցքի հարցը Վրաստանը ռազմական ճանապարհով չի վերադարձնի Հարավային Օսիան և Աբխազիան. Զուրաբիշվիլի Ուկրաինան Վրաստանից պահանջում է զենքի մատակարարում և երկրորդ ճակատի բացում. Զուրաբիշվիլի Արմեն Սարգսյանն ուղերձ է հղել Սալոմե Զուրաբիշվիլիին Սահմանների հարցը քննարկվել է և՛ Հայաստանի, և՛ Ադրբեջանի հետ․ Զուրաբիշվիլի Ողջունում եմ Ղարաբաղում կրակի դադարեցումը և կոչ եմ անում կողմերին վերսկսել խաղաղ երկխոսությունը. Զուրաբիշվիլի Մտահոգված եմ ՀՀ ու Ադրբեջանի միջև ռազմական գործողությունների վերսկսմամբ. Զուրաբիշվիլի