Կարծում եմ՝ Ռուսաստանում արդեն գիտակցում են Ադրբեջանի հակառուսական էությունը. Արտակ Բեգլարյան

Կարծում եմ, որ Ռուսաստանում արդեն գիտակցում են Ադրբեջանի հակառուսական էությունը եւ անհուսալի «գործընկեր» լինելը, ինչը քանիցս ապացուցվել է, իսկ դրա վերջին դրսեւորումը դարձավ «ՌԻԱ Նովոստի»-ի արգելափակումը Ադրբեջանի տարածքում՝ ինձ հետ հարցազրույց հրապարակելու պատճառով։ Այս մասին իր Telegram-ալիքում գրել է Արցախի Հանրապետության պետնախարար Արտակ Բեգլարյանը։

«Հետաքրքիր է, երբ ադրբեջանական իշխանությունները.

▪ իրենց բոլոր մեդիա-ռեսուրսներով տարածում են ատելություն ոչ միայն հայերի, այլեւ ռուս ժողովրդի դեմ,

▪ պարբերաբար խախտում են 2020թ. նոյեմբերի 9-ի եռակողմ հայտարարության դրույթները՝ սպանելով քաղաքացիական անձանց Արցախում, ռուս խաղաղապահների աչքի առաջ,

▪ շրջանցելով ռուս խաղաղապահներին՝ նրանք զավթում են Փառուխ բնակավայրը եւ Քարագլխի բարձունքը, որը գտնվում է նրանց պատասխանատվության գոտում, իսկ դեկտեմբերին նաեւ Խծաբերդ ու Հին Թաղեր գյուղերը,

▪ ոչնչացնում են իրենց օկուպացիայի տակ հայտնված ոչ միայն հայկական մշակութային ժառանգությունը, այլեւ միաժամանակ Հայրենական մեծ պատերազմի հուշարձանները, որոնք համարվում են ինչպես հայկական, այնպես էլ ռուսական արժեքներ,

▪ աջակցում են Ռուսաստանի դեմ պատժամիջոցներին։ Նրանք կարծում են, թե իմ հարցազրույցը «ՌԻԱ Նովոստի»-ին (@rian_ru) ընդամենը քայլ էր, որ ճշմարտության ու արդարության պլատֆո՞րմ էր տալիս, եւ ոչ թե ինչ-որ փաստաթղթերի ու պայմանավորվածությունների խախտում էր, որոնք հենց իրենք են խախտում վերոնշյալ եւ այլ ագրեսիվ գործողություններով ոչ միայն Արցախի ու Հայաստանի, այլեւ Ռուսաստանի դեմ»,- գրել է Արտակ Բեգլարյանը։

Այս թեմայով Չեմ զարմանա, որ «անպաշտպան ու անմեղ թուրքերի դաժանաբար սպանության» մեղքը Նիկոլը բարդի հայ ժողովրդի վրա․ Արտակ Զաքարյան Տավուշի գյուղերը չպետք է տրվեն Ադրբեջանին, և այդ որոշման դեմ հանրային բողոքը հիմնավոր է. Բեգլարյան Իմ ու Փաշինյանի ընդհանուր ծանոթ Արտակ Քամալյանի տան մոտ ոնց որ «Սմերչով» խփած լինեին. Խաչատրյան Ոչինչ չի ասվել Ալիևի ռեժիմի Արցախում և հայերի դեմ իրականացրած և շարունակվող հանցագործությունների մասին․ Բեգլարյան ԵՄ ինտեգրումը միջոց է նպատակին հասնելու համար. Արտակ Զեյնալյան Ի՞նչ ունեք ինձ հետ կիսելու, եթե ոչ մեկի հաշվին չեմ իմ հանրային գործունեությունը ծավալում․ Արտակ Բեգլարյան Հայոց հզոր բանակն այլընտրանք չունի, եթե ցանկանում ենք լինել որպես ազգ ու պետականություն. Արտակ Բեգլարյան Ռևանշը, միևնույն է, լինելու է, այնպես, ինչպես պատիժն ու անեծքը` բոլոր դավաճաններին. Արտակ Զաքարյան Արտակ Ջումայանը հանդիպել է առողջապահության և սոցիալական հարցերի վարչությունների պետերի հետ Եկել է քննադատված ու զրպարտված նախկիններ-ի կառավարման տարիներին երանի տալու ժամանակը․ Արտակ Զաքարյան