ՇՄՆ-ն դատապարտում է նման վերաբերմունքը․ բեզուարյան այծ ապօրինի որսալու դեպքով քրգործ է հարուցվել

ՀՀ շրջակա միջավայրի նախարարությունը պարզաբանում է տարածել՝ ի պատասխան լրատվամիջոցներում հայտնված «Որսագողություն Խոսրովի անտառում. ջրատար առվի մեջ հայտնաբերվել է Կարմիր գրքում գրանցված, վնասվածքներով սատկած բեզոարյան այծ» վերտառությամբ գրառման:

Տեղեկատվությունը ստանալուց հետո Ոստիկանության Արարատի բաժնի հետաքննական բաժնի աշխատակիցները, օպերատիվ տեղեկությունն իրացնելով, անմիջապես մեկնել են դեպքի վայր։

ՀՀ կենդանիների Կարմիր գրքում գրանցված բեզոարյան այծը հայտնաբերվել է Վեդու ջրամբարի ճանապարհին՝ Ուրցաձոր համայնքի վարչական տարածքում: Նշանակվել է փորձաքննություն:

«Շրջակա միջավայրի նախարարությունը դատապարտում է նման վերաբերմունքը կենդանիների նկատմամբ։

Կենսաբազմազանությունը բնական ժառանգություն է, որն անհրաժեշտ է պահպանել և փոխանցել ապագա սերունդներին, հատկապես նկատի առնելով դրա կենսական նշանակությունը և այն էկոհամակարգային ծառայությունները, որոնք այն ապահովում է։ Հորդորում ենք զերծ մնալ անօրինական գործողություններից և պահպանել Հայաստանի կենդանական աշխարհը

Հիշեցնում ենք, որ բնապահպանական իրավախախտումների հետևանքով կենդանական և բուսական աշխարհին պատճառված վնասի հատուցման սակագների մասին ՀՀ օրենքի համաձայն՝ Բեզոարյան այծի որսի և (կամ) ոչնչացման դեպքում յուրաքանչյուր միավորի (անկախ տարիքից) համար կենդանական աշխարհին պատճառված վնասի հատուցման սակագինը կազմում է 3 մլն ՀՀ դրամ։

Եթե իրավախախտման հետևանքով պատճառվել է խոշոր վնաս, ապա իրավախախտը ենթակա է քրեական պատասխանատվության համապատասխան օրենսգրքի 294-րդ հոդվածի (Ապօրինի որսը) 1-ին մասի 4-րդ կետով, այն է՝ պատժվում է տուգանքով` նվազագույն աշխատավարձի չորսհարյուրապատիկից վեցհարյուրապատիկի չափով, կամ կալանքով` 4-6 ամիս ժամկետով։

Հայաստանի կարմիրգրքյան կենդանատեսակների պահպանության համար պատասխանատու ենք բոլորս։ Պետք է գիտակից ու սրտացավ վարք դրսևորենք բնության հետ շփման ժամանակ»,- ասված է նախարարության Ֆեյսբուքի գրառման մեջ:

Այս թեմայով «Ծիծեռնակաբերդ»-ում Աննա Հակոբյանի և դստեր դեպքով քննչականում քրեական վարույթ է նախաձեռնվել․ կան ձերբակալվածներ 36 կգ քաշով ոսկյա ձուլակտորների և 293.000.000 ՌԴ ռուբլի գումարի հափշտակության վարույթով քրեական հետապնդում է հարուցվել 12 անձի նկատմամբ Ինչու դեռ հարցաքննված չեն զույգով միզող ոստիկանները, առգրավված չեն նրանց միզուղու մոտակայքի բոլոր տեսախցիկներն ու ձայնագրությունները, առգրավված-զննված չեն նրանց հեռախոսները, ավտոմեքենան եւ ինչու քրգործ հարուցված չէ. փաստաբան Երվանդ Վարոսյան Հարցաքննվել են 19-ամյա զինծառայողի համածառայակիցները. հրազենային վնասվածքի դեպքով նախաձեռնվել է քրեական վարույթ Ադրբեջանում քրեական գործեր են հարուցվել և հեռակա հետախուզում հայտարարվել ՀՀ 18 քաղաքացիների նկատմամբ ՄԻՊ խումբ է մեկնել՝ Երևանի ավագանու «Ազգային առաջընթաց»-ի անդամների հետ տեղի ունեցած դեպքով Դավիթ Սարգսյանի և Ցոլակ Ակոպյանի նկատմամբ հարուցված քրգործը կարճվել է՝ հանցակազմի բացակայության հիմքով Յուրի Մինասյանի մահվան դեպքի առթիվ քննվող քրեական վարույթով մեկ անձի նկատմամբ քրեական հետապնդում է հարուցվել Զենքի գործադրմամբ խմբակային խուլիգանություն և ծեծ՝ Աբովյան քաղաքում. 4 անձի նկատմամբ քրեական հետապնդում է հարուցվել (տեսանյութ) Վարույթ է հարուցվել «Արաքս»-ի նկատմամբ «ԷՍՈ» բառի օգտագործմամբ հավկիթների իրացման փաստի առթիվ