ՔԿ-ն որոշել է մերժել քրգործ հարուցել ՊՊԾ պետի կողմից MediaHub-ի օպերատորին հարվածելու միջադեպով
Право
Քննչական կոմիտեն որոշել է մերժել քրեական գործ հարուցել ազգային անվտանգության ծառայության պետական պահպանության ծառայության պետ Սարգիս Հովհաննիսյանի կողմից MediaHub.am-ի օպերատորին հարվածելու միջադեպի առթիվ։ Այս մասին ԼՈՒՐԵՐ.com-ին ասաց քննչական կոմիտեի մամուլի քարտուղար Վարդան Թադևոսյանը։
Մայիսի 2-ին Երևանի Բաղրամյան պողոտայի և Պռոշյան փողոցի հատման մասի մոտակայքում լրագրող Նարե Գևորգյանի, օպերատոր Արման Ղարաջյանի և մյուս կողմից Սարգիս Հովհաննիսյանի ու Էդգար Պապինյանի միջև միջադեպ էր տեղի ունեցել, երբ Հովհաննիսյանը բջջային հեռախոսազրույց ունենալու ընթացքում պահանջել էր խոսափողը հեռացնել իրենից և չնկարահանել։
Ըստ քննչական կոմիտեի՝ նյութերի նախապատրաստման ընթացքում Ս.Հովհաննիսյանի կողմից Ա.Ղարաջյանին ոտքով հարվածելու վերաբերյալ որևէ փաստական տվյալ ձեռք չի բերվել, «վերջինս հրաժարվել է ենթարկվել դատաբժշկական փորձաքննության՝ պատճառաբանելով, որ հարվածից մարմնական վնասվածք չի ստացել, իսկ համաձայն դատահետքաբանական և դատաապրաքագիտական համալիր փորձաքննության եզրակացության՝ փորձաքննությանը ներկայացված տեսախցիկի արտաքին մակերեսների հետազոտությամբ հետքեր և վնասվածքներ չեն հայտնաբերվել»:
Քննչական կոմիտեում որոշում է կայացվել քրեական գործ հարուցելը հանցակազմի բացակայության հիմքով մերժելու մասին։
Самое популярное 
В Норатусе за сутки погибли двое мужчин – вследствие взрыва и огнестрельного ранения
