«Մենք գտնում ենք, որ այն, ինչ մինչև հիմա արել ենք, եղել է շատ արդյունավետ, բայց նաև նոր մարտավարության խնդիր ունենք». Այս մասին այսօր՝ հունիսի 10-ին, Ֆրանսիայի հրապարակում ասաց ԱԺ փոխնախագահ Իշխան Սաղաթելյանը։
«Հետևաբար այո, հնարավոր են մեր քայլերի ու գործողությունների մեջ նաև լինեն փոփոխություններ։ Եթե դուք տեսել եք, մենք այս 40 օրվա ընթացքում ամեն ինչ փորձել ենք՝ սկսած հետևողական անհնազանդության ակցիաներից, շենքերը շրջափակելուց։ Ինչ անհրաժեշտ եղել է, արել ենք, բայց այո, նաև այս ամեն ինչը պահելով՝ նոր մոտեցումների խնդիր կա։ Ակտիվ քննարկումների մեջ ենք։
Այո, մենք որոշ քայլեր ու գործողություններ փոփոխության ենթարկելու ենք»,-ասաց նա։