Իրավիճակը Վերին Լարսում անհապաղ լուծում է պահանջում. մանրամասներ Քերոբյանի ու Ռեշետնիկովի հանդիպումից

«Վերին Լարս» անցակետում հունիսի 11-ին տեղի է ունեցել ՀՀ էկոնոմիկայի նախարար Վահան Քերոբյանի հանդիպումը Ռուսաստանի տնտեսական զարգացման նախարար Մաքսիմ Ռեշետնիկովի հետ: ՀՀ էկոնոմիկայի նախարարությունը մանրամասներ է ներկայացնում

Վահան Քերոբյանի ու Մաքսիմ Ռեշետնիկովի հետ հանդիման վերաբերյալ:

Վերին Լարսը ռուս-վրացական սահմանի միակ անցակետն է։ Այն բեռնաշրջանառության գծով տարածաշրջանում առաջին տեղն է զբաղեցնում ավտոմոբիլային հաղորդակցության առումով՝ 4,3 մլն տոննա բեռ 2021թ. ընթացքում։ Անցակետի թողունակությունը մեծացնելու նպատակով 2021թ. մարտ ամսից իրականացվում են  վերակառուցման աշխատանքներ:

«Իրավիճակը Վերին Լարսում անհապաղ լուծում է պահանջում, քանի որ բեռնատար տրանսպորտային միջոցները ճանապարհի վրացական հատվածն անցնում են 20-ից 30 օրում։ Դրանք ապրանքներ են, որոնք անհրաժեշտ են ռուսական ընկերություններին եւ սպառողներին։ Իրավիճակն էլ ավելի կբարդանա՝ հաշվի առնելով , որ արդեն սկսվել է բերքի սեզոնը»,-նշել է ՀՀ էկոնոմիկայի նախարար Վահան Քերոբյանը:

Ակնկալվում է, որ վերակառուցումից հետո «Վերին Լարսի» անցակետային  թողունակությունը կմեծանա  6,4 անգամ՝ օրական դրանով կկարողանա անցնել ավելի քան 2,5 հազար ավտոտրանսպորտային միջոց՝ մինչև 3000-ը հասցնելու հնարավորությամբ։ Ներկայումս օրական բաց է թողնվում միջինը 800-1000  բեռնատար ավտոմեքենա` օրական 400 ավտոմոբիլային միջոցի ընդհանուր անձնագրային հնարավորության պայմաններում:

«Բոլորս հասկանում ենք անցակետի թողունակության մեծացման  կարևորությունը՝ և տեխնիկական և  փաստաթղթային ստուգման առումով: Սա Ռուսաստանի և Հայաստանի միջև առևտրատնտեսական փոխհամագործակցության ամրապնդման առանցքային պայմանն է: Այդ պատճառով այստեղ վերակառուցման աշխատանքներն   ընթանում են առանց անցակետի աշխատանքի դադարեցման։ Շինարարները խոստանում են դրանք ավարտել 2022թ.  երրորդ եռամսյակում»,- նշել է Մաքսիմ Ռեշետնիկովը։

Ռուսական պատվիրակության կազմում միջոցառմանը մասնակցել են տնտեսական զարգացման նախարարության ղեկավարի տեղակալ Դմիտրի Վոլվաչը, ինչպես նաև տրանսպորտի նախարարության  և մաքսային ծառայության ներկայացուցիչներ։

Այս թեմայով Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև ՈՒՂԻՂ. Տավուշում իրավիճակը շարունակում է մնալ լարված ՈՒՂԻՂ․ Իրավիճակը Կիրանցում ՈՒՂԻՂ․ Գյուղապետը ներկայացնում է Տավուշում տիրող իրավիճակը ՀԻՄԱ. Կիրանցում իրավիճակը սրված է, ոստիկանները փակել են Բաղանիս-Ոսկեպար ճանապարհը Փաշինյանի հետ հանդիպումից հետո հասկացել ենք՝ վտանգ է ստեղծվում մեզ համար. Նոյեմբերյանի փոխքաղաքապետ (տեսանյութ) Նոյեմբերյանում նույնպես իրավիճակը լարված է. փողոցներ են փակվում (տեսանյութ) Կիրանցի գյուղապետը Փաշինյանի հետ հանդիպումից հետո այլայլված էր, ասաց՝ մի բան էլ ավելին են տալու Փաշինյանի հետ հանդիպումից հետո Կիրանցի գյուղապետը հրաժարական է տալու Բագրատաշենի ճանապարհին իրավիճակը լարվեց, մարզի ոստիկանապետը փորձում է բացել ճանապարհը (տեսանյութ)