ՔՏՀԱ տեսչական մարմինը հորդորում է մինչև օգոստոսի 1-ն իրականացնել գազաբալոնների վկայագրում

ՀՀ ՔՏՀԱ տեսչական մարմինն իրազեկում է՝ սեղմված բնական, կամ հեղուկացված նավթային գազով աշխատող կամ վերասարքավորված տրանսպորտային միջոցների գազաբալոնները օգոստոսի 1-ից չեն լիցքավորվի, եթե դրանք վկայագրված չեն լիցենզավորված կազմակերպության կողմից։

Տեսչական մարմինը հորդորում է մինչև օգոստոսի 1-ն իրականացնել գազաբալոնների վկայագրում։

Գազաբալոնների վկայագրումը կատարում են լիցենզավորող կազմակերպությունները։

Վերջիններս վկայագրումից հետո տրանսպորտային միջոցի վարորդին տրամադրում են գազաբալոնների պարբերական հերթական վկայագրման ժամկետը նշող, ՀՀ Կառավարության կողմից սահմանված նմուշի փաստաթղթեր, ինչպես նաև ավտոտրանսպորտային միջոցի և գազաբալոնների մասին տվյալները մուտքագրում էլեկտրոնային շտեմարան։

Օգոստոսի 1-ից ՀՀ քաղաքաշինության, տեխնիկական և հրդեհային անվտանգության տեսչական մարմինն իրականացնելու է վերահսկողական գործառույթներ և վարչական պատասխանատվության միջոցներ է կիրառելու լիցենզիայի պայմանների խախտում թույլ տված տնտեսավարողների նկատմամբ։

Վարչական իրավախախտումների վերաբերյալ օրենսգրքի համաձայն՝ սեղմված բնական կամ հեղուկացված նավթային գազով աշխատելու համար ավտոտրանսպորտային միջոցների վրա գազաբալոնային սարքավորումների տեղադրման կամ գազաբալոնների պարբերական վկայագրման գործունեության իրականացման լիցենզիայի պարտադիր պահանջները կամ պայմանները խախտելը, առաջացնում է տուգանքի նշանակում պաշտոնատար անձանց կամ անհատ ձեռնարկատիրոջ նկատմամբ` սահմանված նվազագույն աշխատավարձի հարյուրապատիկից երկուհարյուրապատիկի չափով:

Գազաբալոնային սարքավորումների տեղադրման և պարբերական վկայագրման կարգի պահանջների խախտմամբ ՀՀ Կառավարության սահմանած նմուշի փաստաթղթերի տրամադրումը կամ ավտոտրանսպորտային միջոցների և գազաբալոնների վերաբերյալ տվյալները էլեկտրոնային շտեմարան մուտքագրումը` առաջացնում է տուգանքի նշանակում գազաբալոնային սարքավորումների տեղադրման և վկայագրման իրավասություն ունեցող կազմակերպության պաշտոնատար անձի կամ անհատ ձեռնարկատիրոջ նկատմամբ՝ սահմանված նվազագույն աշխատավարձի երեքհարյուրապատիկից հինգհարյուրապատիկի չափով:

Առանց էլեկտրոնային շտեմարանի տվյալների հետ նույնականացվելու, նույնականացումից հետո դրական եզրակացություն չստանալու դեպքում գազաբալոնների լցավորումը` առաջացնում է տուգանքի նշանակում գազալցավորման կայանի պաշտոնատար անձի նկատմամբ` սահմանված նվազագույն աշխատավարձի երկուհարյուրապատիկի չափով:

Նույն խախտումը կրկին կատարելը վարչական տույժի միջոց կիրառելուց հետո` մեկ տարվա ընթացքում` առաջացնում է տուգանքի նշանակում` կիրառված վարչական տույժի կրկնապատիկի չափով:  

Երևանում և մարզերում այս պահին գործում է 15 լիցենզավորված կազմակերպություն:

Այս թեմայով ՏԿԵ նախարարությունում տեղի է ունեցել ՀՀ ՔՏՀԱ տեսչական մարմնի կառավարման խորհրդի հերթական նիստը ՀՀ ՔՏՀԱ տեսչական մարմնի ղեկավարը Կոտայքի մարզի Գառնի համայնքի երկու բնակավայրում բենզալցակայանների գործունեությունը դադարեցնելու որոշումներ է կայացրել ՔՏՀԱ տեսչական մարմինը Արաբկիր վարչական շրջանում բենզալցակայանի գործունեություն է դադարեցրել ՀՀ ՔՏՀԱ տեսչական մարմինը Շիրակի մարզում բենզալցակայանի գործունեություն է դադարեցրել Երևանում ու Հրազդանում գազա-բենզալցակայանների գործունեություն է դադարեցվել․ ՔՏՀԱ 2000-ից ավելի ստուգում, 1.7 մլրդ դրամի տուգանք․ ՀՀ ՔՏՀԱ տեսչական մարմինն ամփոփում է տարին ՀՀ ՔՏՀԱ տեսչական մարմինն Արմավիրի մարզում բենզալցակայանի գործունեություն է կասեցրել Խախտումները չարձանագրելու համար կաշառք են պահանջել եւ ստացել. կալանավորվել են ՔՏՀԱ տեսչական մարմնի 5 պաշտոնյաներ Կաշառք ստանալու մեջ մեղադրվող ոստիկանության, ՔՏՀԱ պաշտոնյաների վերաբերյալ նախաքննությունն ավարտվել է Հայաստանի և Իրանի քաղաքացիներից կաշառք ստանալու կասկածանքով ձերբակալվել են ՔՏՀԱ տեսչական մարմնի պաշտոնյաներ