Ազատ ոճային պատանի ըմբիշները 5 մեդալ են նվաճել Եվրոպայի առաջնությունում

Հայաստանի ազատ ոճի ըմբշամարտի պատանիների հավաքականը 1 արծաթե և 4 բրոնզե մեդալ է նվաճել Բուխարեստում ավարտված Եվրոպայի պատանիների առաջնությունում: Հայաստանը թիմային հաշվարկում զբաղեցրել է 5-րդ հորիզոնականը:

Հայաստանի հավաքականի կազմում Եվրոպայի պատանիների առաջնությունում երկրորդ տեղն է զբաղեցրել 51 կգ քաշային Նարեկ Հակոբյանը: Հակոբյանը երեք հաղթական գոտեմարտ է անցկացրել և դուրս եկել եզրափակիչ, որտեղ, սակայն, 0-6 հաշվով պարտություն է կրել՝ դառնալով ԵԱ-ի արծաթե մեդալակիր:

Պատանիների Եվրոպայի առաջնության բրոնզե մեդալներն էլ նվաճել են 45 կգ քաշային Արման Հարությունյանը, 48 կգ քաշային Սաշա Պետրոսյանը, 55 կգ քաշային Արտավազդ Հարությունյանը և 65 կգ քաշային Նարեկ Նիկողոսյանը:

Արման Հարությունյանը բրոնզե մեդալի համար պայքարում 11-0 հաշվով առավելության է հասել Թուրքիայի ներկայացուցիչ Հաչի Զադեի նկատմամբ և կանգնել պատվո հարթակի երրորդ աստիճանին, իսկ Սաշա Պետրոսյանը 12-0 հաշվով է հաղթել Թուրքիայի ներկայացուցիչ Բուրակ Յալչինին և դարձել բրոնզե մեդալակիր: Արտավազդ Հարությունյանը բրոնզե մեդալի համար գոտեմարտում մրցել է իտալացի ըմբիշի հետ և 10-0 հաշվով հաղթանակ տարել, իսկ Նարեկ Նիկողոսյանը վճռորոշ գոտեմարտում 9-3 հաշվով առավելության է հասել մոլդովացի մրցակցի նկատմամբ:

Բրոնզե մեդալ նվաճելուն մոտ է եղել նաև Ռազմիկ Եփրեմյանը (7-1), սակայն 5-6 հաշվով պարտություն է կրել:

Հունահռոմեական ոճի ըմբիշներն էլ ավելի վաղ 1 արծաթե և 4 բրոնզե մեդալ էին նվաճել Եվրոպայի պատանեկան առաջնությունում: Թիմային հաշվարկում Հայաստանի պատանեկան հավաքականը դարձյալ զբաղեցրել էր 5-րդ հորիզոնականը:

Այս թեմայով Էդգար Ղազարյանն ազատ արձակվեց Սուրեն Պապիկյանն ընդունել է Եվրոպայի խորհրդի Երևանի գրասենյակի ղեկավարին «Մարտական եղբայրություն» միաբանության 6 անդամներ ազատ են արձակվել, Արման Պետրոսյանը կալանավորվել է Մարմնամարզիկները սկսում են պայքարը Եվրոպայի առաջնությունում Էդ Երկրապահ կոչեցյալը երկրորդ անգամ ա մարդկանց վրաերթի ենթարկում ու ազատ ման ա գալիս. Դանիելյան (տեսանյութ) Անահիտ Մանասյանն ընդունել է Եվրոպայի խորհրդի պատվիրակությանը Բռնցքամարտիկներ Գուրգեն Մադոյանը և Նարեկ Մանասյանը հաղթանակով են մեկնարկել Սերբիայում ընթացող Եվրոպայի առաջնությունում Բռնցքամարտի ԵԱ․ Արթուր Սահակյանը հաղթել է Եվրոպայի գործող չեմպիոնին Ֆուտբոլի Եվրոպայի լիգայի կիսաեզրափակչի զույգերը հայտնի են Այսօրվանից մեկնարկում է բռնցքամարտի Եվրոպայի առաջնությունը