ԿԲ նախագահն անդրադարձել է դրամի արժևորմանն ու արտահանողների բարձրացրած խնդրին

ՀՀ կենտրոնական բանկի նախագահ Մարտին Գալստյանն անդրադարձել է դրամի արժևորմանն ու արտահանողների խնդիրներին, այն արհեստականորեն արժեզրկելու կոչին:

«Արմենպրես»-ի հաղորդմամբ՝ Գալստյանն այս մասին խոսել է Orion Summit 2022 գագաթնաժողովում` պանելային քննարկման շրջանակում:

Մարտին Գալստյանը նախ խոսեց դրամի արժևորման մասին: Անդրադառնալով դրան նպաստող գործոններին՝ նա նշեց Հայաստան օտարերկրյա այցելուների հոսքի մասին, ծառայությունների արտահանման աճի մասին: «Ձեզնից շատերն են երեկոյան լինում ռեստորաններում, որտեղ կարող եք տեսնել, թե ինչքան օտարերկրացիներ կան: Ըստ վիճակագրական կանոնների` դա պետք է գրանցվի որպես արտահանում։ Այսպիսով, այս տարվա ընթացքում մենք կարող ենք տեսնել Հայաստանից արտահանման անհավանական աճ, ինչը, բնականաբար, բերում է ազգային արժույթի արժևորման»,- ասաց Գալստյանը:

Ըստ ԿԲ նախագահի՝ հիմա հանրության մի հատվածից, հատկապես արտահանողներից ԿԲ-ին ուղղված կոչ է հնչում՝ արհեստականորեն արժեզրկել հայկական դրամը, միջամտել և արժեզրկել հայկական դրամը, ինչը, հավանաբար, պետք է օգնի հայ արտահանողներին՝ լինելու ավելի արդյունավետ, մրցունակ: Այսպիսով, ԿԲ նախագահը հարց է բարձրացնում, թե արդյոք դրամի 5-10 տոկոսով արժևորումի՞ց է կախված արտահանողների արդյունավետ լինել-չլինելը:

«Իմ պատկերացմամբ՝ դա լուծում չէ։ Լուծումը եզակի, ունիկալ լինելն է։ Եթե մենք ուզում ենք լինել եզակի, կան բազմաթիվ բաներ, որոնք մենք կարող ենք միասին անել: Բայց ես հույս չէի դնի միայն արհեստականորեն արժեզրկման վրա»,- ասաց Գալստյանը:

Այս թեմայով «Հայոց պատմության» դասագրքի անվանափոխությունը ուղղված է հենց իրական հայրենքի խնդրին. Անդրեասյան Փաշինյան, մատների արանքով մի նայի վրացական համարներով մեքենաների խնդրին, էս փակուղուց դուրս բեր մեզ ԼՂ-ում հումանիտար ճգնաժամի և շոգ եղանակի պայմաններում մարդիկ բախվում են նաև ջրի սակավության խնդրին Թագուհի Թովմասյանն ու Բունդեսթագի պատգամավորը անդրադարձել են բաց հանքերի շահագործման խնդրին Էրդողանը Twitter-ում անդրադարձել է հայ-ադրբեջանական հարաբերությունների խնդրին Բաքվի վարչախումբը Հայաստանի դեմ հիբրիդային պատերազմում ուշադրություն է դարձնում տեղանունների «խնդրին». Ոսկանյան Հայաստանի նախագահն ու Էստոնիայի դեսպանը անդրադարձել են Լաչինի միջանցքի շրջափակման խնդրին Եթե կառավարությունից մարդ չեկավ, ճանապարհ ենք փակելու․ մեր հացի խնդրին են կպնում Այս խնդրին լուծում գտնելը անհրաժեշտ է․ Թորոսյանը դիմում է Երևանի քաղաքապետարանին, ՏԿԵՆ-ին և ՆԳՆ-ին Նախագահը Էստոնիայի հայ համայնքի հետ հանդիպմանը անդրադարձել է Լաչինի միջանցքի շրջափակման խնդրին