«Անակնկալ էր, որ վարչապետը տեղյակ չէ, որ Բերձորում մարդիկ են ապրում». Բերձորի համայնքապետ

«Ընդհանուր առմամբ,  վարչապետի հայտարարությունը անակնկալ չէր մեզ համար, քանի որ շատ էր խոսվում այդ մասին,  և մենք տեսնում ենք ադրբեջանցիների կողմից նոր կառուցվող ճանապարհը: Զարմանալի էր, որ վարչապետը նշեց, թե  Բերձորում մարդիկ չեն ապրում: Մինչև պատերազմը, Բերձորում ապրել  է 2000 մարդ՝ 550-570 ընտանիք,  պատերազմից հետո՝ 170 մարդ»,-Բերձորի հանձնման մասին ՀՀ վարչապետ Ն. Փաշինյանի հայտարարությանը ԼՈՒՐԵՐ.com-ի հետ զրույցում այսպես արձագանքեց  Բերձորի համայնքապետ Նարեկ Ալեքսայնանը:

Նա նշեց, որ անկախ հայտարարությունից իրենք շարունակելու են ապրել իրենց սիրելի համայնքում, ոչ մի տեղ չեն գնալու և իրենց համար ընդունելի չէ այդ որոշումը:

«Կարծում եմ՝  այս պահին  դեռ  հստակ չէ, թե ինչ կարգավիճակ  կունենան Բերձորն ու Աղավնոն: Մենք հույս ունենք, որ հանձնում չի լինի, և մարդիկ կշարունակեն ապրել իրենց բնակավայրերում,-ավելացրեց նա:

Ըստ նրա՝ բնակչության շրջանում այդ հայտարարությունը վրդովմունք է առաջացրել:    

«Ինձ ուղղակի զարմացնում է մի փաստ. ինչպե՞ս է,  որ մենք նոյեմբերի 9-ի հայտարարության բոլոր կետերը կատարում ենք, իսկ Ադրբեջանը՝ ոչ, օրինակ,  գերիների վերադարձի պարտավորությունը: Ինչո՞ւ մենք չենք կարող հրաժարվել որոշակի պահանջներ կատարելուց՝ պահանջելով նախ Արբերջանին  դա անել»,-եզրափակեց Ն. Ալեքսանյանը:

Սուսաննա Թամազյան

Այս թեմայով Հակակոռուպցիոն դատարանում կհրապարակվի Վանաձորում ընտրված համայնքապետ Մամիկոն Ասլանյանի կալանքի վերաբերյալ որոշումը Վարչապետը պետք է հասկանա` հերիք եղավ, բոլ եղավ, ինչքա՞ն կտոր-կտոր տանք. գեներալ-լեյտենանտ (տեսանյութ) Ոճրագործությունը կրկնվեց նաև մեր օրերում․ Մասիսի համայնքապետ «Ժողովուրդ». Ժողովրդավարությունը թիվ մեկ «բրենդ» հռչակած վարչապետը չի մեկնաբանել Սամվել Վարդանյանի հանդեպ կատարվածը Ոստիկանները հայտարարում են, թե ՊՆ-ն տեղյակ չի եղել, որ չպետք է ականազերծման աշխատանքներ արվեն Վարչապետը Հայաստանի իշխանության որդեգրած խաղաղության օրակարգի հարցում երկու շատ կարևոր իրադարձություն է նշում Պետք է երկուստեք ապահովենք, որ սահմանի երկու կողմերում մարդիկ ապահով ապրեն. ՀՀ վարչապետ «Շատ թանկ է կորուստը, համակերպվելն՝ անհնար, պարզապես ապրում ենք, մինչև...». սերժանտ, ջոկի հրամանատար Տիգրան Գալստյանն անմահացել է հոկտեմբերի 31-ին «Մարտունի 2»-ում. «Փաստ» Մարդիկ վիրավորված են, որ իրենց ապրած կյանքը բաժանում եք իրական Հայաստանի և պատմական Հայաստանի միջև 2 կոպեկ են առնում, խանութը հոր գներն ա դրել վրեն, մարդիկ առևտրով տուն են պահում, բա ո՞նց ապրեն