Սոլովյովը ներողություն է խնդրել Ադրբեջանից` Դավիթ Բաբայանին եթեր տրամադրելու համար

Ռուս լրագրող Վլադիմիր Սոլովյովը ներողություն է խնդրել Ադրբեջանից՝ Արցախի Հանրապետության արտաքին գործերի նախարար Դավիթ Բաբայանին եթեր տրամադրելու համար։

«Ես քաղաքական մեծ սխալ թույլ տվեցի, քանի որ խախտեցի ուժերի հավասարակշռությունը մի շատ բարդ համակարգում, որն այժմ տեղի է ունենում Կովկասում», - ասել է նա:

Սոլովյովը նշել է, որ պատրաստվում էր եթեր տրամադրել նաև Ադրբեջանի ներկայացուցչին` «հավասարակշռություն պահպանելու և լրագրողական օբյեկտիվության» համար:

«Կրկին ուզում եմ ասել, որ ես լավ եմ հասկանում այն ​​դերը, որ այժմ խաղում են ռուս-ադրբեջանական հարաբերությունները, և հասկանում եմ, թե որքան կարևոր է այդ հարաբերությունների համակարգում տարաձայնություններ չմտցնելը:

Ես ժամանակին պատիվ եմ ունեցել զրուցելու Ադրբեջանի նախագահի հետ, 44-օրյա պատերազմից հետո նման խոսակցություններ չեն եղել։ Եվս մեկ անգամ կրկնում եմ՝ ես պատրաստ եմ ցանկացած մակարդակի եթեր տրամադրել ադրբեջանական կողմին բարձրաձայնելու համար, և, իհարկե, առաջին հերթին գնահատում եմ այս տարածաշրջանում խաղաղությունն ու անդորրը։ Ուստի ներողություն եմ խնդրում այս թեման դաշնային եթերում լուսաբանելիս օբյեկտիվության կանոնները չպահպանելու, երկու կողմերի դիրքորոշումը միաժամանակ արտահայտելու հնարավորություն չտալու համար, ինչպես արեցինք 44-օրյա պատերազմի ժամանակ։ Աշխարհում վերջին բանը, որ կցանկանայի այս ոլորտում խնդիրներ ստեղծել... Ինձ պետք էր ավելի շատ քաղաքական իմաստություն և քաղաքական տակտ դրսևորել։ Սա, անկասկած, իմ քաղաքական սխալն է, ուստի ես ներողություն եմ խնդրում»,- ասել է Սոլովյովը իր հաղորդման եթերում։

Այս թեմայով Վլադիմիր Սոլովյովը հրապարակել է մեր հայրենակից Մհեր Ավետիսյանի դիմումը՝ ուղղված միջազգային հանրությանը Լաչինի միջանցքը ապաշրջափակվել է. Սոլովյով Վլադիմիր Սոլովյովը «թաղել է» Ալլա Պուգաչովային Ինչ պետք է անեն ռուսները Ուկրաինայում հաղթելու համար՝ ըստ Սոլովյովի Սոլովյովը նշել է, թե որ ուկրաինական տարածքներն են հետաքրքրում Ռուսաստանին Սոլովյովը հայտնել է, թե ով է իր դեմ մահափորձի պատվիրատուն Իտալիայում անհայտ անձինք փորձել են հրկիզել Սոլովյովի առանձնատունը Վլադիմիր Սոլովյովի նկատմամբ միջազգային հետախուզում կհայտարարվի «Կիևից պատրաստվում են տարհանել Զելենսկիին»․ Վ. Սոլովյով ԱՄՆ֊ն պատժամիջոցներ է սահմանում Մարգարիտա Սիմոնյանի և Վլադիմիր Սոլովյովի դեմ