Բրիտանացի սպան վռնդել է տնից 9 ուկրաինացի փախստականներից բաղկացած ընտանիքին. Daily Mail

Ուկրաինայից Մեծ Բրիտանիա փախած ինը հոգուց բաղկացած ընտանիքը մնացել է անօթևան այն բանից հետո, երբ թագավորական նավատորմի սպա Դադլի Մալսթերը և նրա կինը՝ Քելլին, ով նրանց ապաստան էին տվել,, խնդրել է նրանց լքել տարածքը: Այս մասին հայտնում է Daily Mail-ը։

Հրապարակման համաձայն՝ սպան, առանց պատճառները բացատրելու, անջատել է ուկրաինացիների ինտերնետը և նրանց փաստաբանների միջոցով ծանուցում ուղարկել, որ նրանք պետք է հեռանան։ Նրանք նույն ծանուցումը ստացել են նաև Հեմփշիրի շրջանային խորհուրդից:

«Քելլին և նրա ամուսինը շատ հյուրընկալ էին և ստիպեցին մեզ զգալ, որ սա այն վայրն է, որտեղ մենք կարող ենք մնալ: Հետո նրանք ուղղակի դադարեցրին մեզ հետ խոսել, և մենք նամակ ստացանք, որ մեզ վտարում են: Մենք ժամանակ ունենք մինչև հուլիսի 15-ը։ Նրանք նաև անջատեցին ինտերնետը, այնպես որ մեզ համար դժվար է գրել էլեկտրոնային փոստով և հաղորդակցվել: Սեփականատերը անսիրտ է»,- հրապարակումը մեջբերում է ընտանիքի հոր` Մաքսիմի խոսքերը։

Նշվում է, որ ուկրաինացի Մաքսիմ Գիրիկի և նրա կնոջ՝ Օլգայի ընտանիքում մեկից յոթ տարեկան հինգ երեխա կա։ Նրանցից մեկն աուտիստ է։ Բացի այդ, զույգի մայրերը, որոնցից մեկը 60 տարեկան է, մյուսը՝ 70, նրանց հետ տեղափոխվել են Ուկրաինայից, և «մեկը մշտական ​​խնամքի կարիք ունի»։

«Ես կապ հաստատեցի հինգ տեղացի անշարժ գույքի գործակալների հետ, և երբ ասացի, որ մենք 9 հոգանոց ընտանիք ենք Ուկրաինայից, նրանք պարզապես ասացին` ոչ և անջատեցին հեռախոսը», - ասել է Գիրիկը լրագրողներին:

Սպան, ով սկզբում ուկրաինացիներին տուն է հատկացրել, իսկ հետո մտափոխվել, 20 տարի ծառայել է ռազմածովային ուժերում, մասնակցել ռազմական արշավներին Աֆղանստանում, Բայհրեյնում և մասնակցել թագավորական ընտանիքի անվտանգության ապահովմանը։ Լրագրողներին չի հաջողվել կապ հաստատել նրա հետ։

Այժմ ընտանիքը գումար է հավաքում նոր տան համար։

Այս թեմայով «Կրոկուսում» տեղի ունեցածի հետքերը տանում են դեպի Ուկրաինա. Շոյգու ԱՄՆ Կոնգրեսի Ներկայացուցիչների պալատը հավանություն է տվել Ուկրաինային օգնելու օրինագծին Պենտագոնի ղեկավարը հայտնել է, թե ինչ է Ուկրաինան խնդրել ԱՄՆ–ից ԱՄՆ–ն ​​չի օգնի Ուկրաինային խոցել օդային թիրախները, ինչպես օգնեց Իսրայելին․ Ջոն Քիրբի Թուրքիան Ռուսաստանին և Ուկրաինային խաղաղության պայմանագրի նոր նախագիծ է առաջարկել ԱՄՆ-ն կարող է ևս 100 միլիարդ դոլար հատկացնել Ուկրաինային Ֆրանսիան խնդիրներ կունենա, եթե զորք մտցնի Ուկրաինա. Շոյգուն սպառնացել է ԱՄՆ-ում բացահայտել են Ուկրաինայի ապագան Թուրք-ադրբեջանական տանդեմը զինում է Ուկրաինային՝ ընդդեմ ՌԴ-ի Մոսկվան ուսումնասիրում է Բաքվի կողմից Ուկրաինային զենք մատակարարելու մասին տեղեկությունները. Զախարովա