Ալաշկերտը հաղթանակով մեկնարկեց Կոնֆերենցիաների լիգայում

Կոնֆերենցիաների լիգայի որակավորման առաջին փուլում «Ալաշկերտը» սեփական հարկի տակ նվազագույն հաշվով հաղթանակի հասավ Մալթան ներկայացնող «Համրուն Սպարտանսի» նկատմամբ։

Վազգեն Սարգսյանի անվան Հանրապետական մարզադաշտում կայացած խաղն ակտիվ սկսեցին տանտերերը, սակայն գրոհներում բացակայում էր սրությունը։ Խաղակեսի առաջին հատվածն ավելի շատ անցավ մրցակցի կիսադաշտում, իսկ հյուրերը շեշտը դրել էին հակագրոհների վրա և կարողացան մեկ-երկու քիչ թե շատ վտանգավոր հակագրոհ անցկացնել։

25-րդ րոպեին երևանյան թիմը բացեց հաշիվը։ Տուգանայինի մատույցներից կատարած հարվածով գոլի հեղինակ դարձավ Արտակ Եդիգարյանը։ Խփած գոլից հետո երևանյան թիմն ավելի շատ սկսեց խաղալ գնդակով ու ավելի վստահ գրոհել, իսկ հյուրերը առիթը բաց չէին թողնում հակագրոհելու։ Առաջին խաղակեսում այլևս գոլեր չգրանցվեցին և այն ավարտվեց մեր թիմի առավելությամբ՝ 1-0 հաշվով։

Երկրորդ խաղակեսի սկիզբը հարուստ չէր վտանգավոր պահերով։ 58-րդ րոպեին հյուրերը վտանգավոր գրոհ կազմակերպեցին, սակայն Չանչարևիչը վերջին պահին սահանկումով գնդակը հանեց դիմային գծից։ Խաղի վերջնամասն անցավ փոխնիփոխ գրոհներով ու ավելի կոշտ պայքարում։ Երկու թիմերն էլ կարող էին գոլ խփել, սակայն հաշվի մեջ փոփոխություն չեղավ։

Թիմերի պատասխան խաղը տեղի կունենա մեկ շաբաթ անց՝ Մալթայում։

Այս թեմայով ԵԱ․ Արթուր Դավթյանը, Գագիկ Խաչիկյանը եւ Արթուր Ավետիսյանը եզրափակիչում են «Հարդքոր» մրցաշարի ժամանակ ամբոխը հարձակվել է Արկադի Օսյապինի վրա (տեսանյութ) Վահագն Դավթյանը Փարիզի Օլիմպիական խաղերի ուղեգիր նվաճեց Հրաձիգ Էլմիրա Կարապետյանը դուրս է եկել Ռիո դե Ժանեյրոյի մրցաշարի եզրափակիչ Հայ կին մրցավարն առաջին անգամ մասնակցել է բասկետբոլի ՖԻԲԱ Եվրոպայի մրցավարական ճամբարին Վերջին 13 տարվա ընթացքում առաջին անգամ Հայաստանի ֆուտբոլի կանանց հավաքականը հաղթել է Մ-19 ԵԱ․ Հայաստան - Թուրքիա՝ 0:7 Խվիչան կարող է կարիերան շարունակել «Բարսելոնայում» Երիտասարդական ԵԱ․ Ռաֆայել Ներսիսյանը պարտության է մատնել Վրաստանի ներկայացուցչին Կայծակը հարվածել է ֆուտբոլ խաղացող դպրոցականներին․ կա 18 տուժած (տեսանյութ)