«Սա շատ բացառիկ, միջազգային բնույթի մեծ նախագիծ է». Մ. Մելքումյանը՝ Հիսուս Քրիստոսի արձանի կառուցման մասին
Общество
«Բարգավաճ Հայաստան» կուսակցության նախագահ Գագիկ Ծառուկյանը շուրջ կես տարի առաջ հայտարարեց Հիսուս Քրիստոսի արձանի կառուցման նախագծի մասին, որը օրերս դրական գնահատական ստացավ ՀՀ կառավարության կողմից: Հուլիսի 9-ին մեկնարկած շինարարական աշխատանքներին զուգահեռ՝ հասարակական տարբեր շրջանակներում նախագիծը լայն քննարկման արժանացավ, հնչեցին և′ դրական կարծիքներ, և′ քննադատություններ առ այն, որ նախագիծն ունի հակասող կողմեր գործող օրենսդրությանը և հայ պատմամշակութային արժեքներին: ԼՈՒՐԵՐ.com-ը թեմայի շուրջ զրուցեց ՀՀ ԱԺ նախկին պատգամավոր, «Բարգավաճ Հայաստան» կուսակցության անդամ Միքայել Մելքումյանի հետ:
«Սա շատ լուրջ, բացառիկ, միջազգային բնույթի մեծ նախագիծ է, որն ունի և′ հոգևոր, և′ լուսավորչական, և′ տնտեսական՝ զբոսաշրջային, կողմ ու դրանում օրենքին հակասող որևէ բան չկա: Եթե ՀՀ կառավարությունը քննարկել և հավանություն է տվել նախագծին, ինչպես նաև տարբեր գործիչներ, ապա ինձ համար առնվազն անհասկանալի է նման արհեստական մտահոգություններ հայտնելը: Հասկանալի է, որ ցանկացած նախագիծ կարող է ունենալ տեխնիկական (ոչ հիմնարար) խնդիրների ճշգրտման կարիք, բայց ոչ ավելին»,-նշեց Մ. Մելքույմյանը:
Նրա խոսքով՝ մենք հիմա այն վիճակում ենք, որ չպետք է կղզիանանք մեր մտորումներում, այլ պետք է առաջ նայենք:
«Ես համոզված եմ, որ երբ վեր հառնի Հիսուս Քրիստոսի արձանը, և պետությունն իր մաշկի վրա զգա, թե ինչ ուժեղ, կենսական երակ առաջացավ այդտեղ, նույն մարդիկ լրիվ հակառակ բանն են ասելու: Եկեղեցին էլ է ողջունելու»,-իր խոսքը եզրափակեց Մ. Մելքումյանը:
Самое популярное 
«Индийский свадебный макияж» - новый тренд в Tiktok и Instagram: Гоар Авестисян представила свой вариант
