ԱՄՆ-ն պնդում է՝ «Ալ-Քաիդայի» առաջնորդի մահվան ապացույցներ ունի

ԱՄՆ-ն ունի «Ալ-Քաիդա» ահաբեկչական կազմակերպության ղեկավար Այման ալ Զավահիրիի մահվան «տեսողական և այլ» ապացույցներ՝ բացի ԴՆԹ֊ից։ Այս մասին հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին, գրում է РИА Новости-ն՝ հղում անելով CNN-ին տված հարցազրույցին։

«Մենք չունենք նրա ԴՆԹ-ն և չենք պատրաստվում դրանք ձեռք բերել: Անկեղծ ասած, հաշվի առնելով տեղեկատվության ձեռքբերման տարբեր աղբյուրներն ու մեթոդները, որոնք մենք օգտագործում ենք, մենք դրա կարիքը չունենք», - այսպես է մեկնաբանել Քիրբին ահաբեկիչների առաջնորդին ոչնչացնելու վերջին գործողությունը:

Նրա խոսքով՝ ամերիկյան կողմն ունի «տեսողական, ինչպես նաև տարբեր աղբյուրներով և մեթոդներով ձեռք բերված հաստատում»։

Politico-ն, հղում անելով աղբյուրներին, գրել է, որ ԱՄՆ-ն հանգստյան օրերին հակաահաբեկչական գործողություն է իրականացրել Աֆղանստանում, որի արդյունքում՝ հաջողվել է ոչնչացնել «Ալ-Քաիդա» ահաբեկչական խմբավորման առաջնորդ Այման ալ Զավահիրիին։

Ավելի ուշ Սպիտակ տան բարձրաստիճան պաշտոնյան ասել է, որ ԱՄՆ-ն չի զգուշացրել «Թալիբանին» Աֆղանստանում «Ալ-Քաիդա» ահաբեկչական խմբավորման առաջնորդին ոչնչացնելու հատուկ գործողություն իրականացնելու պլանների մասին։

Այս թեմայով Քննարկվել են Հայաստան-Սիրիա միջխորհրդարանական հարաբերությունների ընդլայնման հեռանկարները Սիրիայում տեղակայված ամերիկյան ռազմաբազան հարձակման է ենթարկվել․ ԶԼՄ Սիրիայում ԱԹՍ–ն հարձակվել է ամերիկյան բազայի վրա Սիրիայում կրկին հարձակվել են ամերիկյան բազայի վրա ԱՄՆ-ն տարհանում է Սիրիայում գտնվող իր ռազմաբազան․ ԶԼՄ Սիրիայում ամերիկյան ռազմաբազա է հարձակման ենթարկվել Սիրիայում Իսրայելի հարձակման հետևանքով ԻՀՊԿ խորհրդական է զոհվել Սիրիայում ամերիկյան բազաները հրթիռակոծության են ենթարկվել ԱԹՍ–ները հարձակվել են Սիրիայի հյուսիս-արևելքում գտնվող ամերիկյան ռազմաբազաների վրա Սիրիայի արևելքում ամերիկյան բազա է հրթիռակոծվել․ ԶԼՄ