Չեռնոգորիայի վարչապետն ասել է, որ երկիրը 30 տարի է` ղեկավարում են թմրակարտելները և մաքսանենգները

Չեռնոգորիայի վարչապետ Դրիտան Աբազովիչը Վեհաժողովի նիստում հայտարարել է, որ երկիրը 30 տարի է` ղեկավարում են թմրակարտելները և ծխախոտի մաքսանենգները: Այս մասին հայտնում է РИА Новости-ն։

«Հարգելի Չեռնոգորիայի քաղաքացիներ և պատգամավորներ, եթե այսօր տապալվի Դրիտան Աբազովիչի կառավարությունը, կլսվեն փաստեր, որոնք պետք է հիշել։ Առաջիկա ժամանակաշրջանում ձեզ օգտակար կլինի գլուխկոտրուկը հավաքել և տեսնել, թե ինչպես են կազմակերպված հանցագործությունը, թմրակարտելները և ծխախոտի մաքսանենգները կառավարում այս պետությունը 30 տարի շարունակ»,- ասել է նա:

Նշվում է, որ քվեարկության նախաձեռնողներն են եղել Միլո Ջուկանովիչի գլխավորած նախկին իշխող Սոցիալիստական ​​կուսակցությունը, ինչպես նաև նրա գործընկեր կուսակցությունները՝ կապված կաբինետի կողմից երկիրը ԵՄ անդամակցությանը մոտեցնելու իր պարտավորությունները չկատարելու հետ: Միաժամանակ քվեարկության քննարկմանը կողմ է արտահայտվել 81 պատգամավորներից 68-ը։

Սակայն, ըստ վարչապետ Աբազովիչի, իրական պատճառները հանցավորության ու կոռուպցիայի դեմ պայքարն են և Սերբական ուղղափառ եկեղեցու հետ համաձայնագրի ստորագրումը։

Այս թեմայով ՌԴ արտգործնախարարությունն իր քաղաքացիներին խորհուրդ է տվել չմեկնել Չեռնոգորիա Չեռնոգորիայում ամենածույլ մարդը պառկել է 60 ժամ և շահել 350 եվրո Չեռնոգորիայում հրաձգության զոհ է դարձել 11 մարդ Հայտնի է պաշտոնական այցով Հայաստան ժամանող Չեռնոգորիայի նախագահի օրակարգը Չեռնոգորիայի նախագահն այս ամիս կայցելի Հայաստան Չեռնոգորիայի մայրաքաղաքում բախումներ են տեղի ունեցել իշխանության և ընդդիմության կողմնակիցների միջև