Արտակարգ իրավիճակների աշխատողը կատարում է կարևոր առաքելություն և, ցավոք, նաև իր կյանքի հաշվին․ փոխնախարար

Սեպտեմբերի 4-ին Հայաստանում նշվեց արտակարգ իրավիճակների աշխատողի օրը, մասնագիտություն, որ պահանջում է անսահման խիզախություն, անձնազոհութուն, մարդասիրություն և ամենօրյա տքնաջան աշխատանք։ Ի՞նչ ձեռքբերումներ ունի ԱԻ նախարարությունը վերջին տարիներին, որքանո՞վ է հաջողվում է մարդկային ճակատագրերի հետ ուղիղ առնչություն ունեցող աշխատանքներում գրանցել դրական արդյունքներ։ 

«Արտակարգ իրավիճակների նախարարությունը մեծ օրգանիզմ է․ մեր ամենամեծ և ամենակարևոր մեծ ստորաբաժանումից՝ փրկարար ծառայությունից բացի, կան նաև այլ ծառայություններ, որոնք կարևոր աշխատանք են տանում սեյսմիկ պաշտպանության ոլորտում, տեխնիկական անվտանգության ոլորտում և այլն։ Այդ ամենի նպատակն աղետների ռիսկի կառավարումն է, բնակչության պաշտպանությունը, անվտանգության ապահովումը և անհրաժեշտության դեպքում՝ արագ արձագանքումն ու հետևանքների վերացումը»,-ԼՈՒՐԵՐ․com-ին ասաց ՀՀ ԱԻ փոխնախարար Արտյուշ Գրիգորյանը։ 

Նա նշեց, որ գերատեսչությունը շարունակաբար բարձրացնում է անվտանգության աշխատողի մասնագիտական գիտելիքներն ու հմտությունները, իսկ դրան նպաստում են նաև ՀՀ ԱԻՆ ճգնաժամային Ակադեմիան, ռուս-հայկական հումանիտար կենտրոնը, որտեղ տեղի են ունենում կանոնավոր վերապատրաստումներ։ ԱԻՆ փոխնախարարի խոսքով, արտակարգ իրավիճակների աշխատողը հաճախ է բախվում մարտահրավերների, իրականացնում փրկարար առաքելություն և, ցավոք, այդ ամենը կատարվում է փրկարարի կյանքի հաշվին։

«Որպես կարևոր ձեռքբերում, նշեմ, որ ԱԻՆ փրկարարա-որոնողական թիմը սեպտեմբերի 3-ին վերաորակավորվել է միջազգային որոնողա-փրկարարական խորհրդատվական խմբի՝ դառնալով այդ կառույցի լիիրավ անդամ։ Այդպիսի բան ոչ բոլոր երկրների համապատասխան ստորաբաժանումներին է հաջողվում, ինչը նշանակում է, որ մեր որոնողա-փրկարարական համակարգը շատ լավ է աշխատում»,-նշեց պաշտոնյան։ 

Արտյուշ Գրիգորյանը տեղեկացրեց նաև, որ այս տարի առաջին անգամ կառավարությունը 1,2 միլիարդ ՀՀ դրամ է հատկացրել գերատեսչությանը՝ տեխնիկական վերազինում ապահովելու համար․

«Խոսքը վերաբերում է և՛ փրկարարա-որոնողական ծառայության ստորաբաժանումների շենքային պայմանների բարելավմանը, և՛ բարձր անցունակություն ունեցող հրդեհաշիջող մեքենաների ձեռքբերմանը և այլ ուղղություններով տեխնիկական հագեցվածության ապահովմանը։ Զուգահեռաբար աշխատում ենք բարելավել նաև օրենսդիր դաշտը, որպեսզի այն համահունչ լինի արդի պահանջներին։ Աղետների ռիսկի կառավարման և բնակչության պաշտպանության համակարգում նախաձեռնել ենք օրենսդրական փոփոխություններ, որոնց կյանքի կոչվելու դեպքում էապես կբարձրանա մեր աշխատանքի արդյունավետությունը»։

Արա Ալոյան

Այս թեմայով Դանիական պատվիրակությունը Գորիսում ԵՄ դիտորդական առաքելության հետ պարեկություն է իրականացրել Մեր Հայաստանի տարածքները նվիրվում են թշնամուն, սա անարդար ու անօրեն որոշում է. Արսեն Գրիգորյան (տեսանյութ) Մհեր Գրիգորյանն Իրանի դեսպանի հետ քննարկել է սահմանազատման գործընթացի վերջին զարգացումները Նզովքի է ենթակա նահատակների արյունն ու իր հայրենիքի հողն ուրացողը, Արշակի Սրբազանի ուղերձը կարևոր էր (տեսանյութ) Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Կարևոր եմ համարում Մեծ եղեռնի ներքին հայեցումը․ Նիկոլ Փաշինյանի ուղերձը Գրիգորյանը չի մասնակցի Պետերբուրգում Անվտանգության հարցերը համակարգող ներկայացուցիչների հանդիպմանը Ես խոնարհվում եմ Բագրատ Սրբազանի առջեւ. Սամվել Գրիգորյան Ռուբեն Ռուբինյանն ընդունել է ՀՀ-ում Հունաստանի արտակարգ եւ լիազոր դեսպան Խրիստոս Սոֆիանոպուլոսին Ավարտվել է Մհեր Գրիգորյանի ու Տավուշի բնակիչների հետ հանդիպումը