«Սուրմալուի» գործով զարգացումներ կլինեն. «Իրավունք»

«Իրավունք» թերթը գրում է.

«Օգոստոսի 14-ին, ժամը 13:30-ի սահմաններում պայթյուն էր տեղի ունեցել «Սուրմալու» առևտրի կենտրոնում, որի հետևանքով 16 մարդ զոհվել է: Օգոստոսի 18-ին դեպքի առթիվ քրեական գործ էր հարուցվել, իսկ օգոստոսի 26-ին ՀՀ դատախազությունը հայտնել էր, որ պայթյունի գործով 4 մեղադրյալներից 3-ի՝ տնտեսվարողների նկատմամբ դատարանը որպես խափանման միջոց է ընտրել կալանավորումը, իսկ առևտրի կենտրոնի փոխնտօրենի կալանավորման դատախազության միջնորդությունը մերժվել է:

Ի՞նչ ընթացքի մեջ է սույն քր.գործը: Ինչո՞ւ են պատասխանատվության կանչում միայն տնտեսվարողներին: Այն դեպքում, երբ նման հարցերում պետությունը, ի դեմս պատկան մարմինների, իր հստակ ֆունկցիաներն ունի, որոնք ակնհայտորեն կատարված չէին:

Ի վերջո, հենց պետությունն էր պարտավոր այնպես վերահսկել, որ ՀՀ քաղաքացիները չզոհվեին, չվիրավորվեին ու գույքային կորուստներ չունենային: Սակայն բուն պայթյունի փաստն արդեն իսկ ապացուցում է, որ դա արված չէ, եւ պետք է պատասխան տվողներ լինեն: Ուրեմն` ինչո՞ւ են պատասխանատվության կանչել միայն «ներքեւիններին»` «վերեւիններին թողնելու հանգիստ:

Այս հարցերը փորձել ենք պարզել Քննչական կոմիտեից, որտեղից մեզ տեղեկացրին, որ ակտիվ նախաքննության փուլ է: Իսկ ահա մեր աղբյուրներն էլ տեղեկացրին, որ սույն գործով առաջիկա շաբաթվա մեջ լուրջ զարգացումներ են սպասվում: Տեսնենք, նաեւ, թե գործը կհասնի՞ «չգիտես ինչու» այդ օբյեկտի պայթյունավտանգ վիճակը չկանխած վերին օղակներին»:

Առավել մանրամասն՝ թերթի այսօրվա համարում

Այս թեմայով «Իրավունք». Լեո Նիկոլյանի վիճակն օր օրի վատթարանում է, իսկ նրա մուտքը Հայաստան շարունակում է փակ մնալ Ապրիլի 28-ին Երևանի կենտրոնում փակ փողոցներ կլինեն Ոչ մեկն իրավունք չունի հող հանձնելու. առաջարկում եմ ստեղծել ինքնապաշտպանական ջոկատներ (տեսանյութ) Ո՞վ է իրավունք տվել Տավուշում սահմանազատում իրականացնել ու ՀՀ ԶՈՒ-ն վերատեղակալե՞լ. Արթուր Խաչատրյան «Ժողովուրդ». 36 կգ ոսկու եւ 293 միլիոն ռուբլու անհետացման գործով վկայի կարգավիճակում դատավոր է հարցաքննվել Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան Ո՞վ իրավունք ունի ասել, թե՝ ձեր «ժողովրդավարական» աչքի վերևը բռնատիրական հոնք է ծավալվել. «Փաստ» Հայտնի է՝ ով է Սամվել Վարդանյանի գործով դատավորը «Ժողովուրդ». «Ուրալ»-ի վթարի գործով ՊՆ պաշտոնյաների պատասխանատվության ենթարկելու հարց է բարձրացվել ՈւՂԻՂ. Շարունակվում է Աշոտյանի գործով դատական նիստը