Սա կլինի իշխանությունների ճակատագրական սխալը, որից կրկին տուժելու է ՀՀ քաղաքացին․ Զոհրաբյանը՝ հակառուսական ակցիաների մասին

Վերջին շրջանում, հատկապես թշնամու վերջին ռազմական հարձակումից հետո, Հայաստանում սկսել են կրկին նկատվել հակառուսական տրամադրություններ․ ինչպես ասում են՝ կրակի վրա յուղ լցրեցին նաև իշխանական շրջանակները, որոնք քննադատությունների տարափ տեղացին, մասնավորապես, ՀԱՊԿ-ի վրա՝ կասկածի տակ դնելով ռազմաքաղաքական այդ կառույցի էֆեկտիվությունը, հնչեցին նաև ակնարկներ՝ ՀԱՊԿ-ից դուրս գալու վերաբերյալ և այլն։ 

«Ժամեր առաջ Երևանում հակառուսական միտինգ էր՝ ուկրաինական դրոշներով․ պահանջում են, որ Հայաստանը դուրս գա ՀԱՊԿ-ի կազմից, չհասկանալով դրա հետևանքները, չհասկանալով, որ այն պահին, երբ Ռուսաստանին «թշնամի» սարքեցին, դրանից առաջին տուժողը լինելու է Հայաստանը»,-այս մասին ԼՈՒՐԵՐ․com-ին ասաց ԱԺ նախկին պատգամավոր, «Անվտանգություն և ժողովրդավարություն» իրավապաշտպան ՀԿ նախագահ Նաիրա Զոհրաբյանը։

Նրա խոսքով՝ ինքն էլ բազում հարցեր ունի ՌԴ-ին՝ հատկապես վերջին իրադարձությունների հետ կապված, բայց այդ հարցերը, քաղաքական գործչի պնդմամբ, պետք է լուծել ոչ թե Ռուսաստանին «պատերազմ» հայտարարելով կամ «Persona Non Grata» հռչակելով, այլ երկխոսության ճանապարհով։

«Բայց, քանի որ մենք չունենք ադեկվատ իշխանություն, ունենք իշխանություն, որ ինքն է կանգնած այս հակառուսական ցույցերի, հակառուսական պիկետների հետևում, ավելի՛ն, եթե հիշում եք ՀՀ ԱԽ քարտուղարն օրերս հայտարարեց, որ ՀԱՊԿ-ից արդեն հույս ունենալ չի կարելի, իսկ համանման հայտարարություններ բաց տեքստով արել են թե՛ Փաշինյանը, թե՛ Արարատ Միրզոյանն ու այլ բարձրաստիճան ղեկավարներ, այլևս «մատ են թափ տալիս» Ռուսաստանի վրա, չհասկանալով այդ ամենի աղետալի հետևանքները»,-նշեց Զոհրաբյանը։

Նրա համոզմամբ, սա գործող իշխանությունների հերթական ճակատագրական սխալն է լինելու, որի հետևանքները, հերթական անգամ, կոտրվելու են ժողովրդի գլխին։

«Մենք մոռանում ենք, որ Ռուսաստանում մոտ 3 միլիոն հայրենակից ունենք, նրանց զգալի մասը ՌԴ քաղաքացիներ են, հայերի մեծ մասն էլ այնտեղ աշխատում է և Ռուսաստանից եկող տրանսֆերտների հաշվին են այստեղ մեր հարյուր հազարավոր հայրենակիցներ գոյատևում։ Այսինքն՝ այսօր նման դեմարշներ անելով Ռուսաստանին, դրա հետևանքները չի քաղելու այսօրվա իշխանությունը և իշխանական էլիտան, որովհետև իրենցից ամեն մեկը գրին քարտ վերցնելու է և փախնի Միացյալ նահանգներ կամ եվրոպական որևէ երկիր։ Եվ այդ ամբողջ հետևանքների ծանրությունը հերթական անգամ կոտրվելու է ՀՀ քաղաքացիների գլխին, երբ Ռուսաստանը որոշի, օրինակ, բարձրացնել գազի գինը»,-ընդգծեց մեր զրուցակիցը։

Արա Ալոյան

Այս թեմայով ՀԻՄԱ․ անհնազանդության ակցիաներ Երևանում ու մարզերում Կեղծիքի իշխանությունը չի՛ կարող ներկայացնել Հայաստանը եւ հայ ժողովրդին այս ճակատագրական պահին. Հայկ Մարության Տավուշի համար ճակատագրական պահին դատախազը լքում է պաշտոնը․ «Ժողովուրդ» Ինչպես են ադրբեջանցիները տոնում ՀՀ իշխանությունների հերթական հանձնողական որոշումը «Ժողովուրդ». ՀՀ իշխանությունները խուսափում են Արցախի վտարանդի իշխանությունների հետ հանդիպումներից Դավիթ Ամալյանը՝ իշխանությունների, նրան սատարողների ու լափամանի համար կռիվ անողների մասին Իշխանությունների թիրախում նորից արցախցիներն են. «Փաստ» Այս իշխանությունների ժամանակ կանոնավոր բանակը դարձավ անկանոն կազմակերպություն․ Սեյրան Օհանյան Կանխեցին իշխանությունների հերթական արշավը Եկեղեցու դեմ. «Փաստ» «Ժողովուրդ». Արցախի նախագահը ճակատագրական որոշումն ուղարկել է Նիկոլ Փաշինյանին. նոր զարգացումներ