Կրտսեր սերժանտ Արմանը վիրավոր վիճակում վերջին պահին խոցել է թշնամու թիրախն ու զոհվել. News.am

Սեպտեմբերի 12-ի լույս 13 գիշերն ադրբեջանական հարձակման հետեւանքով զոհվել է 19-ամյա կրտսեր սերժանտ Արման Ծատուրյանը։

Արմանը սովորում էր Հայաստանի պետական տնտեսագիտական համալսարանի Կառավարման բաժնում, ուսանողական խորհրդի անդամ էր։ Վեց ամիս սովորելուց հետո Արմանը 2022 թվականի հունվարին զորակոչվել էր բանակ։ Ծառայում էր Սիսիանում։

Արման Ծատուրյանը զոհվել է սեպտեմբերի 14-ին Իշխանասարի ուղղությամբ մղվող մարտերում։

«Արմանը հրետանավոր էր, մարտկոցի հրամանատար, ու երբ մյուս հրանոթները կորցրել էին, հիմնական ծանրաբեռնվածությունը մնացել էր Արմանի վրա։ Արմանը մարտական բոլոր առաջադրանքները կատարել էր գերազանց, հարվածել էր բոլոր թիրախներին։ Ինքը ամեն համազարկից հետո տղաներին մտցրել է թաքստոցները։ Հետո արդեն թշնամին նշանառության տակ է առել Արմանին ու վիրավորել ԱԹՍ-ով։ Արմանը վիրավոր վիճակում վերջին պահին խոցել է թշնամու թիրախն ու զոհվել»,- NEWS.am-ի հետ զրույցում պատմեց Արման Ծատուրյանի հորեղբայրը՝ ազատամարտիկ Արարատ Ծատուրյանը։

Արման Ծատուրյանը հուղարկավորվել է սեպտեմբերի 18-ին «Եռաբլուր» զինվորական պանթեոնում։

Հիշեցնենք, որ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները սահմանի ողջ երկայնքով հրետանային միջոցներից, խոշոր տրամաչափի հրաձգային զինատեսակներից սկսել էին ինտենսիվ կրակ վարել հայկական դիրքերի ուղղությամբ՝ կիրառելով նաեւ ԱԹՍ-ներ: Հակառակորդը հարվածում էր թե՛ ռազմական, թե՛ քաղաքացիական օբյեկտներին։ Պաշտպանության նախարարության հաղորդմամբ՝ սեպտեմբերի 14–ին, ժամը 20։00–ից բոլոր ուղղություններով կրակը գրեթե դադարել է, էական միջադեպեր չեն արձանագրվել։ Սեպտեմբերի 20-ի դրությամբ՝ հայ-ադրբեջանական սահմանին իրադրության փոփոխություն չի արձանագրվել:

Վերջին տվյալով՝ զոհվածների եւ անհետ կորածների թիվը հասնում է 207-ի, գերեվարվել է 20 զինծառայող։

Այս թեմայով Էս երիտասադրության հետ Արցախ եմ հասնելու ու մենահամերգ տամ. Գայա Արզումանյան (տեսանյութ) Սա սրբազան պայքար է և լիահույս եմ, որ մեր սերունդը վերադառնալու է Արցախ. քաղաքացի Մեր սրտերում մնալու է Արցախ վերադառնալու տեսիլքը. Բագրատ Սրբազան Հայի սրտի, հոգու ամենաերջանիկ օրերից մեկն է լինելու. այսպես գնալու ենք դեպի Արցախ. Գայա Արզումանյան (տեսանյութ) Ինչքան ապրեմ, մինչև վերջին շունչս հավատալու եմ, որ գնալու եմ Արցախ. Գայա Արզումանյան Պիտի կտրես այն ձեռքը, որ ստորագրել է՝ Արցախն Ադրբեջան է. Տեր Հովհաննես (տեսանյութ) Վիրահատությունից դեռ չապաքինված` նահատակ հերոս Արամ Ղուլարյանի հայրը` Վազգենը, եկել է միանալու երթին (տեսանյութ) Բաքվի թիրախում օկուպացված Արցախի Ս․ Ստեփանոս եկեղեցին է․ ներկայացնում են որպես մզկիթ Ստեփանակերտի հերոսների պանթեոնն այլևս գոյություն չունի Արցախցիները պետք է վերադառնան Արցախ, առանց ադրբեջանցիների. Հայկ Բաբայան