Արարատ Միրզոյանը Սամանթա Փաուերի հետ հանդիպմանն ընդգծել է միջազգային հանրության կողմից ադրբեջանական ագրեսիայի հասցեական դատապարտման կարևորությունը

ՄԱԿ ԳԱ 77-րդ նստաշրջանի շրջանակներում սեպտեմբերի 21-ին ՀՀ ԱԳ նախարար Արարատ Միրզոյանը հանդիպում է ունեցել ԱՄՆ Միջազգային զարգացման գործակալության (USAID) կառավարիչ Սամանթա Փաուերի հետ:

Ինչպես տեղեկացնում է ՀՀ ԱԳ նախարարության կայքից, զրուցակիցները գոհունակությամբ արձանագրել են, որ ընդհանուր ժողովրդավարական արժեքների վրա հիմնված հայ-ամերիկյան հարաբերությունները շարունակական զարգացում են ապրում՝ երկկողմ օրակարգը հարստացնելով նոր բովանդակությամբ:  Նախարար Միրզոյանը վերահաստատել է Հայաստանի կառավարության նվիրվածությունը ժողովրդավարությանն ու մարդու իրավունքների պաշտպանությանը և պատրաստակամությունը՝ շարունակելու բարեփոխումների օրակարգը։ 

Նախարար Միրզոյանն ու Սամանթա Փաուերն անդրադարձել են ԱՄՆ ՄԶԳ-ի կողմից Հայաստանում իրականացվող ծրագրերին, մտքեր փոխանակել համատեղ նոր ծրագրերի իրականացման հեռանկարների շուրջ: Կարևորվել են Հայաստանի կառավարության բարեփոխումների օրակարգի և Հայաստանում ինստիտուցիոնալ կարողությունների զարգացման ուղղությամբ իրականացված համատեղ աշխատանքը և այս ուղղություններով փոխգործակցության առավել ընդլայնումը և զարգացումը:

Հանդիպման ընթացքում ԱԳ նախարարը ներկայացրել է ՀՀ տարածքային ամբողջականության նկատմամբ Ադրբեջանի կողմից սանձազերծված վերջին ագրեսիան և դրա հետևանքով ստեղծված իրավիճակը:

Ադրբեջանի առավելապաշտական և ագրեսիվ վարքագծին հակազդելու համատեքստում ընդգծվել է միջազգային հանրության կողմից ադրբեջանական ագրեսիայի հասցեական դատապարտման դերը և ապագայում հավանական ագրեսիաները կանխարգելելու նպատակով գործուն քայլերի իրականացման կարևորությունը: Արարատ Միրզոյանը նաև ընդգծել է, որ Հայաստանի Հանրապետությունը պաշտպանելու է իր ինքնիշխանությունը և տարածքային ամբողջականությունը։

Այս թեմայով Եթե Արարատ Միրզոյանը չլիներ, դատախազությունն իրեն այլ կերպ կպահեր, տեսանյութում դեմք չի երևում (տեսանյութ) Այն կտի մասին, թե իբր ադրբեջանական գազ է գնելու Հայաստանը․ Կարեն Վրթանեսյան Միրզոյանը և Սերբիայի ԱԳ նախարարը քննարկել են տարածաշրջանային հարցեր Իմ ելույթի մեջ միջազգային իրավունքին չհամապատասխանող որևէ բան չկար․ Սիմոնյանն արձագանքեց Մատվիենկոյին Մենք սգում ենք նրանց, ովքեր սպանվեցին Հայոց ցեղասպանության ժամանակ․ Սամանթա Փաուեր Արարատ Միրզոյանն այցելել է Ծիծեռնակաբերդի հուշահամալիր Ես երեկ ադրբեջանական կայքերն էի նայում՝ էդ Նիկոլին ոնց են գովում. Տիգրան Մուրադյան (տեսանյութ) Սա երբևէ ամենախայտառակ տեքստն էր Ցեղասպանության օրվա առթիվ` արված Հայաստանի ղեկավարի կողմից. թուրքագետ Հայատան-Ադրբեջան շփման գծի մի փոքր կտոր դարձավ բոլորի կողմից ճանաչված սահման. Իոանիսյան Ադրբեջանական զորքն առանց մեկ կրակոցի տեղավորվում է Տավուշի մեր դիրքերում. Կարեն Վրթանեսյան