A$AP Rocky-ն 322 000 դոլար արժողությամբ ադամանդե գոտու ճարմանդ է գնել

Ամերիկացի ռեփեր A$AP Rocky-ն համագործակցել է Նյու Յորքի Ալեքս Մոսի հետ՝ նախագծելով գոտու ճարմանդ, որը արժեցել է $322 000, հայտնում է Hypebeast-ը:

Արտիստը ցանկացել է ստեղծել յուրօրինակ գոտու ճարմանդ՝ որակյալ նյութերով՝ իր չորրորդ ստուդիական ալբոմի թողարկումից առաջ։ Նրա ենթադրյալ անունը Grim է, որը անգլերենից թարգմանաբար նշանակում է խավար։ Հենց այս բառն է պատկերված գոտու ճարմանդին։

Արտադրանքի վրա աշխատանքը տևել է չորս ամիս և իրականացվել ձեռքով՝ Նյու Յորքում։ Կեռը պատրաստված է մաքուր 18K սպիտակ ոսկուց և լրացված է բնական VVS սպիտակ, կանաչ և սև ադամանդներով: Կեռը ամրացված է Gucci-ի մոնոգրամով գոտու վրա, որը նույնպես երեսպատված է մեծ գունավոր քարերով։