Բժիշկները զգուշացնում են, որ վատ քունը կարող է լինել սրտի անբավարարության նշան

Հյոգո բժշկական համալսարանի գիտնականները պարզել են, որ քնի վատ որակը կարող է սրտի անբավարարության նախադրյալ լինել: Արդյունքները հրապարակված են Journal of the American Heart Association-ում:

Հետազոտողները գրեթե երեք տարվա ընթացքում վերլուծել են քնի տվյալները, ինչպես նաև սրտի առողջության տվյալները միջինում 59 տարեկան 452 մեծահասակների մոտ:

Միջին և ծանր ապնոէ ունեցող մարդկանց 28%-ի և առանց ապնոեի 11%-ի մոտ հետագայում առաջացել է ձախ փորոքի դիաստոլիկ դիսֆունկցիա: Նրանց թվում, ովքեր քնած ժամանակ շատ են շուռումուռ եկել, հետագայում դիսֆունկցիան առաջացել է 21%-ի մոտ։ Նրանց թվում, ովքեր քնած ժամանակ միջինից քիչ են շարժվել՝ ընդամենը 8%:

Հեղինակներն ընդգծել են, որ շատ բաներ կարող են ստիպել մարդուն քնի ժամանակ շարժվել, այդ թվում՝ անհանգիստ ոտքերի համախտանիշը և խորը քնի բացակայությունը։ Քնի որակը բարելավելու որոշ եղանակներ ներառում են օրվա ընթացքում բավականաչափ ֆիզիկական վարժություններ կատարելը և մութ տեղում քնելը՝ առանց սմարթֆոնների և այլ էլեկտրոնային սարքերի կապույտ լույսի ազդեցության:

Քնի պակասն ինքնին չի ազդել սրտի անբավարարության ռիսկի վրա: Այնուամենայնիվ, վերջերս մեծահասակների մեծամասնության համար օրական յոթից ինը ժամ քունը ավելացվել է սրտանոթային լավ առողջության հիմնական ցուցանիշների «Life's Essential 8»-ի ցանկին:

Ձախ փորոքի դիաստոլիկ դիսֆունկցիան տեղի է ունենում, երբ սրտամկանի ձախ կողմը չի կարողանում պատշաճ կերպով արյուն մղել մարմնի մնացած մասերը: Այն կազմում է ամբողջ աշխարհում սրտի անբավարարության 37 միլիոն դեպքերի 60%-ը: Ուսումնասիրությունը մատնանշել է քնի որակի պոտենցիալ կարևորությունը դիսֆունկցիայի կանխարգելման համար:

Այս թեմայով Բժիշկները պացիենտի աչքից հեռացրել են 12 սանտիմետրանոց որդ (լուսանկար) Բժիշկները հայտնել են՝ արդյոք տղամարդու սեռական օրգանի չափսը կարող է փոխվել տարիքի հետ Բժիշկները պացիենտի աղիքներում ճանճ են հայտնաբերել (լուսանկար) 30 բժիշկներ Արցախից և ՀՀ-ից վերապատրաստվեցին վերականգնողական բժշկության միջմասնագիտական ծրագրով Քաղաքացին ընկել է ձորակը․ բժիշկները նրա առողջական վիճակը գնահատել են ծանր Բժիշկները պարզել են, որ ամուրիները երկու անգամ ավելի հաճախ են մահանում սրտի անբավարարությունից 4 բեռնատարներով դեղորայք, վիրաբուժական սարքավորումներ, բժիշկներ են ուղարկվել Հալեպ և Լաթաքիա Բժիշկները հիվանդի լեղապարկից հեռացրել են 382 քար (լուսանկարներ) Մի խումբ բժիշկներ և բուժքույրեր մեկնել են ռազմաճակատ Տղամարդուն սխալմամբ մահացած են համարել և նրա մարմինը նվիրաբերել օրգանների համար