Ռուսաստանից Հայաստան եկողների պատճառով սպասվում է գնաճ. տնտեսագետ

«Նախ առաջինը պետքա հասկանանք, թե էդ հոսքի չափերը ինչպիսին են, դեռ ընդամենը կանխագուշակումներ են էդ հոսքերի մասին: Ու երկրորդ կարևոր ֆակտորը, թե էդ հոսքերը ինչ տևողություն կունենան: Բայց ակնհայտ է, որ էդ հոսքերը որոշակի մեր տնտեսական ակտիվության վրա ազդեցություն ունենում են,-ԼՈՒՐԵՐ.com-ի հետ զրույցում ասաց տնտեսագետ Նարեկ Կարապետյան՝ անդրադառնալով Ռուսաստանից Հայաստան եկող զբոսաշրջային ներհոսքին:

«Մեր տնտեսությունը փոքր է, մեր արժեքային շուկան փոքր է, ընդհանուր մեր ծառայությունների շուկաները փոքր են, ու փոքր հոսքերը, մի քանի տասնյակի հասնող հոսքերը էական գների փոփոխություններ են առաջացնում: Օրինակ՝ մեր արժեքային շուկայում ընդամենը մոտ 300 միլիոն դոլարի լրացուցիչ ներհոսքը կարողացավ էսպիսի ճնշում առաջացնել: Ու էդ պայմաններում նոր ներհոսքերը, բնականաբար, կկարողանան էլի որոշակիորեն իրավիճակի վրա ազդեցություն ունենալ: Այսինքն՝ մեր արժեքային շուկան ի վիճակի չի որոշակի հոսքերը կլանել ու իրենց ազդեցությունները տեսանելի չդարձնել:

Կախված էդ հոսքերի չափից ու տևողությունից՝ որոշակի ազդեցություն կարող է դիտվել փոխարժեքի ու նաև հիմնականում ծառայությունների, անշարժ գույքի գների վրա: Ու հիմնականում պոզիտիվ, այսինքն աճի ուղղությամբ կլինի: Իսկ տնտեսական ակտիվության մասով մենք արդեն բավականին բաձր տնտեսական ակտիվության տիրույթ ունենք ու կարծում եմ՝ էդ հոսքերը թույլ կտան էդ ակտիվությունը պահպանել, եթե դրանք էական լինեն»,-ասաց նա:

Կարապետյանի կարծիքով՝ հայկական դրամը նոր ներոսքի պատճառով եթե չարժևորվի՝ արժեզրկում ևս տեղի չի ունենա.

«Եթե էդ հոսքերը էական լինեն՝ հայկական դրամի վրա արժևորման ճնշումներ կառաջանան: Բայց դա ուղակիորեն չի նշանակում, որ արժևորում կգրանցվի: Կախված արդեն մյուս տնտեսվարողների ու նաև կենտրոնական բանկի արձագանքից էդ ճնշումները կարող են հանգեցնել արժևորման կամ կարող են չհանգեցնել, կարող են պահպանել եղած մակարդակում, բայց, ամեն դեպքում, արժեզրկման ճնշումների չեն հանգեցնի»,-նշեց Նարեկ Կարապետյանը:

Անդրադառնալով հարցին՝ թե բիզնեսի տեսանկյունից ի՞նչ փոփոխություն կլինի Հայաստանում, Կարապետյանը նշեց.

«Բնականաբար, մի կողմից լրացուցիչ մարդկանց ներհոսքը տնտեսության համար պահանջարկի բարձրացում է, մեր տնտեսվարողների կողմից պարտադրվող ապրանքների և ծառայությունների պահանջարկի բարձրացում, մյուս կողմից՝ նաև լրացուցիչ արտադրական հնարավորություն է, որովհետև էդ մարդիկ, ի վերջո, էստեղ մեր զբաղվածների թիվն են ավելացնում, տնտեսության զբաղվածությունն են ավելացնում: Էդ պայմաններում ընդհանուր տնտեսական ակտիվությունը ավելանում է»,-նշեց տնտեսագետը:

Լուսինե Ալեքսանյան

Այս թեմայով Շատ լավ բաներ են մեզ սպասվում Հանրապետության հրապարակում, մնաց մի քանի ժամ. Բագրատ Սրբազան (տեսանյութ) Մեր Հայրենիքը ստի թագավորության պատճառով կորցնում ենք. Անդրե (տեսանյութ) Փաշինյանը ժամանեց Մոսկվա. սպասվում է հանդիպում Պուտինի հետ (տեսանյութ) Ապրիլին Հայաստան է այցելել 163 հազար 970 զբոսաշրջիկ Լյուքսեմբուրգի Մեծ Դքսության Պատգամավորների պալատի նախագահը կժամանի Հայաստան Ալեն Սիմոնյանը և Ժիվկովիչը ստորագրել են «Նոր Հայաստան` ժամանակակից խորհրդարան» 2-րդ ծրագրի իրականացման փաստաթուղթ Զոհված հերոս Մխիթար Գալեյանի ընտանիքը կանգնած է Սրբազանի կողքին (տեսանյութ) Սրբեք մեր մեջ կուռքեր սարքելը, այ էդ «կուռքերի» պատճառով ենք հայտնվել փողոցում, չկա ոչ մի ակնկալիք (տեսանյութ) Եթե Տավուշում զիջումների գնանք, Հայաստանը կընկնի Արցախի օրը. «Մայր Հայաստան» դաշինքն ակցիա է անում Շենգավիթում Էրդողանի երդմնակալությանը մասնակցեց, իսկ Պուտինի երդմնակալությանը չի գնում. Նարեկ Մանթաշյան