Արագածոտնի մարզում ZIL 130-ը, մոտ 25 մետր մի քանի պտույտ շրջվելով, գլխիվայր հայտնվել է գետում. կա մեկ զոհ, մեկ վիրավոր

Այսօր՝ հոկտեմբերի 2-ին, ողբերգական ավտովթար է տեղի ունեցել Արագածոտնի մարզում: Ժամը 19:20-ի սահմաններում Երևանի բնակիչ 38-ամյա Արշակ Իգիթխանյանն իր վարած ZIL 130 մակնիշի բեռնատարով Լուսագյուղ գյուղի անտառ տանող ճանապարհին դուրս է եկել երթևեկելի գոտուց, բախվել հողաթմբին, ապա ծառերին և մոտ 25 մետր գլորվելով գլխիվայր՝ հայտնվել անտառով հոսող գետում:  Ինչպես հայտնում է shamshyan.com-ը, վթարի հետևանքով Ա. Իգիթխանյանը տեղում մահացել է, իսկ ուղևոր, Լոռու մարզի բնակիչ 59-ամյա  Հայկ Կիրակոսյանը մարմնական վնասվածքներով տեղափոխվել է «Ապարան» բժշկական կենտրոն: 

Վիրավորին ավտոմեքենայից մեծ դժվարությամբ դուրս են բերել օպերատիվորեն ժամանած Արտակարգ իրավիճակների նախարարության փրկրարար ծառայության Ապարանի թիվ 20 հրշեջ փրկարարական ջոկատի փրկարարները և ոստիկանության Ապարանի բաժնի ծառայողները: Օպերատիվորեն ժամանել է նաև «Ապարան» բժշկական կենտրոնի բժիշկների հերթապահ խումբը, ովքեր հրշեջ փրկարարների ու ոստիկանների կողմից պատգարակով անտառից դուրս բերված վիրավորին նախ տեղում առաջին բուժօգնություն են ցուցաբերել և տեղափոխել «Ապարան» բժշկական կենտրոն:  Վարորդի դին ավտոմեքենայից դուրս են բերել հրշեջ փրկարարները և մոտեցրել դիատարին:  Դեպքի վայր են ժամանել Ոստիկանության Արագածոտնի մարզային վարչության պետ Տիգրան Կարապետյանն ու Ոստիկանության Ապարանի բաժնի պետ Ռաֆայել Պողոսյանը: 

Դեպքի վայր են ժամանել նաև Ճանապարհային ոստիկանության երկրորդ սպայական գումարտակի Արագածոտնի մարզը սպասարկող սպայական դասակի ծառայողները՝ գումարտակի հրամանատար Արսեն Մարդոյանի, գումարտակի հրամանատարի տեղակալ Արամ Ադիբեկյանի և դասակի հրամանատար Գարիկ Սարգսյանի գլխավորությամբ: Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել է Հայաստանի քննչական կոմիտեի Արագածոտնի մարզային քննչական վարչության Ապարանի քննչական բաժին, որտեղից ժամանել է քննչական խումբը՝ պետի տեղակալ Բենիկ Սարգսյանի գլխավորությամբ, ում կողմից նախաձեռնվել է քրեական վարույթ:  Ֆոտոլրագրողը հայտնում է, որ ավտոմեքենան բարձված է եղել մարմար քարով, և այն ամբողջությամբ թափվել է, ավտոմեքենայի վրայի գազաբալոնները նույնպես պոկվել ու շպրտվել են:  

Այս թեմայով Ավտովթար՝ Կոտայքի մարզում. Նոր Գեղիում բախվել են «Mercedes»-ը, «06»-ն ու տրակտորը Հայոց Ցեղասպանության 109-րդ տարելիցի օրը հիշատակվեց և ոգեկոչվեց Շիրակի մարզում Ապարանում բախվել են Վանաձոր-Երևան «ГАЗель»-ը, «Volkswagen»-ն ու «Lada»-ն. կա 7 վիրավոր 18:00-ին փոխվարչապետը կհանդիպի Տավուշի մի քանի վարչական շրջանի ղեկավարների հետ Պետական պաշտոնյան արդեն Ադրբեջանական բառերով է կոչում հայկական գյուղերը` չսպասելով ստորագրվող ակտին Շղթայական ավտովթար՝ Արարատի մարզում. կա 6 վիրավոր Տավուշի մարզում միջպետական ավտոճանապարհը փակելու ընթացքում 7 անձ է ձերբակալվել. ՔԿ Արագածոտնի Ուշի համայնքում տեղի է ունեցել Սուրբ Սարգիս վանական համալիրի վերակառուցման օրհնության կարգը Բագրատաշենի ճամփին այսօր մի քանի սադրանքներ եղան․ հավանաբար՝ ինձ էլ կտանեն բաժին․ Հրանտ Տէր-Աբրահամեան Տավուշի մարզում մի խումբ բնակիչներ կրկին փակել են միջպետական ճանապարհի Կիրանց-Ոսկեպար հատվածը