Մինչ Փաշինյանի իշխանությունը փորձում է հիմնավորել խաղաղության պայմանագրի կնքման անհրաժեշտությունը, Ադրբեջանը գործում է հերթական պատերազմական հանցագործությունները. Թովմասյան

Ադրբեջանի զինված ուժերի կողմից հայ ռազմագերիների սպանությունները պետական մակարդակով հովանավորվող Ադրբեջանի ցեղասպան քաղաքականության հերթական դրսևորումներն են։ Այս մասին գրել է ԱԺ մարդու իրավունքների պաշտպանության եւ հանրային հարցերի մշտական հանձնաժողովի նախագահ, անկուսակցական Թագուհի Թովմասյանը.

«Պատերազմական այս հանցագործությունները ոտնահարում են բոլոր այն մեխանիզմները, միջազգային հումանիտար իրավունքի բոլոր պահանջները, որոնց ջատագովն է միջազգային հանրությունը, և որոնցով որ պետությունները պարտավորվել են առաջնորդվել ժամանակակից միջազգային հարաբերություններում։

Ռազմագերիների կյանքի իրավունքի ոտնահարման այս հանցագործությունները ամբողջությամբ խախտում են «Ռազմագերիների հետ վարվելակերպի մասին» 1949 թվականի օգոստոսի 12-ի ժնևի կոնվենցիայով ամրագրված արգելքները՝ ոտնձգությունը կյանքի և ֆիզիկական անձեռնմխելիության նկատմամբ, մասնավորապես, ամեն տեսակի սպանությունները, խեղումները, դաժան վերաբերմունքը, տանջահարությունը և խոշտանգումները։

Գերության մեջ պահող տերությունն է պատասխանատվություն կրում ռազմագերիների հետ վարվելակերպի համար, ուստի հրատապ նամակներ եմ ուղարկում միջազգային կազմակերպություններին, մարդու իրավունքների հետ առնչվող բոլոր միջազգային գործընկերներին՝ շտապ գործարկելու բոլոր իրավաքաղաքական մեխանիզմները՝ ի պաշտպանության միջազգային հանրության «մարդասիրական մանդատի» ներքո գտնվող հայ ռազմագերիների իրավունքների։

Ադրբեջանի ռազմաքաղաքական իշխանությունների այս հանցագործությունները միջազգային դատարանի եւ հանրության կողմից պետք է անհապաղ քննության առարկա դառնան դրանց քրեաիրավական որակման առումով, և հանցագործները շտապ ենթարկվեն պատասխանատվության»։

Այս թեմայով Այս պահի դրությամբ որևէ խմբակցություն ՀՀ ՄԻՊ-ի թեկնածու չի առաջադրել․ Թագուհի Թովմասյան ՌԴ-ից ակնկալում ենք պատժել ագրեսոր Ալիևին. Թագուհի Թովմասյան Թուրք-ադրբեջանական տանդեմը կրկին հող է նախապատրաստում նոր ռազմական ագրեսիայի համար․ Թովմասյան Ազգային ժողովում լինելը և փողոցային պայքարը միմյանց չբացառող գործընթացներ են․ Թովմասյան Ահազանգ. զինծառայողների և պետական մի շարք մարմինների աշխատակիցների ամենամյա արձակուրդի վճարումը ճիշտ չի հաշվարկվում Ադրբեջանը մտադիր է նոր ագրեսիա անել. Թովմասյանը դիմել է միջազգային գործընկերներին՝ կանխարգելելու այն Մեր դարպասները փակելու խնդիր ունենք, հարևանն ուզում է մեր հաշվին մեծացնել իր տարածքը․ Թովմասյան Թշնամին ժամը 9:00-ից մինչ այժմ հրաձգային զինատեսակներից կրակ է բացել հայկական դիրքերի ուղղությամբ. ահազանգ Կուտականից Թագուհի Թովմասյանը պահեստազորայինների վարժական հավաքների մասով բողոքներ է ստացել Պատգամավորներ ու պաշտոնյաներ կան, որ բարձրագույն կրթություն չունեն, բայց միլիոններ են վաստակում. Թագուհի Թովմասյան