Ժողովրդի անտարբերությունը այս իշխանությունը ներկայացնելու է որպես համաձայնություն․ Հռիփսիմե Ստամբուլյան
Բլոգոսֆերա
«Հայաստան» խմբակցության պատգամավոր Հռիփսիմե Ստամբուլյանը գրում է․
«Մի կողմ թողնելով երեկ ԱԺ ամբիոնից վարչապետի պաշտոնը զբաղեցնողի կողմից հնչեցրած բոլոր կեղծիքներն ու մանիպուլյացիաները` պետք է անենք մի կարևոր արձանագրում՝
նա ի լուր աշխարհի և մեր ժողովրդի հայտարարեց, որ պատրաստ է ճանաչել Արցախն Ադրբեջանի մաս ու կարգավորել հարաբերություններն Ադրբեջանի հետ՝ 1991թ-ի հիմքով` միմյանց տարածքային ամբողջականության ճանաչման ճանապարհով:
Այս պարագայում «Ստեփանակերտի և Բաքվի միջև քննարկումների մեխանիզմ» ստեղծելու մասին խոսակցությունները ոչ այլ ինչ են, քան հերթական պոպուլիզմն ու ձևականությունը: Ադրբեջանն Արցախի հետ բանակցությունների նստելու և որպես հավասար սուբյեկտ վերջինիս հետ հարաբերվելու որևէ ցանկություն ու պատրաստակամություն չունի: Դրա վկայությունն ընդամենը երեկ Ալիևի արած հայտարարություններն էին:
Ժողովրդի լռությունը, անտարբերությունը, կտրուկ արձագանքների բացակայությունն այս իշխանությունը ներկայացնելու է որպես համաձայնություն` հայտարարված քաղաքականությանն ու ուրվագծված ճանապարհին:
Կրկին ու կրկին պետք է խփենք զանգերը: Սա արդեն մեր երկրի, մեր հայրենիքի գոյության, այսօրվա ու վաղվա խնդիրն է, որպես ազգ ու պետություն մեր լինել-չլինելու խնդիրը»:
«Ժոկոյի աղջիկները՝ «նախկինների» թալանի դեմ ինքնամոռաց պայքարում»
Ամենադիտված 
Մայիսի 20-ից Վրաստան ենք գնալու Ադրբեջանի միջով. նոր քարտեզ սահմանազատումից հետո 
