Ամերիկյան կողմն անթույլատրելի է համարում ՀՀ տարածքային ամբողջականության դեմ Ադրբեջանի ոտնձգությունները. ԱԺ նախագահն ընդունել է ԱՄՆ կոնգրեսականներին

 ՀՀ ԱԺ նախագահ Ալեն Սիմոնյանը հոկտեմբերի 18-ին ընդունել է ԱՄՆ Ներկայացուցիչների պալատի Ժողովրդավարական գործընկերության հանձնախմբի (ԺԳՀ) նախագահ Դեյվիդ Փրայսի գլխավորած կոնգրեսական պատվիրակությանը: Ինչպես  հայտնում են Ազգային ժողովի հասարակայնության հետ կապերի և հաղորդակցության վարչությունից, ողջույնների փոխանակումից հետո կողմերը քննարկել են սեպտեմբերի 13-ի ադրբեջանական զինված ուժերի ագրեսիայի հետեւանքները:

«Չնայած այն հանգամանքին, որ սեպտեմբերի 14-ի երեկոյան Միացյալ Նահանգների միջնորդությամբ ձեռք է բերվել փխրուն զինադադարի համաձայնություն, այնուամենայնիվ, դրանից հետո եւս ադրբեջանական կողմը պարբերաբար շարունակում է խախտել հրադադարի ռեժիմը»,- նշել է ՀՀ ԱԺ նախագահը:

Նա երախտագիտություն է հայտնել ԱՄՆ իշխանություններին, այդ թվում` բազմաթիվ կոնգրեսականների` վերջին զարգացումներին հասցեական գնահատական տալու, ինչպես նաեւ Միացյալ Նահանգների միջնորդությամբ վերջերս Հայաստան վերադարձված 17 ռազմագերիների համար: Կողմերն անդրադարձել են Հայաստանի տարածք ներխուժած ադրբեջանական զինուժին եւ Ադրբեջան-Թուրքիա ծավալապաշտական նկրտումներին:

Ամերիկյան կողմն անթույլատրելի է համարել ՀՀ տարածքային ամբողջականության դեմ ադրբեջանական ոտնձգությունները:

ՀՀ ԱԺ նախագահը բարձր է գնահատել Հայաստան-ԱՄՆ փոխգործակցությունը բոլոր մակարդակներում: Նա կարեւորել է մեր երկրի համար ծանրագույն շրջանում ԱՄՆ Ներկայացուցիչների պալատի խոսնակ Նենսի Փելոսիի գլխավորած պատվիրակության պաշտոնական այցը:

Հանդիպմանն անդրադարձ է եղել միջխորհրդարանական երկխոսությանը եւ խորհրդարանական դիվանագիտությանը: Ալեն Սիմոնյանի խոսքով` ՀՀ ԱԺ անդամակցությունը Կոնգրեսի երկկուսակցական «House Democracy Partnership» հանձնախմբին շատ կարեւոր է: Նա ընդգծել է, որ այս այցը կարեւորագույն նշանակություն ունի համագործակցության այս ձեւաչափի շարունակականության համար:

Հայկական կողմը բարձր է գնահատել նաեւ Ներկայացուցիչների պալատի Հայկական հարցերով հանձնախմբի աշխատանքը, այդ թվում` Հայաստանին աջակցելու ծրագրերում, Արցախին մարդասիրական օգնություն ցուցաբերելու, առեւտրային նախաձեռնությունների, Լեռնային Ղարաբաղի հիմնախնդրի խաղաղ կարգավորման գործընթացում եւ Հայոց ցեղասպանության ճանաչման հարցում:

Հանդիպմանը քննարկվել են օրենսդիր-գործադիր հարաբերությունները, խորհրդարանական ընդդիմությանը, որոշումների կայացման մեխանիզմներին առնչվող հարցեր:

Այս թեմայով Արցախի Հանրապետության օրվա կապակցությամբ Ազգային ժողովի նախագահին շնորհավորել են ԱՄՆ կոնգրեսականներ ԱՄՆ մի խումբ կոնգրեսականներ Ներկայացուցիչների պալատին են ներկայացրել Հայոց ցեղասպանության կրթական ակտը Ադրբեջանցիների կողմից Լաչինի միջանցքի փակումը համակարգված բնույթ է կրում. ԱՄՆ կոնգրեսականներ 20-ից ավելի կոնգրեսականներ Թուրքիային F-16 կործանիչներ վաճառելու արգելք կկիրառեն. ՀՅԴ «Փաստ». Կոնգրեսականների օրակարգը հագեցած կլինի ԱՄՆ կոնգրեսականները Հայաստանում կքննարկեն ԱՄՆ-Հայաստան հարաբերություններին առնչվող հարցեր Հայտնի է Հայաստան այցելող ԱՄՆ Կոնգրեսի պատվիրակության կազմը 64 կոնգրեսականներ միացել են Ադրբեջանին ռազմական օժանդակությունից զրկելու և ՀՀ-ին ու Արցախին 150 միլիոն դոլար օժանդակություն տրամադրելու նախագծին ԱՄՆ մի խումբ կոնգրեսականներ շնորհավորել են Արցախի անկախության օրը Կոնգրեսականները կոչ են արել ԱՄՆ-ին ավելի քան 100 մլն դոլարի աջակցություն տրամադրել Հայաստանին և Արցախին