Փաստորեն, ցեմենտի որոշակի դեֆիցիտ կա շուկայում. Փաշինյանն անակնկալի է եկել (տեսանյութ)
ЭкономикаԻնձ համար անակնկալ էր արձանագրել, որ Հայաստանի շուկայում, փաստորեն, ցեմենտի որոշակի դեֆիցիտային երեւույթներ կան: Այս մասին այսօր՝ հոկտեմբերի 20-ին, կառավարության նիստում հայտարարեց ՀՀ վարչապետ Նիկոլ Փաշինյանը:
«Սա նշանակում է, որ ՀՀ-ում այն ծավալի շինարարություն կա, որ շուկայում դեֆիցիտ է առաջացել եւ մեր տեղի արտադրողները չեն հասցնում շուկային մատակարարել: Դրա համար որոշում կայացրեցինք ցեմենտի ներկրման տուրքը 14 հազարից իջեցնել 2 հազարի: Այստեղ երեւի մենք կարող էինք այդ որոշումն ավելի շուտ կայացնել, որոշակիորեն հապաղեցինք:
Հույս ունենք, որ սա դեֆիցիտի խնդիրը կլուծի, բայց մենք անընդհատ այդ ազդակները ստանում ենք, որ շուկայում ցեմենտ ձեռք բերելու խնդիր կա:
Սա մի կողմից լավ է, որ շատ մեծ ծավալների շինարարություն է տեղի ունենում երկրում, մյուս կողմից լավ չէ, որ դրա պատճառով կարող է շինարարությունը դանդաղել»,-ասաց նա:
Իր հերթին Մրցակցության պաշտպանության հանձնաժողովի նախագահ Գեղամ Գեւորգյանն ասաց, որ ցեմենտի շուկայում մեկ այլ մտահոգություն էլ կա, որ դեֆիցիտը կարող է լինել արհեստական պատճառներով ստեղծված եւ գների բարձրացում է տեղի ունեցել. «Դեռեւս վարույթ չի հարուցվել, բայց կհարուցվի»,-ասաց նա:
Սրան վարչապետն արձագանքեց. «Հարուցեք: Դա ընդհանուր գնահատականը չի փոխում, այսինքն նրանք, որոնք արհեստական ստեղծում են դա, վաճառքի պրոբլեմ չունեն, ընդհակառակը, ուզում են առիթից օգտվեն ու ավելի մեծ շահույթ ստանան: Իհարկե, գերշահույթ ստանալու ախորժակները պետք է զսպվեն»:
Самое популярное 
«Индийский свадебный макияж» - новый тренд в Tiktok и Instagram: Гоар Авестисян представила свой вариант
