Պատրաստ ենք համագործակցություն ծավալել նախարարության ենթակայության բոլոր բնագավառներում․ Դումանյան

ՀՀ ԿԳՄՍ նախարար Վահրամ Դումանյանն այսօր ընդունել է ՀՀ-ում Արգենտինայի Հանրապետության արտակարգ և լիազոր դեսպան Մարիանո Վերգարային:

Հանդիպմանը ներկա է եղել նաև նախարարի տեղակալ Արթուր Մարտիրոսյանը:

«Ուրախ ենք ձեզ ողջունելու Կրթության, գիտության, մշակույթի և սպորտի նախարարությունում: Հույս ունեմ, որ այս հանդիպումը կնպաստի Հայաստանի ու Արգենտինայի միջև նախատեսվող մշակութային մի շարք ծրագրերի իրականացմանը՝ արդյունավետ փոխգործակցության լայն հնարավորություն ստեղծելով նաև այլ ոլորտների համար: Մենք պատրաստ ենք համագործակցություն ծավալել նախարարության ենթակայության բոլոր բնագավառներում, իսկ արգենտինահայ համայնքը կարող է կամուրջ հանդիսանալ երկկողմ հարաբերությունների զարգացման գործում»,- ասել է Վահրամ Դումանյանը և հույս հայտնել, որ դեսպանի դիվանագիտական գործունեությունը կնպաստի երկկողմ կապերի ամրապնդմանը և հայ-արգենտինական փոխհամագործակցության շարունակական խորացմանն ու ընդլայնմանը։

ՀՀ-ում Արգենտինայի Հանրապետության արտակարգ և լիազոր դեսպան Մարիանո Վերգարան շնորհակալություն է հայտնել ընդունելության համար և ընդգծել, որ հենց Արգենտինայի հայ համայնքն է նպաստել Հայաստանում Արգենտինայի դեսպանություն հիմնելուն, ինչպես նաև առկա ծրագրերի և նոր նախաձեռնությունների իրականացմանը:

«Հայաստանի և Արգենտինայի միջև ամուր, շարունակական և անընդհատ զարգացող կապ կա: Դեսպանության համար մշակութային ծրագրերն առաջնահերթ նշանակություն ունեն, ուստի ակնկալում ենք նախարարության աջակցությունն առաջիկայում կազմակերպվելիք միջոցառումների անցկացման համար»,- ասել է Մարիանո Վերգարան:

ԿԳՄՍ նախարարը նախատեսված ծրագրերի իրականացմանն աջակցելու պատրաստակամություն է հայտնել և առաջարկել արգենտինական մշակույթի օրեր անցկացնել Հայաստանում, համապատասխանաբար՝ Արգենտինայում էլ կազմակերպել հայկական մշակույթին վերաբերող միջոցառումներ:

Հանդիպման ընթացքում Վահրամ Դումանյանը կարևորել է Արգենտինայի Քենեդու անվան համալսարանում հայերենի և հայագիտական առարկաների դասավանդման ծրագրի իրականացումը, ինչը հնարավորություն կտա զարգացնելու հայ-արգենտինական միջբուհական համագործակցությունը:

ԿԳՄՍ նախարարը դեսպանի ուշադրությունը հրավիրել է նաև 44-օրյա պատերազմի հետևանքով Ադրբեջանի վերահսկողության ներքո անցած տարածքներում հայկական մշակութային ժառանգության պահպանության խնդրին՝ նշելով, որ հայկական կողմն այս առումով ակնկալում է միջազգային հանրության, այդ թվում՝ և Արգենտինայի աջակցությունը, որպեսզի Ադրբեջանը զերծ մնա հայկական մշակութային ժառանգությունը ոչնչացնելուց և աղավաղելուց:

Այս թեմայով Սարո Խոդավերդին և Վահրամ Ճուղուրյանը նշանակվել են օտարերկրյա պետություններում Սփյուռքի գործերի հանձնակատարներ Արցախի հարցը որևէ կապ չունի Ադրբեջանի տարածքային ամբողջականության հետ, մենք ինքնորոշվել էինք մեր տարածքի վրա․ Վահրամ Բալայան «Ով որ ձեզնից ձայն չհանեց, ով էլ վրան քսեց օճառ, ուրեմն նա ոչ թե հայ է, այլ խճուղու մարմնավաճառ»․ Վահրամ Սահակյան «Հրապարակ». Էկոնոմիկայի նախարարությունը 64 հազար դոլար է փոխանցել Վահրամ Թոքմաջյան Արցախում ստեղծված իրավիճակից դուրս գալու համար կա 4-րդ ճանապարհ․ Վահրամ Մարտիրոսյան Աշխարհում ոչ մի ադրբեջանցի քֆուր չի գրի մորը զոհվածի․ դուք շատ եք, բայց ձեզ հայ ասող չկա․ Վահրամ Սահակյան (տեսանյութ) Որևէ տեղ մեկնել չեմ պատրաստվում, ընտանիքիս և հարազատներիս հետ շարունակում եմ ապրել Արցախում. Վահրամ Պողոսյան ԿԳՄՍ նախկին նախարարը նշանակվել է ՀՀ նախագահի խորհրդական 2–րդ բանակային կորպուսի հրամանատար Վահրամ Գրիգորյանն ազատվեց պաշտոնից Վահրամ Դումանյանն աշխատանքից ազատման դիմում է ներկայացրել