Արտակարգ դեպք՝ Երևանում. Երևանի գնդի պարեկները երիտասարդին, երբ հորդորել են, որ հայտնի՝ ինչ կա պայուսակում, նա դիմել է փախուստի

Երեկ՝ հոկտեմբերի 30-ին, ՀՀ ոստիկանության պարեկային ծառայության Երևանի գնդի 1-ին գումարտակի 2-րդ վաշտի պարեկները Արաբկիրի վարչական տարածքում ծառայություն կատարելիս են եղել, երբ Ղափանցյան փողոցում՝ ժողովրդին հայտնի Կորեայի ձորում նկատել են կասկածելի մի երիտասարդի։

Ինչպես հայտնում է ֆոտոլրագրող Գագիկ Շամշյանը, նույն վաշտի պարեկ Խաչիկ Հաննեյանն ու կրտսեր պարեկ Սևակ Առաքելյանը մոտենում են այդ քաղաքացուն, որպեսզի պարզեն նրա ինքնությունը։

Քաղաքացին կրելիս է լինում սև գույնի պայուսակ (барсетка), ու երբ պարեկների մոտ կասկած է առաջանում այդ քաղաքացու շարժուձևից, նրան հորդորում են, որպեսզի հայտնի, թե պայուսակում ինչ կա։ Սակայն քաղաքացին դիմում է փախուստի, և մոտ 350-400 մետր պարեկները հետապնդում են նրան։ Այդքան ճանապարհահատված հետապնդելուց հետո Խ. Հաննեյանը իր անվամբ հաշվառված հաշվեցուցակային ատրճանակից նախազգուշական օդ է կրակում ու բղավում, որ քաղաքացին դադարեցնի փախուստը և կանգնի, սակայն նախազգուշական կրակոցն էլ արդյունք չի տալիս, ու պարեկները շարունակում են հետապնդումը։

Ի վերջո, նրանց հաջողվում է վնասազերծել այդ քաղաքացուն, ով այնուհետև տեղափոխվում է ոստիկանության Արաբկիրի բաժին։ 

Զննությամբ պայուսակում հայտնաբերվում է դեղնականաչավուն զանգված, ընդհանուր՝ 76.9 գրամ կշռով «Մարիխուանա« տեսակի թմրամիջոց։ 

Հայտնաբերվում է նաև գաղտնի փականով դանակ և հուշանվեր-կացին։ 

Արդեն տեղում Արաբկիրի ոստիկանները պարզում են, որ այդ քաղաքացին Երևանի բնակիչ՝ 24-ամյա Արթուր Վ-ն է։ 

Դեպքի փաստով ոստիկանության Արաբկիրի բաժնում նյութեր են նախապատրաստվում, որոնք էլ Արթուր Վ-ի հետ ներկայացվում են Հայաստանի քննչական կոմիտեի Երևան քաղաքի քննչական վարչության Արաբկիրի քննչական բաժին, որտեղ փաստի առթիվ նախաձեռնվել է վարույթ։

Ֆոտոլրագրողը հայտնում է, որ վերջին ամիսներին պարեկային ծառայության Երևանի գնդի պարեկները այնքան թմրամիջոց ու հոգեմետ դեղեր են հայտնաբերել, որ դրանք կարող են 2-3 լաբորատորիա լցնել։

Պարեկային ծառայությունը շարունակում է ուժեղացված ծառայությունը, ինչը իր դրական արդյունքն է տալիս նաև նման տիպի հանցագործությունների բացահայտման ուղղությամբ։ 

Այս թեմայով Դատապարտյալին բերված հանձնուքում հայտնաբերվել է կրակայրիչ՝ լցված թմրամիջոցի նմանվող հեղուկով ՊԵԿ-ը տարբեր առաքանիներից հայտնաբերել է 1405 գրամ «հաշիշի յուղ» տեսակի թմրամիջոց Արտաշավանի 48-ամյա բնակիչը տանը թմրամիջոց է պահել (տեսանյութ) Ապօրինի ձեռք է բերել և պահել 570,81 գրամ քաշով «Մեթամֆետամին» տեսակի թմրամիջոց «Չեմ ընդունում մեղադրանքս». Գալեյանը` թմրամիջոց պահելու և խուլիգանության մեղադրանքների մասին Ամուսինները Տելեգրամում զբաղվել են թմրամիջոցների իրացմամբ․ նրանց մեղադրանք է ներկայացվել Կանխվել է ԲԿ-ում կալանավորված անձին կասկածելի փաթեթների փոխանցման փորձը Ոսկեհատ գյուղի 35-ամյա մի բնակիչը տնամերձ հողամասում մշակել է կանեփ, տանն ու օժանդակ կառույցներում պահել թմրամիջոց Երիտասարդները բռնվեցին թմրամիջոց վերցնելու պահին. Մարտունու ոստիկանների բացահայտումը Տելեգրամով թմրամիջոց էին պատվիրել, տերմինալով վճարել. ոստիկանները ապօրինի թմրաշրջանառության դեպք են բացահայտել