Պիկեն ավարտում է պրոֆեսիոնալ կարիերան

Իսպանիայի ֆուտբոլի ազգային թիմի նախկին պաշտպան, կատալոնական «Բարսելոնա»-ի երկարամյա ֆուտբոլիստ Ժերար Պիկեն ավարտում է պրոֆեսիոնալ կարիերան:

Ֆուտբոլիստն այս մասին գրել է սոցցանցերի իր էջերում:

Իսպանիայի ֆուտբոլի առաջնության նոյեմբերի 5-ին կայանալիք «Բարսելոնա»-«Ալմերիա» հանդիպումը վերջինն է լինելու Պիկեի համար:

Իր հայտարարության մեջ Պիկեն նշել է, որ ֆուտբոլը, «Բարսելոնա»-ն, երկրպագուները իրեն տվել են ամեն ինչ, իսկ հիմա եկել է ժամանակը, որպեսզի այս ճամփորդությունը իր ավարտին հասնի: «Ես միշտ ասել եմ, որ «Բարսելոնա»-ից հետո որևէ այլ թիմում չեմ լինի, և ահա, թե ինչպես է դա լինում: «Նոու Կամպ» մարզադաշտում այս շաբաթվա խաղը վերջինը կլինի ինձ համար: Ես կդառնամ մշտական երկրպագու, ես կաջակցեմ թիմին: Ես «Բարսելոնա»-ի հանդեպ սերը կփոխանցեմ իմ երեխաներին: Եվ դուք գիտեք ինձ, վաղ, թե ուշ՝ ես կվերադառնամ»,- ասել է Պիկեն: 

Պիկեն «Բարսելոնա»-ի ակադեմիայի սան է: 2004/08 թվականներին հանդես է եկել «Մանչեսթեր Յունայթեդ»-ում, 2006/07 վարձավճարով խաղացել է «Սարագոսա»-ում, իսկ 2008 թվականից «Բարսելոնա»-ի հիմնական կազմի ֆուտբոլիստներից է: Պիկեն հանդես է եկել Իսպանիայի բոլոր տարիքային հավաքականներում: Ընտրանու կազմում դարձել է 2010 թվականի աշխարհի և 2012 թվականի Եվրոպայի առաջնության չեմպիոն: «Բարսելոնա»-ի կազմում 8 անգամ նվաճել է Իսպանիայի չեմպիոնի կոչումը, 7 անգամ` արքայական գավաթը, 6 անգամ Իսպանիայի Սուպերգավաթը, երեք անգամ Չեմպիոնների լիգայի հաղթող է դարձել, նույնքան անգամ ՈՒԵՖԱ-ի Սուպերգավաթակիր և աշխարհի ակումբային առաջնության հաղթող:

Այս թեմայով Շակիրան հայտնել է՝ ինչու է երեխաների հետ տեղափոխվել Բարսելոնայից Պիկեի սիրելին դավաճանել է նրան Պեպ Գվարդիոլայի հետ. ԶԼՄ Շակիրան կախարդ տիկնիկ է տեղադրել նախկին սկեսուրի տան դիմացի պատշգամբում (ֆոտո) Շակիրան և Պիկեն 14 միլիոն եվրոյով վաճառում են Բարսելոնայի իրենց առանձնատունը Պիկեն հայտարարել է կարիերան ավարտելու մասին Շակիրան առաջին անգամ խոսել է Պիկեից բաժանվելու մասին Պիկեն ցանկանում է հեռանալ «Բարսելոնայից» և Իսպանիայից Ժերար Պիկեի նոր ընկերուհին հղի է. ԶԼՄ Շակիրան և Պիկեն կհայտնվեն դատարանում` 20 միլիոն դոլար արժողությամբ ինքնաթիռի պատճառով Պիկեն Շակիրայից բաժանվելուց երկու ամիս անց սիրավեպ է սկսել 23-ամյա աղջկա հետ