Գիտնականներն առնետների մոտ հայտնաբերել են ռիթմի զգացում

Տոկիոյի համալսարանի գիտնականներն առնետների մոտ հայտնաբերել են ռիթմի զգացում: Սա կրծողների մոտ գրանցված առաջին նման դեպքն է։ Աշխատանքի արդյունքները հրապարակվել են Science Advances ամսագրում։

Փորձարկման ընթացքում փորձագետները ուսումնասիրել են 20 մարդու և 10 առնետի արձագանքը նույն կոմպոզիցիային, որը միացվել է չորս տարբեր արագությամբ: Փորձի մասնակիցներին միացվել են անլար արագացուցիչներ, որոնք չափել են նույնիսկ գլխի չնչին շարժումները: Այնուհետև փորձի մասնակիցներին տվել են լսել Մոցարտի սոնատից մեկ րոպեանոց հատվածներ՝  75, 100, 200 և 400 տոկոս տեմպով՝ սկզբնական արագությունից, որը կազմում էր 132 bpm (beats per minute, զարկեր մեկ րոպեում):

Առնետները հասել են ամենաընդգծված համաժամանակությանը 120-140 bpm-ում: Հեղինակները նշել են, որ և՛ մարդիկ, և՛ կենդանիները գլուխները ցնցում էին նույն ռիթմով, և տեմպի արագացման հետ մեկտեղ գլխի ցնցումների մակարդակը նվազում էր: Ընդ որում, առնետների մոտ այդ ունակությունը պարզվեց, որ բնածին է, այսինքն՝ առանց որևէ վարժության կամ երաժշտության հետ նախնական ազդեցության։

Այս փորձը անհրաժեշտ էր ուսումնասիրելու համար, թե ինչպես է երաժշտությունն ազդում ուղեղի, զգացմունքների և ճանաչողության վրա: Երաժշտությունը առավելագույնս արդյունավետ օգտագործելու համար պետք է բացահայտել այս փորձառության հիմքում ընկած նյարդային մեխանիզմը:

Այս թեմայով «Պետությունից պաշտպանում ենք պետական շահը». գիտնականները ճանապարհ են փակել (տեսանյութ) Միայնակ քնելն ավելի առողջարար է, քան զուգընկերոջ հետ քնելը Գիտնականները պարզել են, որ կանանց արցունքները նվազեցնում են ագրեսիան տղամարդկանց մոտ Գիտնականները պարզել են, որ սեփական այգի ունենալն օգտակար է առողջության համար Գիտնականները ցույց են տվել, թե ինչպիսի տեսք կունենան շները 10 հազար տարի հետո Բացահայտել են կաթնաթթվային բակտերիաների շտամներ. կօգտագործվեն սննդամթերքի կենսապահածոյացման համար Գիտնականները հասկացել են, թե ինչու են քաղցած մկները սննդի փոխարեն նախընտրում սեքսը Կյանքից հեռացել է բուսաշխարհագետ, կենսաբանական գիտությունների դոկտոր Սամվել Բալոյանը Չինացի գիտնականներին հաջողվել է կլոնավորել «սուպերկովերին» Բրիտանական թանգարանները հրաժարվել են «մումիա» բառից