Արզումանյան փողոցում 2 վթարային շենք կքանդեն. բնակիչները բնակարաններ կստանան

Կառավարությունն իր այսօրվա՝ նոյեմբերի 17-ի նիստում Երևանի քաղաքապետին լիազորություն վերապահելու մասին որոշում կայացրեց:

Որոշման հիմնավորման մեջ նշվում է, որ Երևանի Արզումանյան փողոցի N 10 և 17 հասցեների վթարային շենքերի և հարակից բակային տարածքների նկատմամբ հանրության գերակա շահ ճանաչելու համար անհրաժեշտ է ձեռք բերող ընկերության հետ կնքել սեփականության օտարման գործընթացի ընթացքում պետության և ձեռք բերողի իրավունքները, պարտականություններն ու պատասխանատվությունը սահմանող պայմանագիր:

Քննարկվող՝ Աջափնյակ վարչական շրջանի Արզումանյան փողոցի N 10 և 17 հասցեներում գտնվողն բազմաբնակարան բնակելի շենքերը 4-րդ կարգի վթարային են և կանգնած են փլուզման վտանգի առջեւ:

Երևանի զարգացման 2019-2023 թթ. Հնգամյա ծրագրով նախատեսված է քանդման ենթակա 4-րդ կարգի վթարային շենքերում բնակվող ընտանիքների վերաբնակեցման առկա հիմնախնդիրների լուծում:

Բնակիչների անվտանգության ապահովման խնդիրը լուծելու համար առաջարկվում է քանդել վթարային շենքը՝ տեղում նոր կառուցվող շենքերից բնակարանների հատկացում կատարել բնակիչներին:

Այդ տարածքում նվազել են ընդհանուր օգտագործման գոտիները՝ խաղահրապարակներ, կանաչապատ տարածքներ:

Բակերում տարբեր ժամանակահատվածներում տեղակայվել են խառը, տարաբնույթ, անկանոն քարե և մետաղական շենքեր և շինություներ, այդ թվում կրպակներ և ավտոտնակներ, նաև այդ տարածքները վերածվել են ժամանակավոր կայանատեղերի:

Ըստ նախագծի ոչ միայն քանդվելու են վթարային շենքերը, այլեւ քաոսային կերպով տեղաբաշխված և բարեկարգ բակի ստեղծմանը խաթարող ծանրաբեռնված տարածքները մաքրվելու են, տարածքը կանաչապատվելու է, ստեղծվելու են հանգստի գոտիներ:

Վարչապետ Նիկոլ Փաշինյանն իր խոսքում ասաց. «Երկար ժամանակ քննարկում էինք, թե ինչպես պետք է իրականություն դարձնենք վթարային շենքերը նոր բնակֆոնդով փոխարինելու հարցը այնպես, որ այդ շենքերում բնակվող քաղաքացիները ստանան համարժեք բնակարաններ: Հիմա կոնկրետ այդ հարցով նախագիծ է ձևավորվել»,- ասաց Փաշինյանը:

Թեման մանրամասնեց Երևանի քաղաքապետի տեղակալ Տիգրան Ավինյանը՝ նշելով. «Դեռևս հոկտեմբերին Աջափնյակ կատարած շրջայցը սկսել էինք 4-րդ կարգի վթարային շենքերի բնակիչներին հանդիպելուց: Աջափնյակը մեզ մոտ ամենահարուստն է 4-րդ կարգի վթարային շենքերի առումով: Առհասարակ, Երևանում ունենք 13 բազմաբնակարան 4-րդ կարգի վթարային շենքեր: Երևանում ունենք 100-ից ավելի 3-րդ կարգի վթարային շենքեր:

Խոշոր կառուցապատողներին առաջարկում ենք ներգրավվել այս շենքերի բնակիչների հետ բանակցությունների գործընթացում և որոշակի ընդհանուր ստանդարտների պահպանմամբ այդ շենքերի տեղերում այլ շենքեր կառուցել, ընթացքում լուծել բնակիչների վարձակալության հարցերը և նրանց հետ տարբեր պայմանավորվածություններ ունենալ՝ նոր կառուցվող շենքում բնակարան հատկացնել, այլ տեղում բնակարան հատկացնել, գումար տալ»,- ասաց Ավինյանը:

Այս թեմայով Կապանի Սպանդարյան փողոցում փրկարարներն իրականացրել են հարկադիր քարաթափման աշխատանքներ Բնակիչները միառժամանակ փակել են միջպետական 3 ճանապարհ` Օձուն-Ալավերդի և Բավրայի սահմանային անցակետի հատվածում. ապակենտրոն ակցիային մտադիր են միանալ վանաձորցիներն ու գյումրեցիները Ոսկեպարի եկեղեցու մոտ սակրավորներն ականներ են փնտրում, բնակիչները պահանջում են դադարեցնել (տեսանյութ) Կրակոցի ձայներ լսվեց. Ոսկեպարում վիճակը գերլարված է, բնակիչները փորձում են արգելել ականազերծումը (տեսանյութ) Նոյեմբերյանում բնակիչները միաձայն «տերունական աղոթքն են» արել (տեսանյութ) Բնակիչները փակել են Իջևան-Վրաստանի սահման ճանապարհը (տեսանյութ) Կիրանց գյուղի բնակիչները թույլ չեն տալիս սկսել ականազերծման աշխատանքները (տեսանյութ) Մինչև մայիսի 15-ը Ադրբեջանը և Թուրքիան կստանան նվեր Տավուշի ամենակարևոր 4 կետերը. Գեղամյան Կիևյան փողոցում հայտնաբերվել է տղամարդու մարմին Վթարային ջրանջատում Արմավիր քաղաքում ապրիլի 12-ին