Երևանում բախվել են Mercedes-ները․ նրանցից մեկն էլ բախվել է ավտոլվացման կետի երկաթե սյանը. կա վիրավոր
Արտակարգ ՊատահարԱյսօր՝ նոյեմբերի 18-ին, ավտովթար է տեղի ունեցել Երևանում։ Ժամը 08։30-ի սահմաններում Արարատյան փողոցի թիվ 76 հասցեի դիմաց բախվել են 30-ամյա Արտյոմ Աբրահամյանի վարած Mercedes CLK320 մակնիշի և 66-ամյա Գրիգոր Գրիգորյանի վարած Mercedes C200 մակնիշի ավտոմեքենաները։
Ինչպես դեպքի վայրից հայտնում է Shasmhyan.com-ը, վթարի հետևանքով 1 հոգի տեղափոխվել է «Էրեբունի» բժշկական կենտրոն։ Իսկ բախման հետևանքով էլ Ա․ Աբրահամյանի Mercedes CLK320-ը դուրս է եկել երթևեկելի գոտուց, բախվել ավտոլվացման կետի տարածքում տեղադրված երկաթե սյանը։
Վթարի փաստով նախաձեռնվել է վարույթ։ Պարեկային ծառայությունն ու քննչական բաժինը պարզում են վիրավորի ինքնությունը։