Շրջանավարտները հաջորդ տարվանից միասնական քննություն կարող են հանձնել մեկ տարվա ընթացքում երկու անգամ (տեսանյութ)

Կառավարության որոշմամբ շրջանավարտը հաջորդ տարվանից միասնական քննություն կարող է հանձնել մեկ տարվա ընթացքում երկու անգամ՝ հունվարին եւ հունիսին։ Առաջին փուլում դիմումների հայտագրումն իրականացվելու է այս տարվա դեկտեմբերի 15-ից մինչեւ 25-ը, իսկ քննությունները կանցկացվեն հունվար-փետրվար ամիսներին։ Երկրորդ փուլի հայտերն ընդունվելու են 2023 թվականի ապրիլի 15-ից մինչեւ մայիսի 10-ը, իսկ քննությունները կանցկացվեն հունիսի 1-ից հուլիսի 10-ն ընկած ժամանակահատվածում:

Մինչեւ այդ եթե դիմորդը հունիսին հայտագրում էր նաեւ բուհը եւ մասնագիտությունը, ապա հունվարին հայտագրելու է միայն առարկանը՝ առավելագույնը երկուսը։

Կրթության փորձագետ Սերոբ Խաչատրյանն ասաց, որ Հայաստանում ընդունելության քննությունները գրեթե՝ քաղաքական իրադարձության են վերածվում, պաշտոնյաները, ընդհուպ երկրի ղեկավարի մակարդակով այցելում են քննական կենտրոններ, ինչը դիմորդների մոտ լրացուցիչ լարվածություն է առաջանում, որն էլ հաճախ քննությունը ձախողելու պատճառ է դառնում. «Այդ լարվածությունը լավ բան չի, որովհետեւ քննությունները պետք է ընթանան հանգիստ ու աննկատ պայմաններում, որովհետեւ դա լրացուցիչ սթրես է ստեղծում։ Կարծում եմ՝ բավական կթուլացնի այդ լարվածությունը եւ դիմորդներին հնարավորություն կտա առաջին անգամ հանձնել քննություն եւ հասկանալ իրենց ուժը, որոշ ժամանակ աշխատել եւ երկրորդ անգամ հանձնել»։

Իսկ թե որքանով այս նորամուծությունը կնպաստի կրթական մակարդակը բարձրացմանը, այս Խաչատրյանն ասաց, որ այս փոփոխության նպատակը կրթության որակը բարձրացնելը չէ. «Չեմ կարծում, որ այս որոշման արդյունքում կրթության որակ կբարձրանա։ Սա ընդամենը հոգեբանական առումով հնարավորությունների ընձեռում է։ Հանկարծ չմտածեք, որ այս որոշման արդյունքում կրթության որակը կընկնի կամ կբարձրանա։ Կրթության որակի բարձրացումը եւ անկումը ուրիշ պարամետրերով է սովորաբար դիտվում»։

Փորձագետը օրինակներ բերեց միջազգային փորձից, նշեց, որ մի շարք երկրներում խրախուսվում է, որ դիմորդներն իրենց գիտելիքները ստուգելու համար կարողանան պարբերաբար քննություններ հանձնել։

ԿԳՄՍՆ գնահատման եւ թեստավորման կենտրոնի փոխտնօրեն Կարո Նասիբյանը մեզ հետ զրույցում պատմեց, որ այս որոշման գաղափարը շուրջ տասը տարվա վաղեմություն ունի։ Նրա խոսքով՝ դիմորդին հնարավորություն է ընձեռվում ձախողման կամ գիտելիքի ստուգման դեպքում չսպասել եւս մեկ տարի, հանձնել տարվա մեջ երկու անգամ։

«Տարիներ շարունակ դիմորդները քննությունը հանձնելիս ինչ-որ տեղ բավարարված չեն լինում իրենց արդյունքներից։ Լինում են շրջանավարտներ, որոնք ունենում են հուզմունք, ավելորդ լարվածություն, նույնիսկ ջերմություն են ունենում, դա դեռ չի նշանակում, որ իրենք պատրաստ չեն, ընդհակառակը լարվածությունը կարող է թույլ չտալ երեխային՝ ամբողջովին բացվել։ Հաճախ դիմորդներն ու ծնողները խնդրում էին՝ կրկնել քննությունը։  Դիմորդը պարապում է կրկնուսույցի մոտ։ Այսինքն՝ ծնողն ասում է՝ իմ երեխան ամեն օր գնում է պարապմունքի, հետ է գալիս, հունվարին արի փորձենք, տեսնենք՝ մի բան սովորե՞լ է։ Ծնողի եւ կրկնուսույցի համար հետաքրքիր է»։

Նասիբյանի խոսքով՝ վերջին տարիների միտումներով պետական բուհերից դիմորդների շրջանում ամենապահանջվածը Մայր բուհից հետո Բրյուսովի անվան պետական համալսարանը եւ Տնտեսագիտական համալսարանն են։ Անմխիթար վիճակում են հատկապես մարզային բուհերը, որտեղ դիմորդների թիվը տարեցտարի նվազում է։ 2022 թվականի քննությունների արդյունքներով ամենապահանջված  մասնագիտություններն են եղել՝ Բուժական գործը, Ինֆորմատիկա եւ կիրառական մաթեմատիկան, Կառավարումը եւ Իրավագիտությունը։

По теме В сектора Газа более 34,5 тыс. палестинцев погибли с октября 2023 года По наркотикам: В Армении в 2023 году зарегистрировано 5070 преступлений Глава ведомства: Генпрокуратуре Армении в 2023 году удалось вернуть государству 173 млн. 385 тыс. драмов РФ и Украина не смогли подписать соглашение в ходе переговоров в Стамбуле в 2022 году из-за давления Британии: Песков CBS News: США согласились вывести войска из Нигера В 2020-2023 годах правительство Армении выделило Нагорному Карабаху 1,3 млрд долларов: Пашинян Минздрав: В Армении в 2023 году увеличилось количество труднодоступных медицинских услуг по госзаказу Fox News: К дому советника президента США подбросили навоз Премьер-министру представлен отчет о деятельности Военно-промышленного комитета за 2023 год Ucom в 2023 году показал высокий уровень роста в сфере фиксированной и мобильной связи