«Հրապարակ». Փորձագետները դեմ են համընդհանուր հայտարարագրմանը

«Հրապարակ» թերթը գրում է. «ԱԺ տնտեսական հարցերի հանձնաժողովը երեկ աշխատանքային քննարկում էր հրավիրել՝ եկամուտների համընդհանուր հայտարարագրման թեմայով: Դա ենթադրում է, որ ՀՀ բոլոր քաղաքացիները պետք է հայտարարագրեն իրենց եկամուտները: ԱԺ-ում դեռ ամռանը՝ կառավարության ծրագիրը ներկայացնելիս, Նիկոլ Փաշինյանը խոսել էր այդ մասին, թե կարգավորումն արդեն 2024-ին ուժի մեջ կմտնի: Աշխատանքային քննարկմանը, օրենսդիրներից բացի, մասնակցում էին բանկային ոլորտի ներկայացուցիչներ, գործարարներ, փորձագետներ։

Քննարկման դռնփակ մասում, մեզ հասած տեղեկություններով, փորձագետները մեկ մարդու պես դեմ են արտահայտվել շարքային քաղաքացիների եկամուտները հայտարարագրելու գաղափարին, առավել եւս՝ առկա պատկերացումներին։ Նրանք Բաբկեն Թունյանին ասել են, որ իրենց մշակած նախագծով հնարավոր չէ իրագործել դա, այն է՝ հայտարարագրել եւ հարկել բոլորի եկամուտները՝ լցնելով պետական բյուջեն։

Ասել են, որ եթե համընդհանուր հայտարարագրում, ապա պետք է քաղաքացուց նախ, այսպես կոչված, զրոյական հայտարարագիր պահանջել, այսինքն՝ հայտարարատուն պետք է ապացուցի, որ իր նշած 200 հազար դոլարը կամ «Բենթլին» ունի, հակառակ դեպքում նորաթուխ չինովնիկները կարող են կամայական թվեր, փաստեր նկարել՝ իմանալով, որ հետո պաշտոնավարման ընթացքում մութ ճանապարհով նման եկամուտներ են ունենալու։

Բացի դա, պետք է շեմ սահմանել, որից սկսած՝ քաղաքացին պետք է ապացուցի իր ունեցվածքի օրինականությունը, ասենք՝ 100 մլն-ից բարձր եկամուտներ հայտարարագրած քաղաքացիները եթե չկարողանան ապացուցել, թե որտեղից այդ ունեցվածքը, ապա իրավական գործընթաց պետք է սկսվի նրանց նկատմամբ։ Ի դեպ, մեր տեղեկություններով, ՔՊ-ում եւս ոչ միանշանակ է ընդունվել համընդհանուր հայտարարագրման գաղափարը»:

Այս թեմայով «Հրապարակ». Նիկոլից հիասթափվածների, Նիկոլ մերժողների և ատողների միջև չկա կոնսոլիդացիա «Հրապարակ». «Տարածվել ա, կարդացվել ա, բավարար ա, էլի». ո՞ւմ հորդորով են «զադնի դրել» «Հրապարակ». «Քարֆուրի» տերերը հեռանում են Հայաստանից «Հրապարակ». Գերիների հարցով կակտիվանան «Հրապարակ». Փաշինյանը տավուշցիներին երաշխիքներ չի տվել, որ Ադրբեջանին այլ տարածքներ չեն հանձնվելու «Հրապարակ». Սա դեռ թատրոնի առաջին արարն է «Հրապարակ». Ամաչում են մարդամեջ դուրս գան Հաջորդ քայլը լինելու է ապրիլի 24-ի հիշատակի օրվանից հրաժարվելը․ «Հրապարակ» «Հրապարակ»․ Ադրբեջանն Ալմա-Աթայի հռչակագրից հրաժարվելու հիմքեր է ամրագրել, որ ավելին ստանա Հայաստանից Սահմանազատման երեք տարբերակ է քննարկվել․ «Հրապարակ»